SHBA, 10 maj - Jessica Alba ka thënë se e ka pasur të vështirë të rebelohej ndaj familjes së saj religjioze, përkundër se ajo nuk binte dakort me gjëra të caktuara të botëkuptimit të tyre.

Aktorja e \"Killer Inside Me\" pranon se katolicizmi i tepruar në familjen e saj, kanë krijuar kundërshti të ndryshme dhe mendime kontroverse në personalitetin e saj.

\"Unë vij nga një familje religjioze dhe tradicionale. Nëna ime u rrit në jug dhe ajo kishte një sjellje jugore baptiste, ndërsa babai im ishte katolik i fortë. Është vështirë të rebelohesh pa familjen tënde, pasi që të duket se po rebelohesh ndaj tyre. Unë jo gjithmonë pajtohem me gjërat e caktuara dhe që nuk kanë të bëjnë me atë se sa i dua unë ata. Familja është gjëja më e rëndësishme në botë\".

\"Kishte disa parametra dhe pengesa rreth meje, të cilat gjithnjë doja t\'i thyeja\", theksoi Jessica Alba për revistën Tatler.