17 Janar 2020

Hapen edhe dy minibiblioteka në Prishtinë

Prishtinë, 12 dhjetor - Organizata Jo Qeveritare ETEA dhe  Kuvendi i të Rinjve të Prishtinës organizojnë hapjen e dy minibibliotekave në Sheshin “Adem Jashari” dhe Kampusin Universitar në Prishtinë.

Kryeqytetit po i shtohen edhe dy minibiblioteka të reja. "Pas pezullimit të procesit të hapjes së minibibliotekave me qëllim të ndërmarrjes së masave për rritjen e nivelit të sigurisë dhe mirëmbajtjes së tyre – kthehemi prap për të vazhduar më tutje me hapjen e minibibliotekave të reja. "

E gjithë kjo punë në nderim dhe promovim të dijes, përkatësisht librit, mbi bazën e të cilit do duhej të ngritet çdo personalitet njerëzor – po bëhet falë një bashkëpunimi të gjerë mes organizatave, bizneseve, institucioneve dhe qytetarëve vullnetmirë, si: ETEA, Kuvendi i të Rinjve të Prishtinës, Libraria "Dukagjini", Forumi për Iniciativa Qytetare, Zyra e BE-së në Kosovë, Komuna e Prishtinës dhe mbi 150 qytetarë qe kanë ndarë mjete financiare dhe libra për minibibliotekat.

 

Kalendari

Ngjarjet e datës 18 janar 2020

- Federata e Futbollit e Kosovës do të fillojë projektit zhvillimor “Elite Youth Development Programme U15”, i cili do të realizohet në të gjitha regjionet. (Fusha e mbuluar “Prince” në lagjen Arbëri në Prishtinë, ora 9:00)

- Presidenti i Republikës së Kosovës, Hashim Thaçi, do të marrë pjesë në Akademinë Solemne “Faleminderit Shqipëri”.  (Qendra “Bogdanpolis” në Prishtinë, ora 10:00)

- Teatri i Qytetit të Prishtinës 'Dodona' shfaq premierën për fëmijë “Fjalët magjike” nga Alba Loxha e në regji të Shkurtë Aliut e cila trajton nevojën e përdorimit të fjalëve magjike: “më fal”, “të lutem”, “faleminderit” etj., nga fëmijët. (Teatri Dodona, ora 12:00)