20 Shkurt 2020

Siparantum vjen me koncertin e radhës në Pejë

Pejë, 1 mars - Koncerti i radhës i korit Siparantum kësaj radhe do të vie sot në Kino “Jusuf Gërvalla” në Pejë me një program atraktiv  dhe plot surpriza përball art dashësve pejan

“Vërtetë kemi përzgjedhur një program të bukur dhe atraktiv, besoj që është njëri prej programeve tona më të bukura të shfaqura ndonjëherë. Kemi punuar gjatë dhe falë vullnetit të madh të koristëve ne po vazhdojmë rrugëtimin tone të suksesshëm që për ne nuk është aspak e lehtë duke e marrë parasysh që të gjithë funksionojmë në formë vullnetare vetëm sa për të pasururar jetën kulturore në vendin tonë”, u shpreh dirigjenti I korit Memli Kelmendi.

Në program do të paraqiten vepra të kompozitorëve të njohur botëror dhe shqiptar.

Kësaj radhe kori Siparantum vjen me bashkëpunime të shumëta, njëra prej pikave që do të interpretohet do të jetë bashkëpunimi me grupin e njohur NRG BAND dhe solistin Besnik Qaka.

“Javen e ardhshme ne udhëtojmë në kryeqendren e muzikës korale gjegjësisht në Romë. Atje  ne do t’i shfaqim dy koncerte të cilat janë shumë të rëndësishme për ne dhe vendin tone, prandaj në mungesë të fondeve për të siguruar udhëtimin, akomodimin hyrja për në koncert do të jetë dy eruo, paratë e mbledhura do të shërbejnë pikërisht për këtë udhëtim. Prandaj dua t’I ftoj të gjithë artdashësit që mos të lëshojnë një program të tillë”, u shpreh kryetari korit Fatmir Bajraktari.

Koncerti përcjellet nga pianisti Agron Shujaku dhe koncerti do të dirigjohet nga dirigjenti permanent I korit Siparantum, Memli Kelmendi.

Kalendari

Ngjarjet e datës 20 shkurt 2020 - Behën homazhe në nderim te jetës dhe veprës së heroit, Selman Vojvoda. (Varri i heroit, në Llaushë të Skenderajt, ora 9:00)

- Administrata Tatimore e Kosovë do të mbaj seminar me tatimpaguesit e regjionit të  Prishtinës ku prezent do të jetë edhe Drejtori i Përgjithshëm i ATK-së Ilir Murtezaj. (Hotel Emerald, ora 10:00)

- Bëhet konstituimi i Komisionit për Çështje të Sigurisë dhe Mbrojtjes. (Ndërtesa e Kuvendit, salla N 204, ora 11:00)

- Kryetari i komunës së Istogut, Haki Rugova do ta pres në takim ambasadorin bullgar në Kosovë. (Zyra e Kretarit Haziri, ora 11:00)

- Komuna e Rahovecit mban diskutimi publik lidhur me Draft Planin Komunal të Veprimit për Efiçiencë të Energjisë dhe Planin Lokal për Veprim në Mjedis. (Salla e mbledhjeve të Kuvendit Komunal të Rahovecit, ora 11:00)

- Bëhet konstituimi i Komisionit për Ekonomi, Punësim, Tregti, Industri dhe Investime Strategjike. (Ndërtesa e Kuvendit, salla N303, ora 11:00)

- Mbahet ceremonia e dorëzimit te donacionit për qerdhën “Gëzimi Ynë” në Istog nga Ambasada e Bullgarisë. (Qerdhja “Gëzimi Ynë” në Istog, ora 11:30)

- Mbahet ceremonia e promvimit të librit" Obstetrika",  të Prof. dr. Shefqet Lulaj. (Bibloteka Kombëtare "Pjetër Bogdani", ora 12:00)

- Mbahet akademi përkujtimore për dëshmorin e Kosovës, Selman Vojvoda, në 30 vjetorin e rënies së tij. (Teatri Kombëtar, ora 12:00)

- Ministrja e Drejtësisë, Albulena Haxhiu do të mbajë konferencë për media. (Objekti I Ministrisë, ora 13:00)

- Promovohet revista “Intro”, që është produkt i punës së studentëve të vitit të tretë të Departamentit të Gazetarisë, në kuadër të lëndës "Menaxhim i medias". (Amfiteatri i Fakultetit të Filologjisë në Universitetin e Prishtinës, ora 14:00)

- Komuna e Mitrovicës mban debat publik lidhur me rregulloren për realizimin e të drejtave të fëmijëve përmes sistemit qeverisës komunal miqësor për fëmijët. (Salla e mbledhjeve të Kuvendit të Komunës të Mitrovicës, ora 14:00)

- Zhvillohet ndeshja basketbolliste mes Kosovës dhe Islandës. (Pallati i Rinisë dhe Sportit në Prishtinë, ora 19:00)