18 Shtator 2019

Serbia bën përpjekje të pengoj funksionimin Zyra Rajonale për Rini

Prishtinë, 13 mars - Kosova këtë vit e kryeson njërin prej mekanizmave më të rëndësishëm të të rinjve siç është Zyra Rajonale e Bashkëpunimit për Rini (RYCO).

“Është kënaqësi dhe përgjegjësi e jashtëzakonshme që si përfaqësues i Qeverisë së Kosovës ta kryesoj RYCO-n këtë vit”, ka thënë ministri.

Në Konferencën e RYCO-s që po mbahet në Prishtinë, Ministri i Kulturës, Rinisë dhe Sportit, Kujtim Gashi ka bërë të ditur për media për se qeveria e Serbisë ka shkarkuar dje anëtarin e saj nga bordi i RYCO-s, derisa e ka quajtur shqetësuese ndërhyrjen e politikës në këtë bord.

“Sot ishte paraparë të merren disa vendime të rëndësisë së veçantë në takimin e Bordit të RYCO-s, por fatkeqësisht, mungesa e përfaqësuesit nga Serbia i cili u shkarkua dje nga Qeveria e Serbisë vetëm pse e kishte konfirmuar pjesëmarrjen, bëri që mbledhja e Bordit të RYCO-s të ndërpritet në mungesë korumi”, ka shpjeguar ministri.

Ministri ka thënë se Serbia me këtë veprim po e pengon funksionimin e RYCO-s, dhe nuk po i përmbahet marrëveshjes së nënshkruar në Berlin përkitazi me funksionimin e këtij mekanizmi i cili ka për objektiv bashkimin e të rinjve dhe realizimin e projekteve të përbashkëta nga 6 vendet anëtare të RYCO-s (Kosova, Shqipëria, Bosnja, Serbia, Mali i Zi dhe Maqedonia).

Ai po ashtu ministri Gashi tha se ky është lajm i keq sepse Kosova ka qenë e përkushtuar që të shtyj përpara misionin e RYCO.

“Ky është një lajm shumë i keq sepse Kosova ka qenë e përkushtuar që ta shtyjë përpara misionin e RYCO dhe për mua si kryesues i këtij bordi është jashtëzakonisht zhgënjyese veprimi i Serbisë dhe shfrytëzimi i temave politike. Në këto rrethana ne nuk mund të mbajmë takim”, u shpreh ministri duke i bërë thirrje edhe themeluesve të RYCO-s që ta analizojnë se nga po shkon RYCO dhe të definojnë përgjegjësitë që i kanë marr vendet anëtare të RYCO-s.

Ndërkaq Arianit Jashari tha se shkarkimi i anëtarit serb është zhgënjyes dhe shqetësuese.

“Kjo dëshmon realitetin e brishtë në Ballkanin Perëndimor që zëri i të rinjve përfaqësohet nga politika. Të shkarkohet një nga të rinjtë vetëm pse ka konfirmuar pjesëmarrjen në takim është tepër zhgënjyese. Sot po stopohen edhe disa dokumente që janë jetike dhe për shkak të mungesës së kuorumit ky takim është i dështuar juridikisht sepse nuk ka bazë ligjore për të vazhduar tutje”.

Kalendari

Ngjarjet e datës 18 shtator 2019

- Kryetari i Lëvizjes Vetëvendosje Albin Kurti viziton Xhaminë e Çarshisë në Prishtinë. (Xhamia e Çarshisë në Prishtinë, ora 9:10)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Komunën e Kaçanikut ku do të takoj kryetarin e kësaj komune, Besim Ilazin, për të diskutuar rreth përgaditjes së Garës Nacionale të Sportit. (Objekti i komunës, ora 9:30)

- Specialistët stomatologë të papunë do të protestojnë para Ministrisë së Shëndetësisë. (Para Ministrisë së Shëndetësisë, ora 10:00)

- Instituti Demokratik i Kosovës organizon tryezën e diskutimit ndërmjet qytetarëve dhe kandidatëve për deputetë nga subjektet politike lidhur me temën “Qasja e subjekteve politike rreth çështjes së gjinekologut në nivel komunal”. (Hotel Sirius, ora 10:00)

