22 Nëntor 2019

Presidenti dekoron kompozitorët Gjoshi e Gashi

Prishtinë, 1 prill –  Presidenti i Republikës së Kosovës, Hashim Thaçi, i ka dekoruar të hënën kompozitorët e mirënjohur, Naim Gjoshi dhe Xhevdet Gashi, me çmimin “Mjeshtër i Merituar”. Në arsyetimin e zyrtar të ndarjes së këtyre çmimeve Presidenti ka vlerësuar kontributin e dy kompozitorëve për meritat në kultivimin e këngës shqipe. “Me punën e tyre ata e pasuruan jetën artistike dhe kulturore të popullit tonë”, thuhet në arsyetimin e Presidentit Thaçi.

Naim Gjoshi (Librazhd 1950) njihet si autor dhe kompozitor i shumë këngëve me temë atdhetare, të cilat i ka kënduar kryesisht këngëtari i mirënjohur kosovar, Ilir Shaqiri.  Gjoshi e ka mbaruar Akademinë e Arteve - Dega e Muzikës - për Dirigjent Kori, në Tiranë. Gjatë punës së gjatë artistike, Gjoci ka mbledhur dhe përpunuar këngë epike dhe lirike shqiptare, kryesisht nga krahina e Matit.

Por, për publikun e gjerë shqiptar ai njihet më së shumti për koncertin recital “Homazh për Kosovën” i realizuar gjatë viteve të luftës së Kosovës më 1998 dhe 1999, me këngëtarin Ilir Shaqiri dhe aktorët: Kadri Roshi, Reshat Arbana, Margarita Xhepa etj. Për publikun shqiptar janë të njohura këngët e paharruara që i ka kompozuar Gjoshi, si: “Jam Evropë” (Ilir Shaqiri), “Poçari” (Ilir Shaqiri), “Udhët e mia” (Ilir Shaqiri), “Komandant” (Ilir Shaqiri), “Erdhi Dita e Pavarësisë (Ilir Shaqiri), “Mora fjalë” (Shkurte Fejza) etj.
Kurse Xhevdet Gashi (Mitrovicë 1955), nga studio e tij ka realizuar një numër të madh të këngëve për këngëtarët më eminentë kosovarë, këngë të cilat edhe kanë rrëmbyer çmime kombëtare dhe ndërkombëtare.   
 

Kalendari

Ngjarjet e datës 22 nëntor 2019 - UBT në bashkëpunim me Institutin Shkencor Suedez-Kosovar do të mbajnë bashkërisht konferencën “30-vjetori i Rënies së Sistemit Komunist”. (Hotel Sirius, ora 9:00)

- Drejtoresha e misionit të USAID-it në Kosovë Lisa Magno do të flasë në hapjen e konferencës Vetë - Qeverisja Lokale në Kosovë - 20 Vjet. (Hoteli Swiss Diamond, ora ora 9:00)

- OJQ-Voice of Roma Ashkali and Egyptians - VoRAE organizojnë hapjen e ceremonisë të tri projekteve të financuara nga Roma Education Fund dhe Komisioni Evropian organizim ky i mbështetur nga Roma Versitas dhe Roma Education Fund, Kosovo së bashku me VoRAE. (Qendra Kulturore dhe Informative të BE-së në Prishtinë, ora 9:00)

- Instituti Demokratik të Kosovës organizon tryezën e diskutimit “Tejkalimi i sfidave të Kuvendit - nevoja për një Rregullore të re të punës”, në një diskutim të hapur me përfaqësues të partive politike parlamentare si dhe përfaqësues të organizatave vendore dhe ndërkombëtare. (Salla e konferencave Orion, ora 10:00)

- Në prag të 25 nëntorit, Ditës Ndërkombëtare për Eliminimin e Dhunës ndaj Grave, dhe fillimit të fushatës 16 Ditët e Aktivizmit, Misioni i OSBE-së në Kosovë do t’i prezantojë rezultatet e Anketës mbi Mirëqenien dhe Sigurinë e Grave në Kosovë. (Hotel Swiss Diamond, ora 11:00)

- Iniciativa për Histori Gojore përmes projektit të Programit të Kombeve të Bashkuara për Zhvillim “Dialogu ndërmjet komuniteteve përmes ruajtjes gjithëpërfshirëse të trashëgimisë kulturore”, financuar nga Instrumenti i Bashkimit Evropian që kontribuon në Stabilitet dhe Paqe, do të lansojnë aplikacionin mobil 'Janjeva Ecë'. (Restoran 2000 në Janjevë, ora 11:00)

- Grupi për Studime Juridike dhe Politike organizon konferencën për media me temë “Vetingu: Mënyra e vetme për të siguruar pavarësinë e plotë të sistemit të drejtësisë në Kosovë”. (Qendra e Konferencave Orion, ora 11:00)

- Komuniteti Merakli t'kerreve organizon protestë kundër rritjes së cmimeve për sigurimin e veturave. (Rr. Luan Haradinaj, pran Bankes Qendrore të Kosovës, ora 13:00)

- Promovohet libri "Profili i Bjeshkëve të Nemuna’’ nga Profesor Sadri A Lokaj. (Salla e Asamblesë Komunale në Deçan, ora 14:00)

- Universiteti “Kadri Zeka” në Gjilan dhe Universiteti “Hasan Prishtina” në Prishtinë, në mbështetje të Aktivitetit të USAID-it Drejtësia Vlen dhe në bashkëpunim me Odën e Avokatëve të Kosovës, organizojn diskutim në lidhje me “Klinikat Jurdike me raste reale”. (Salla A34 në Universitetin e Gjilanit, ora 14:00)

- Shoqata e Malazezëve të Kosovës organizon shfaqjen e leximit skenik të dramës “Flora”. (Qendra e zhvillimit Malazezeve në Arbëri ish Dragodan, rruga Eduard Lir 4, ora 19:00)