24 Nëntor 2020

Lansohet linja për gra shtatzëna ‘Besë’ për dyqanin e bamirësisë Teshavesha

Prishtinë, 8 mars - Sot u lansu linja për gra shtatzëna të dizajnuara nga kreatorja nga New Yorku ‘Besë’ për dyqanin e bamirësisë Teshavesha, lansim ky i cili u mbajt në formë të koktelit në Besë Studio. 

Linja e rrobave për gra shtatzëna është prodhuar duke përdorur materiale me përbërje organike në mënyrë që të jenë sa më e rehatshme dhe të shëndetshme për nënën.  Ky koleksioni i veshjeve është i përshtatshëm për veshje gjatë shtatzanisë, mirëpo edhe për gra jo-shtatzëna.

‘’Është ndjenjë e jashtzakonshme të krijosh vlerë për komunitetin përmes artit. Zhvillimi i kreacioneve për gra shtatzëna ka qenë një proces shumë frymëzues për ne duke gërshetuar nevojën e tregut me kauzën humanitare për shëndet më të mire të grave në Kosovë, ne sot mezi presim të ndajmë punën tonë me komunitetin,” – tha Besë.

Fondet e mbledhura nga shitja e këtij koleksioni do të financojnë programet të cilat ndihmojnë në përmisimin e shëndetit të nënave dhe fëmijëve në Kosovë, si: blerja e medikamenteve dhe pajisjeve mjekësore, zhvillimi i sistemit të referimit neonatal dhe zhvillimi i qendrave informuese për shëndetin e gruas "Klasat për Nëna".

Ambasadore e linjës besë x teshavesha është modelja e mirënjohur, Diellza Kolgeci, e cila si nënë në pritje, iu bashkua fushatës me shumë entuziasëm dhe përkushtim për të ndihmuar nënat dhe fëmijët në vend. 

“Të jem pjesë e kauzave humanitare si kjo, me bën të ndihem e lumtur dhe me fat që kam fuqinë dhe vullnetin të ndihmojë të tjerët. Ketë 8 Mars po e festojmë së bashku duke ju sjellë dicka të bukur dhe unike, dhe në të njejtën kohë duke ndihmuar në shpëtimin e jetëve të nënave dhe foshnjeve në Kosovë,” theksoi Kolgeci.

Teshavesha është ndërrmarje sociale e cila ka për mision riciklimin e tekstilit për të ngritur fonde të cilat ndihmojnë të ulin normën e shkallës së vdekshmërisë së foshnjeve në vend si dhe për të përmirësuar shërbimet shëndetësore të ofruara për nënat dhe fëmijët.

Teshavesha riciklon rreth 2,100 kg tekstili në muaj, dhe rreth 25,200 kg tekstili në vit kështu duke kontribuar në ruajtjen e mjedisit.

Me anë të fondeve të mbledhura nga Teshavesha jetët e rreth 1000 foshnjave në Kosovë janë shpëtuar si rezultat i përdorimit të medikamentit Survanta, dhe rreth 3000 gra kanë përfituar duke qenë pjesë të ligjeratave falas në Qendrat Informuese Për Shëndetin e Gruas. 

Kalendari

Ngjarjet e datës 24 Nëntor 2020

- Komisioni për Çështje të Sigurisë dhe Mbrojtjes shqyrton të gjeturat e raportit për vendin të Komisionit Evropian për vitin 2020 në fushën e sigurisë. (Ndërtesa e Kuvendit, salla N204, ora 10:00)

- Mbahet mbledhja e katërt e Komitetit për Komunitete në komunën e Rahovecit. (Salla e mbledhjeve të Kuvendit Komunal të Rahovecit, ora 10:00)

- Mbahet takimi i 190-të i Këshillit Prokurorial. (Nëpërmjet video konferencës, ora 10:00)  

- Komiteti Olimpik i Kosovës në bashkëpunim me organizatën jo qeveritare “Ta Pastrojmë Kosovën”, do të lansojnë “T’i japim vendit ngjyra”.  (Këndi Olimpik, në kampusin e Universitetit të Prishtinës “Hasan Prishtina”, ora 10:30)


- Komisioni për Mbikëqyrjen e Financave Publike shqyrton raportonin e auditimit për Pasqyrat Vjetore Financiare të vitit 2019, për Kompaninë Regjionale të Ujitjes Drini i Bardhë. (Ndërtesa e Kuvendit, salla N303, ora 11:00)

- Ministrja e Kulturës, Rinisë dhe Sportit, Vlora Dumoshi dhe Ministrja e Punëve të Jashtme dhe Diasporës, Meliza Haradinaj, nënshkruajnë Memorandum të Bashkëpunimit për Atashetë Kulturorë. (Objekti i Ministrisë së Punëve të Jashtme dhe Diasporës, ora 11:00)

- Komisioni për Shëndetësi dhe Mirëqenie Sociale, shqyrton Ligjin për statusin dhe të drejtat e dëshmorëve, invalidëve, veteranëve, pjesëtarëve të Ushtrisë Çlirimtare të Kosovës, viktimave civile dhe familjareve të tyre. (Ndërtesa e Kuvendit, salla N302, ora 11:00)    

- Komiteti Olimpik i Kosovës organizon pritje për ekspeditën e xhudos, pas suksesit të arritur në kampionatin evropian të xhudos, të mbajtur javën e kaluar në Pragë të Republikës së Çekisë, ku Distria Krasniqi dhe Loriana Kuka u stolisën me medalje të bronztë. (Zyret e KOK-ut, ora 11:45)

- Kryetari i Komunës së Gjilanit, Lutfi Haziri, pret në takim ministrin e Shëndetësisë, Armend Zemaj. (Zyra e Kryetarit, ora 12:45 )

- Lëvizja Vetëvendosje mban konferencë për medie. (Zyret e LV-së në Arbëri, ora 13:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin e Panelit për zgjedhjen e “Kryesuesit të Komisionit Shqyrtues të Autoritetit Rregullator për Shërbimet e Ujit. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Infrastrukturë dhe Mjedis, shqyrton rekomandimet nga BE-ja të planit për mbikëqyrjen e procesit integrues 2020-2021. (Ndërtesa e Kuvendit, salla N204, ors  13:00)

 - Kryetari i Komunës së Gjilanit, Lutfi Haziri dhe ministri i Shëndetësisë, Armend Zemaj vizitojnë  Spitalin e Përgjithshëm në Gjilan. (Gjilan, ora 13:45)

- Mbahet mbledhja e Kryesisë së Kuvendit të Republikës së Kosovës. (Platforma ZOOM 5.0, ora 14:00)

- Kryetari i Komunës së Gjilanit, Lutfi Haziri dhe ministri i Shëndetësisë, Armend Zemaj mbajn Konferencë për media. (Qendra Rajonale e Shëndetit Publik në Gjilan, ora 14:30)

 

- Kryetari i Komunës së Prizrenit, Mytaher Haskuka, së bashku me drejtoreshën e Drejtorisë së Turizmit dhe Zhvillimit Ekonomik, Sevil Kazaz Limani, do bëjnë lansimin e projektit “Ndriçimi i Urës së Gurit”. (Pranë Urës së Gurit në Prizren, ora 18:00)