- Kryetari i Lëvizjes Vetëvendosje Albin Kurti viziton Kalanë e Artanës. (Kalaja e Artanës, ora 10:30)

- Ministri në detyrë i Inovacionit dhe Ndërmarrësisë, Muzafer Shala, mbanë konferencë për media, ku do të lansojë Fondin për Mbështetjen e Ndërmarrjeve Mikro të Vogla dhe të Mesme në vlerë prej 4 milionë euro. (ndërtesa e Ministrisë së Punëve të Jashtme, kati i 3-të,  përballë New Born-it, ora 10:30)

- Oda e Afarzimit të Kosovës në bashkëpunim me Dhomën e Tregtisë në Tiranë dhe Odën Ekonomike të Maqedonisë Veri-Perëndimore organizojnë ngjarjen “Regional B2B Event”. (Holiday Inn në Shkup, 11:00)

- Ministri i Kulturës, Rinisë dhe Sportit, Kujtim Gashi, mirëpret fituesit e medaljeve të Taekwandos. (Kabineti i Ministrit në MKRS, ora 11:00)

- Lëvizja FOL organizon diskutimin e tretë në kuadër të Forumit FOL Hapur me kandidatët për Kryeministër ku i ftuari i radhës do të jetë Nenad Rašić, Kandidat për Kryeministër nga koalicioni Slloboda. (Zyrat e Lëvizjes FOL, ora 11:00)

- Kryetari i Komunës së Gjianit, Lutfi Haziri, nënshkruan kontratat me tetë përfituesit e nën-granteve, në kuadër të projektit "Te rinjtë në Agrobiznes- Regjioni Ekonomik Lindje". (Zyra e Kryetarit Haziri, ora 11:00)

- Punëtorët teknik te qendrës studentore do të protestojnë para drejtorisë së qendrës studentore. (Para drejtorisë së qendrës studentore, ora 11:00)

- Kryetari i Lëvizjes Vetëvendosje Albin Kurti viziton Ulpianën. (Ulpianë, ora 11:40)

- Komuna e Prishtinës në bashkëpunim me Zyren e Bashkimint Evropian në Kosovë organizon promovimi i shtegut për çiklistë, si fazë testuese. (Rruga Zagrebi në Prishtinë, ora 12:00)

- Kryetari i Lëvizjes Vetëvendosje Albin Kurti viziton Janjevën. (Janjevë, ora 12:20)

- Komuna e Prishtinës në bashkëpunim me Zyren e Bashkimint Evropian në Kosovë organizon tryezë diskutimi “Ecja, çiklizmi dhe transporti urban”. (Kolegji Tempulli, rr. Eduard Lir 156, ora 14:00)

- Fondacioni i Kosovës për Shoqëri të Hapur bën promovimin e publikimeve dhe organizon panel diskutimin “ Njohja e Kosovës bashkëkohore”. (Swiss Diamond Hotel, ora 14:00)

- Komisioni Qendror i Zgjedhjeve mban mbledhjen e radhës. (Ndërtesa e KQZ-së, ora 15:30)

- Iniciativa për Histori Gojore organizon lansimin e aplikacionit mobil Prishtina Ecë. (Kafe—librarinë dit’ e nat’, ora 17:00)

- Kandidati i PDK-së për Kryeministër të ardhshëm të Kosovës, Kadri Veseli, merr pjesë në takimin e organizuar nga Gruaja Demokratike. (Hotel Venus, Magjistralja Prishtinë-Lipjan, ora 17:00)

- Lëvizja Vetëvendosje! shpalos prioritetet qeverisëse. (Atelja e Sallës së Kuqe, ora 17:00)

- Federata e Piingpongut e Kosoves, organizon ndeshjet e ligës së parë, e ndeshja derbi pritet të jetë ajo ndërmjet Shkollës dhe Hasan Prishtinës. (Prishtinë, ora 18:00)

- Kryetari i Lëvizjes Vetëvendosje Albin Kurti mban tubim më banorë të fshatit Rufc. (Rufc, ora 19:30)

- Kryetari i Lëvizjes Vetëvendosje Albin Kurti mban tubim më banor në fshatin Gadime. (Gadime, ora 21:00)