SHBA, 25 shtator - Aktorja e filmit "Killers", Katherine Heigl, ka dhuruar një milionë dollarë për të ndihmuar luftimin e problemeve në rritje të kafshëve në Los Angeles, për nder të vëllait të saj të ndjerë Jason Heigl.

Heigl i ka dhënë një shumë të madhe qytetit si pjesë e iniciativës për të ndihmuar kafshët e pastreha në nder të vëllait të saj Jason i cili vdiq në një aksident me veturë në vitin 1986, kur ajo ka qenë nxënëse në shkollë të mesme.

"I kam thënë nënës time, 'Mendoj se kjo është një mënyrë e hijshme për ta nderuar atë'. Nëna ime nisi fondacionin në emër të tij si mënyrë për të krijuar një trashëgimi për këtë fëmijë të saj, i cili nuk jetoi mjaft për ta bërë atë vetë", ka thënë aktorja.