12 Prill 2021

Hapet ekspozita “Ne jemi pranvera”, dedikuar grave të dëshmorëve

Gjilan, 8 mars - Me ekspozitën “Ne jemi pranvera”, me realizuar nga nxënësit e shkollës së artit pamor dhe këngë e instrumentale, Komuna e Gjilanit ka shënuar Ditën Ndërkombëtare të Gruas, dedikuar, në veçanti, grave të dëshmorëve, të cilat ishin prezente aty.

Nënkryetari i Komunës, Arbër Ismajli, i cili e shpalli të hapur këtë ekspozitë, ka vlerësuar lartë rolin e grave të dëshmorëve, duke thënë se ato janë heroinat e kombit.

“Kur i shohim gratë dhe nënat e dëshmorëve, këto heroina të kombit, neve na japin vullnet për me punu më mirë dhe më drejtë. Ju uroj 8 marsin grave të dëshmorëve dhe të gjitha nënave tona. Zoti ju dashtë shëndet, të mira dhe begati në familjet tuaja. Faleminderit nxënësve të shkollës së artit pamor për këtë ekspozitë fantastike”, ka thënë Ismajli.

Në këtë ngjarje ka folur edhe kryetari i Shoqatës së Shoqatës së Familjeve të Dëshmorëve në Gjilan, Rashit Ymeri, i cili e falënderoi Komuën e Gjilanit për organizimin e dhjetëra aktiviteteve kulturore për nder të sakrificës së dëshmorëve dhe të familjeve të tyre.

Ndërkaq, drejtoresha e DKRS, Deniza Limani, tha se Komuna do të organizojë gjithmonë aktivitete të tilla në nderim të grave e nënave të dëshmorëve dhe të gjitha grave të Gjilanit.

Në fund, është shfaqur një program artistik me këngë e instrumentale.

 

Kalendari

Ngjarjet e datës 13 Prill 2021

- Mbahet mbledhja e Komisionit për Ekonomi, Industri, Ndërmarrësi dhe Tregti në të cilën do të behët konstituimi i Komisionit. (Ndërtesa e Kuvendit, salla N303, ora 10:00)

- Mbahet seanca gjyqësore kundër të pandehurit Basri Maksuti për vepren penale 'Falsifikimi i rezultateve të votimit'. (Gjykata Themelore në Ferizaj, ora 10:00)

- Mbahet mbledhja e Komisionit për Qeverisje Lokale, Zhvillim Rajonal dhe Media në të cilën do të behët konstituimi i Komisionit. (Ndërtesa e Kuvendit, salla N204, ora 10:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N302, ora 10:00)

- Rolling Film Festivali i cili organizohet nga OJQ Roma Versitas Kosovo dhe Romawood mban konferencën për media. (Kino Armata, ora 11:00)

- Mbahet mbledhja konstituive e komisionit për Integrim Evropian. (Ndërtesa e Kuvendit, salla N10, ora 11:00)

- Mbahet mbledhja konstituive e komisionit për Shëndetësi. (Ndërtesa e Kuvendit, salla N302, ora 11:00)

- Fondi i Sfidave të Kosovës organizon eventin online për shpalljen e thirrjes së parë për shprehje interesi, në mbështetje të projekteve të trajnimit bashkëpunues. (Platforma Zoom, ora 11:00)

- Akademia Diplomatike e Ministrisë së Punëve të Jashtme dhe Diasporës dhe Ambasada e Republikës së Francës në Republikën e Kosovës, nënshkruajnë Memorandum Mirëkuptimi. (Ministria e Punëve të Jashtme dhe Diasporës, ora 11:30)

- Mbahet mbledhja konstituive e komisionit për Bujqësi, Pylltari, zhvillim Rural, Mjedis dhe Infrastrukturë. (Ndërtesa e Kuvendit, salla N303, ora 13:00)

- Partia Liberale Egjiptiane do të dorëzojë ankesë në Gjykatën Kushtetuese lidhur me te drejtën e tyre të mohuar nga PZAP-ja dhe Gjykata Supreme në lidhje orkestrimin e votave nga ana e “Romani Iniciativa” në vendbanime me shumicë të komunitetit Serb në zgjedhjet e parakohshme të 14 Shkurtit. (Gjykata Kushtetuese, ora 13:00)

- Mbahet mbledhja konstituive e komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N302, ora 13:00)

- Aleanca Kosovare e Bizneseve mban konferencën për media lidhur me një studim hulumtues për qytetarët kosovar që vizituan Shqipërin dhe Malin e Zi, si pasojë e kufizimit dhe mbylljes në Kosovë e që këto patën pasoja ekonomike dhe financiare për vendin tonë. (Zyret e AKB-së, ora 13:30)