10 Korrik 2020

FDH hap ekspozitën “TPNJ: Rasti i Kosovës 1998-1999’ në Kamenicë

Kamenicë, 11 nëntor - Fondi për të Drejtën Humanitare Kosovë organizon hapjen e ekspozitës multimediale “TPNJ: Rasti i Kosovës 1998-1999’ në Kamenicë.

Kjo ekspozitë është mundësuar me bashkëpunimin e Komunës së Kamenicës dhe përkrahjen e Ambasadës së Zvicrës në Kosovë.

Nëntë videot, me një kohëzgjatje prej 97 minutash, ofrojnë dëshmi për: negociatat e dështuara dhe fillimin e konfliktit në Kosovë, sfidat me të cilat u perball TPNJ gjatë hetimit të krimeve të kryera kundër shqiptarëve të Kosovës, si dhe modelin e krimeve të shpjeguara nga të mbijetuarit dhe dëshmitarët të vrasjeve masive.

Videot tregojnë se si ishin fshehur krimet dhe se si u zbuluan varrezat masive.

Videot gjithashtu paraqesin gjetjet e vendimeve të Tribunalit të Hagës në rastet kundër udhëheqjes politike, ushtarake dhe policore serbe në ndërmarrjen e përbashkët kriminale, si dhe krimet e kryera në zonat përgjegjëse të UÇK-së.

 

Kalendari

Ngjarjet e datës 10 Korrik 2020

- Shoqata e Radio Taxive “Pasagjeri” organizon protestë për shkak të mosplotësimit të kërkesave nga Komuna e Prishtinës. (Nisj nga rrethrrotullimi “Te Fontana” në Ulpianë, ora 10:00)

- Drejtoria e Turizmit dhe Zhvillimit Ekonomik do të bëjë hapjen e Qendrës Artizanale në Prizren, ku do të mbahen pesë kurse të ndryshme si: Djegie ne Dru, Reliev në letër, Rrobaqepje, Punim të Shajakut si dhe Dizajnimi i Veshjeve Moderne. (ish objektin e Megasportit në qendër të Prizrenit, ora 11:00)

- Ministri i Ekonomisë dhe Ambientit, Blerim Kuçi do të vizitojë Komunën e Gjakovës ku do të takohet me Kryetarin e Komunës së Gjakovës Ardian Gjini. (Komuna e Gjakovës, ora 11:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora 11:00)

- Banorët e lagjes “Qendra” protestojnë, të pakënaqur me parkingjet dhe shërbimet komunale. (Rr.“Rexhep Luci”, ora 11:00)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Ndërmarrjen publike ‘’KRU Gjakova’’. (Gjakovë, ora 11:30)

- Komitetit Emergjent të Gjilanit mban konferencë për media pas 27 rasteve të reja pozitive me COVID-19. (Qendra Operative Emergjente, Qendra e Studentëve, ora 11:30)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Impiantin e Trajtimit të Ujërave të Ndotura projekt që është duke u realizuar në Komunën e Gjakovës. (Gjakovë, ora 11:50)

- Ministri i Drejtësisë, Selim Selimi mban konferencë për media. (Ministria Drejtësisë, salla 914, ora 12:00)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë ndërmarrjen publike Ngrohtorja e Qytetit – ndërtimi i Ngrohtores së re të qytetit Impianti I koogjenerimit me biomasë, projekt që është duke u realizuar në Komunën e Gjakovës. (Gjakovë, ora 12:20)

- Mbahet seanca plenare e Kuvendit të Republikës së Kosovës në të cilën raporton Kryeministri lidhur me menaxhimin e pandemisë COVID-19. (Salla e Kuvendit, ora 16:00)