27 Shtator 2022

Fondacioni Lumbardhi dhe Vardar Film nënshkruajnë memorandum bashkëpunimi

Prizren, 15 prill - Fondacioni Lumbardhi dhe Vardar Film nënshkruan memorandum të  bashkëpunimit me qëllim të zhvillimit të programeve të shkëmbimit për shfaqje të filmave, ngritje të kapaciteteve si dhe bashkëpunimit rajonal të institucioneve të filmit dhe trashëgimisë kinematografike.  

Drejtori i Vardar Film nga Shkupi, z. Sani Saidi ishte i pranishëm në Prizren për ta nënshkruar memorandumin i cili nga ana e Fondacionit Lumbardhi, u nënshkrua nga drejtorja për financa dhe administratë, Fitore Rexhepi.

Prodhimet e Vardar Film në kuadër të këtij bashkëpunimi, Etja (1971) dhe Pjesa maqedonase e ferrit (1971) do të shfaqen përbrenda programit të filmit "LXX", në vazhdën e ngjarjeve të planifikuara për ta festuar 70 vjetorin e hapjes së Kinemasë Lumbardhi.

Programi është zhvilluar në vazhdimësi të kërkimit arkivor të projektit Kinofigurimi, bazuar në listat e filmave të shfaqur në periudha të ndryshme të historisë së kinemasë, të përzgjedhur nga zëvendës drejtori për kërkim dhe program i Fondacionit Lumbardhi, Bengi Muzbeg, kineastja, kuratorja e filmit dhe studiuesja Kumjana Novakova si dhe drejtori artistik i Dokufest, Veton Nurkollari.
 
Vardar Film është kompani e prodhimit dhe shpërndarjes së filmave me seli në Shkup, Maqedoni e Veriut. Ka filluar funksionimin në vitin 1947 dhe sot vepron si qendër moderne filmike dhe edukative. Ndër tjera, Vardar Film ka bashkëpunuar edhe me Kosoavafilm, në bashkëprodhimin e filmave të Besim Sahatçiut, “Era dhe Lisi” (1979) si dhe “ Njeriu prej dheu” i Agim Sopit (1984).

Filmat do të shfaqen falas në Kino Bahçe, mes datave 25 maj – 30 shtator.


 

Kalendari

Ngjarjet e datës 27 shtator 2022  - Ministria e Mbrojtjes dhe FSK organizon Konferencën Vjetore Ndërkombëtare “FSK dhe partnerët 2022”. (Hotel Emerald, ora 9:00)

- Shoqata e Grave në Sektorin e Energjisë së Kosovës me përkrahjen e zyres se Presidentes dhe parnerëve ndërkombëtar organizon Konferencën e parë Rajonale “Energjia & Gratë”. (Hotel Emerald, ora 9:00)

- Komisioni për Çështje të Sigurisë dhe Mbrojtjes shqyrton Projektligjin për Sigurinë Kibernetike, Projektligjin për Mbrojtjen e Informacionit të Klasifikuar, etj. (Ndërtesa e Kuvendit, salla C203, ora 10:00)

 - Koalicioni 27, grupi i organizatave të shoqërisë civile publikojnë raportin “Shkatërrimi ekologjik – Koha të veprojmë”. (Hotel Swiss Diamond, ora 10:00)

- Me rastin e Ditës Ndërkombëtare për Lirinë e Informimit, Agjencia për Informim dhe Privatësi mban konferencë kryetarët e Gjykatave si dhe Prokurorët e Prokurorive të Republikës së Kosovës. (Hotel Emerald, ora 10:15)

-  Komisioni për Ekonomi, Industri, Ndërmarrësi dhe Tregti diskuton mbikëqyrjen e zbatimit të Rekomandimeve të Kuvendit lidhur me auditimin e performances të ndërmarrjes publike KOSTT SH.A. (Ndërtesa e Kuvendit, salla N10, ora 11:00)

- Këshilli i Prindërve të Shkollës Fillore të Mesme të Ulët “Naim Frashëri”, Prishtinë organizon një protestë për të shprehur shqetësimet lidhur me prolongimin e fillimit të mësimit për vitin akademik 2022/2023. (Shkolla fillore "Naim Frashëri" në Prishtinë, ora 12:10)

- Lidhja Demokratike e Kosovës mban konferencë për medie lidhur me grevën në sektorin publik. (Selia qendrore e LDK-së, ora 11:00)

- Instituti Demokraci për Zhvillim organizon sallonin e radhes me temë “Dhuna online ndaj grave në politikë: Çfarë masa mund të ndërmarrim?”. (Libraria Dukagjini, ora 17:00)

- KFOR i udhëhequr nga NATO do të zhvillojë stërvitjen “Golden Sabre”. (Zona stërvitore të Camp Novo Selo)