29 Mars 2024

Kosovo 2.0 sjell filmin “Tri dritare dhe një varje’’

Prishtinë, 31 maj - Kosovo 2.0 sjell filmin “Tri dritare dhe një varje’’ për të nisur diskutimin e parë në kuadër të Programit të Lokomotiva.

Përmes Lokomotivës, Kosovo 2.0 me anë të mjeteve artistike synon të përfshijë të rinjt e të rejat në diskutim kuptimplotë rreth gjinisë, etnisë, religjionit dhe racës.

Diskutimin e parë lidhur me temën e gjinisë do ta nisim me shfaqjen e filmit ‘’Tri dritare dhe një varje’’.

Fabula e filmit në regji të Isa Qosjes, është e vendosur në një fshat tradicional të Kosovës, një vit pas përfundimit të luftës, ku njerëzit përpiqen të rindertojnë jetërat e tyre.

Por, normaliteti i këtyre përpjekjeve ndërpritet kur merret vesh se disa gra të fshatit ishin përdhunuar gjatë luftës.
 
Stigmatizimi dhe përjashtimi që u bëhet protagonisteve, viktima të dhunës seksuale, në film përkon me realitetin e trishtë kosovar që nga viti 1999.

Dhuna seksuale në cilëndo formë shpesh ëshrë vet rezultat i pushtetit të pabarabartë në mes burrave dhe grave, i paracaktuar nga vet strukturat patriarkale.

Por, mediumi i filmit gjithnjë ka sfiduar dhe vënë në pikëpyetje pabarazitë e tilla, prandaj Kosovo 2.0 ka vendosur që projektimi i filmit të shërbejë si pikënisje për diskutimin rreth ndikimit të artit/filmit në luftimin e parabarazisë gjinore.

Diskutimit tonë do t’i bashkohen, Irena Cahani në rolin e Lushes te filmi ‘’Tri dritare dhe një varje’’, Adelina Berisha koordinatore për Avokim pranë ‘’Rrjeti i Grave të Kosovës’’ dhe Sibel Halimi - Sociologe.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)