29 Mars 2024

Galeria e Ministrisë së Kulturës sjellë ekspozitën “Pullë postare” të Haxhi Gjoni

Prishtinë, 25 tetor - Sot në Galerinë e Ministrisë së Kulturës bëhet hapja e ekspozitës “Pullë postare”, e autorit Haxhi Gjoni.

Kësaj radhe, hapësira ekspozuese e Galerisë do të mbulohet me një domen artesh skulpturore, ku autori Haxhi Gjoni shpërfaq kreativitetin e profilit të vet skulpturor, bërë me tehun e daltës.

Kjo ekspozitë, para së gjithash ka simbolikën e daktilografisë shprehëse, nisur me paraqitjen në medaljone të personazheve të mëdha siç është Nëna Terezë, e cila vjen si format pusulle ose si pullë postare në kontekstin e gjenezës, prejardhjes dhe vizionit të saj prej paqeje botërore.

“Skënderbeu”, “Koka e shqiponjës”, “Familja e murosur në gur”, “Hyjnesha në fron”, “Mikelanxhelo”, “Koka e kalit” etj., janë disa prej punimeve të tij me të cilat paraqet identitete historike, të farkëtuara në kulturën e gurit afrikan, indian, apo ballkanik.

Ekspozita financohet dhe drejtohet nga Galeria e Ministrisë së Kulturës, ndërkaq kurator i ekspozitës është z. Naser Shatrolli.
 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)