03 Prill 2020

Promovohet monografia “Futbolli i Kosovës 1919-2019” i autorit Azem Brovina

Prishtinë, 13 shkurt - Në organizim të shtëpisë botuese “Orfeu” nga Prishtina sot promovohet monografia “Futbolli i Kosovës 1919-2019” me autor  doajenin e gazetarisë kosovare, Azem Brovina.

Për monografinë e Brovina pritet të flasin njohës të historisë së futbollit kosovar, gazetarë dhe sportistë të njohur. 

Ky libër për shumë arsye është i veçantë, sepse është i shkruar mjeshtërisht, i argumentuar me gjuhën e fakteve dhe të statistikave, dhe si i tillë i tejkalon kornizat e një historie sporti.

Monografia e  Brovinës, në fakt është historia gjithëpërfshirëse e futbollit tonë, e cila, si e tillë, ka qenë hallkë e munguar e kronikës njëshekullore të Kosovës

Promovimi mbahet në Bibliotekën Kombëtare “Pjetër Bogdani” në Prishtinë dhe fillon në orën 13:30.

Kalendari

Ngjarjet e datës 3 Prill 2020

- Banka Qendrore e Republikës së Kosovës mban konferencën për shtyp për zhvillimet në sektorin financiar pas paraqitjes së Pandemisë Covid 19. (Ndërtesa e BQK-së, ora 11:00)

- Kompanitë Rajonale e largimit dhe grumbullimit te Mbeturinave mban konferencë për medie (Zyret e Kompanisë “Pastrimi", ora 12:00)

- Kompania Rajonale e Ujësjellësit 'Prishtina' të bëjë pastrimin e rezervuarit të ujit në objektin prodhues Kroni në komunën e Fushë Kosovës.