18 Gusht 2018

Kori "Siparantum" vazhdon me koncertet ndërkombëtare

Pejë, 8 qershor - Kori i qytetit të Pejës do të jetë pjesë e tre koncerteve të rëndësishme korale që do të mbahen në Zagreb, Kroaci nga data 9-11 qershor 2018.

Kori do të jetë pjesë e koncerttit “7. međunarodnog memorijala Emil Cossetto 2018” që  mbahet me 9 qershor 2018, në sallën e njohur “Hrvatski Glazbeni Zavod”.  Në këtë program, kori Siparantum do të paraqitet në mesin e gjashtë koreve të njohura kroate.

Koncerti i dytë për neve mbahet me 10 qershor në “Mimara Museum” – Zagreb, në organizim të Universitetit të Zagrebit - Universitas Cantat dhe korit “Emil Cossetto”. 

“Po vazhdon të ruhet dhe zhvillohet bashkëpunimi ynë i sinqertë me dirigjentin e njohur maestro Josip Degl’ Ivellio me të cilin tash e tre vite kemi bashkëpunime të panderprera, dhe ja që rezultatet nuk po mungojnë”, u shpreh Memli Kelmendi, dirigjent i korit.

Përpos këtyre dy koncerteve të rëndësishme kori do të jetë  pjesëmarrës në aktivitetin kulturor

(Dan nacionalnih manjina grada Zagreba - Dita e pakicave kombëtare të Zagrebit) që mbahet në parkun Parkun Zrinjevac me datë 09.06.2018. në ora 18:00 me ç’rast do të bëhet hapja solemne, që fillon me shqiptarët dhe do të përfaqësohet me korin " SIPARANTUM CHOIR" nga Peja.

Në program do të interpretohen vepra të kompozitorëve të njohur botërorë dhe shqiptarë.

Kujtojmë se kori Siparantum muajin e kaluar ka qenë pjesë e festivalit të koreve botërore “Nanxy Voix Du Monde” që është mbajtur në Nancy të Francës, me ç’rast Kosova është paraqitur për here të pare në këtë festival.

Kalendari

Ngjarjet e datës 17 Gusht 2018 - Kryetari i Kryeqytetit, Shpend Ahmeti, do t’i përcjellë punimet që po zhvillohen për renovimin e shkollës “Elena Gjika”. (Shkolla Elena Gjika, ora 11:00)

- Aktivistët e Lëvizjes Vetëvendosje mbajnë aksion simbolik. (Takimi me gazetarë bëhet tek New Born, ora 12:00)

- Hapet dyqani The Entertainer ku do të këtë shumë supriza dhe shumë aktivitete dhe lodra për fëmijë. (Albi Mall në Veternik, ora 13:00)

- Organizatat joqeveritare nga rajoni i Ferizajt organizojnë prezantimin publik të Raportit nga hulumtimi mbi punën, funksionimin dhe besueshmërinë e qytetarëve për Policinë e Kosovës në Ferizaj, bazuar në strategjinë e policimit në bashkësi. (Restorant Orchide në Ferizaj, ora 14:00)
 
- Nën patronazhin e kryeministrit Ramush Haradinaj mbahet akademi përkujtimore me rastin e 20-vjetorit të rënies së heroit Skender Çeku. (Teatri “Istref Begolli” në Pejë, 17:00)