15 Nëntor 2019

Ilir Shaqiri sjell librin më të ri poetik “Ith”

Prishtinë, 30 tetor - Pas disa botimeve të studimit letrar “Estetika dhe semiotika në krijimtarinë artistike të nënës”, dy romaneve: “Tan Temali” e “Lemza e dheut” dhe poemës “Adem Jashari”, artisti i mirënjohur nga Prishtina, Ilir Shaqiri, sjell librin e radhës - kësaj here një libër mikst, kryesisht me poezitë më të reja të tij dhe me katër tregime.

Libri të cilin e ka botuar botuesi i mirënjohur nga Tirana “Toena” titullohet “Ith” dhe brenda kopertinave ka katër tregime (proza publicistike dokumentare) kurse pjesa qendrore përfshinë një krijimtari të pasur poetike të autorit, kryesisht me poezi të shkruara viteve të fundit.

Redaktori i këtij botimi, Arben Veselaj, ka shkruar në pasthënie se poezia e Ilir Shaqirit “gati në asnjë rast, nuk e shmang dot muzikën”.

“Ritmi, rima, versi, figurat, idetë letrare etj., në njësinë versifikative jepen sikur në një pentagram muzikor”, ka shkruar Veselaj.

Recensenti i këtij libri, Zef Kakoca, ka shkruar se Ilir Shaqiri si artist polivalent (kantautor, shkrimtar, romancier) “në thelb është poet”.

“Vepra e Shaqirit është rrëfim, prozë, ese; është e lidhur me hulumtime historike, njohuri letrare, estetike, shkencore, metodologjike, me eksplorime të shumanshme, dhe në të gjithë këtë gjejmë poezinë”, ka shkruar Kakoca.

Redaktori i këtij botimi, Arben Veselajt, në pasthenien e librit ka shkruar se veprat letrare të Ilir Shaqirit gjithnjë e më shumë po bëhen interes i shtuar jo vetëm për lexuesit, por edhe për studiuesit, kritikët dhe mediat në gjithë hapësirën kombëtare shqiptare.

“Dy romanet dhe poema për heroin nacional të Kosovës “Adem Jashari”, e bëjnë Ilir Shaqirin një artist ambivalent, i cili duke i shkrirë mjeshtërisht dy artet e mëdha - muzikën dhe letërsinë, u bënë jehonë ideve të mëdha njerëzore kombëtare dhe universale”, ka shkruar Veselaj.


 

Kalendari

Ngjarjet e datës 15 nëntor 2019 - Klinika e Neonatologjisë dhe Shoqata e Neonatologëve të Kosovës, organizojnë Konferencën e I-rë nderkombëtare. (Hotel Garden, ora 9:00)

- Policia e Kosovës në shënim të ditës botërore të përkujtimit të viktimave në trafikun rrugor, në bashkëpunim me Këshillin e Sigurisë në Trafikun Rrugor dhe me Shoqatën e Sigurimeve , do të mbaj tryezë për shënimin e kësaj dite. (Salla Orion në Prishtinë në afërsi të Kino ABC, ora 9:30)

- Ministria e Arsimit, Shkencës dhe Teknologjisë organizon tryezën dhe punëtorinë me temën “Status quo e Zhvillimit të Kërkimit dhe Inovacionit në Kosovë: Ide rreth së ardhmes së K&I në Kosovë”, mbështetur nga Projekti HERAS i cili përkrahet nga Qeveria e Austrisë. (Hotel Sirius, ora 9:30)

- Komisioni i Pavarur për Miniera dhe Minerale mban punëtorinë lidhur me “Udhëzuesin për miradministrimin e aktiviteteve minerare dhe mjedisore. (Hotel Amazona, ora 10:00)

- Programi i Kombeve të Bashkuara për Zhvillim në Kosovë, përmes projektit Interdev 2, organizon një panair me shoqatat e grave prodhuese për të shënuar Ditën Ndërkombëtare të Sipërmarrësisë së Grave. (Qendra Kulturore në Viti, ora 11:00)

- Ministria e Mbrojtjes organizon ceremoninë e certifikimit të rekrutëve të rinj të FSK-së, gjenerata e dytë 2019. (Kazerma 'Adem Jashari' në Komandën e Forcave Tokësore në Prishtinë, ora 11:00)

- Komuniteti artistik organizon takim përkujtimor për regjisoren Arzana Kraja. (Teatri Kombëtar, ora 12:00)

- Organizata ETEA dhe Kuvendi i të Rinjve të Prishtinës organizon ceremoninë e hapjes të minibibliotekës së lagjes Ulpiana. (Te fontana në lagjen Ulpiana, ora 12:00).

- Ministri i MMPH-së, Fatmir Matoshi, do të nënshkruajë gjashtë Udhëzime Administrative që avancojne fushën e kadastrës dhe regjistrimit të pronës. (Zyret e Agjencisë Kadastrale të Kosoves, ndërtesa e Arkivit të Kosovës, ora 14:00)

- Kryetari i Gjykatës Themelore në Gjilan, Ramiz Azizi, do të mbajë një konferencë për media në të cilën do të prezantohet raporti nga muaji korrik deri në muajin tetor për Gjykatën Themelore të Gjilanit, së bashku me Degët e saja. (Gjykata Themelore Gjilan, ora 14:30)

- Mbahet marsh përkujtimor në këmbë nga Lagja Arbëria, rrugës Fehmi Agani deri te Teatri Kombëtar ku do të bëhet ndezja e qirinjve në përkujtim të viktimave që kanë humbur jetën në aksidente në trafikun rrugor. (Kolegji i Shkencave të Aplikuara Teknike “Tempulli”, ora 18:00)

- Mbahet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- Galeria e Ministrisë së Kulturës organizn hapjen e ekspozitës individuale të autores Lumjetë Havolli, e titulluar "Is This Me...Or i Do it For You Only!?". (Galeria e Ministrisë së Kulturës, ora 19:00)

- Qendra për Informim dhe Përmirësim Social feston hapjen e Linjës telefonike për parandalim të vetëvrasjes "Linja e Jetës" në Kosovë! (Menza Ramiz Sadiku, ora 21:00)