12 Gusht 2020

ETEA shënon Ditën e Librit

Prishtinë, 24 prill - Për  Ditën Ndërkombëtare të Librit, organizata ETEA, mbajti diskutimin me temën “Libri përgjatë historisë dhe roli i tij në progresin shoqëror”.

Për shkak të rrethanave pandemike, diskutimi u zhvillua virtualisht, ku të pranishëm ishin më shumë se 30 pjesëmarrës.

Me Yll Rugoven, zëvendësministër në Ministrinë e Kulturës, Rinisë dhe Sportit, dhe Durim Abdullahun , autor i emisionit “Codex” dhe ligjërues në Universitetin e Prishtinës, u  diskutua për librin që nga parahistoria e deri tek epoka moderne, duke përfshirë këtu edhe gjendjen aktuale të librit në Kosovë.

Durim Abdullahu u shpreh  se shpikja e shkrimit është  ajo që e inauguron historinë. Sipas tij, libri se bashku me romanin, mbeten disa prej shpikjeve më të mëdha të njerëzimit. Abduallahu, po ashtu tha se, romani është njëra në format më të mira të vetedukimit. Ndërsa mungesën e botimeve në vendet shqipfolëse, ai e arsyetoi me faktin se nuk ka pasur sisteme shkollore, përkatësisht traditë shkollore.

E Yll Rugova, tha se nuk  është e rëndësishme a jemi duke përdorur Kindle për ta lexuar një libër a jemi duke e lexuar një tekst në fletore, apo jemi duke e lexuar në telefonin tonë, roli i tekstit është i njëjtë.  Ai shtoi se është mirë që libri mos të identifikohet vetëm me letërsi, sepse ka shumë forma ndryshme se si libri mund lexohet.  Për gjendjen aktuale të librit në Kosovë, Rugova tregoi se ka një numër të vogël të botuesve, autorëve, hulumtimeve dhe revistave shkencore.

Me 23 prill, shënohet edhe Dita e të Drejtave të Autorit. Për këtë, Yll Rugova u shpreh se duhet bërë një  luftë shumë të ashpër ndaj plagjiaturës, dhe se duhet  mbajtur  një balancë ku  mbrohen autorët por nuk lejohet që të dëmtohet përhapja e informatave.

Fjolla Shaipi, pjesëmarrëse në këtë diskutim,  adresoi brengën për cilësinë e librave që udhëzohen nëpër shkolla. Ajo tha se librat shkollorë nuk janë interesant aspak.

Ndërsa, pjesëmarrësja tjetër, Liridona Shehu,  ngriti problemin më të cilin, sipas saj, ballafaqohen shkollat rurale në Kosovë. Ajo u shpreh së në rajonin e Hasit prej nga vjen, ka shkolla të cilat nuk kanë biblioteka fare. Shehu, tregoi se ishte organizata ETEA, ajo e cila para dy vitesh, në bashkëpunim më disa vullnetarë, dërguan libra në shkollën e fshatit Romajë.

23 prilli shënohet si Dita Ndërkombëtare, pasi në këtë datë kanë vdekur shumë autorë të njohur botëror ndër ta William Shekpeare e Miguele De Servantes. E si propozime librash, Durim Abdullahu sugjeroi librin “Pllugu, Shpata dhe Libri” të Ernest Gellner. Ndërsa, Yll Rugova rekomandoi librin “Histori e shkurtër e kohës” të Stephen Hawking. 

Kalendari

Ngjarjet e datës 12 Gusht 2020 - Me rastin e Ditës Ndërkombëtare të Rinisë ministrja e Kulturës, Rinisë dhe Sportit Vlora Dumoshi pret një grup të të rinjve. (Objekti i MKRS-së, ora 9:30)   

-  Komisioni Hetimor Parlamentar lidhur me procesin e privatizimit në Kosovë miraton listën e dëshmitarëve dhe përzgjedh listën e ekspertëve. (Ndërtesa e Kuvendit, salla N302, ora 10:00)

- Grupi “Vullnetarët/Volunteers #COVID-19” së bashku me Ministrin e Shëndetësisë, Armend Zemaj, Ministrën e Kulturës, Rinisë dhe Sportit, Vlora Dumoshi dhe akterë të tjerë lanson Fushatën “Së bashku kundër #COVID-19”. (Sheshi “Skenderbeu” në Prishtinë, ora 10:00)   

 Komisioni për Çështje të Sigurisë dhe Mbrojtjes diskuton lidhur me situatën e Sigurisë në Republikën e Kosovës si dhe shqyrton raportin për përzgjedhjen e Komisionerit të Agjencisë për Informim dhe Privatësi. (Ndërtesa e Kuvendit, salla N10, ora 10:00)

- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare. (Ndërtesa e Qeverisë, ora 11:00 - vetem pamje)

- Ministri i Arsimit dhe Shkencës, Ramë Likaj raporton para  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton lidhur me përgatitjet për fillimin e vitit të ri shkollor 2020-2021. (Ndërtesa e Kuvendit, salla C203, ora 11:00)
 
- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare do të ketë konferencë për media. (Ndërtesa e Qeverisë, ora 11:30)
 
- Mbahet ceremonia e zbulimit te punimit “I love Kosova” nga Ministrja Vlora Dumoshi dhe Kryetari i Komunës së Skenderajt Bekim Jashari. (Sheshi “Adem Jashari”, Skenderaj, ora 11:50)
 
- Ministrja e Kulturës, Rinisë dhe Sportit Vlora Dumoshi zhvillon një vizitë në ndërmarrjen sociale “Pastiçeria Snap cake” në kuadër të projektit ‘Praktika në Punë” i mbështetur nga Departamenti i Rinisë MKRS. (Skenderaj, ora 12:00)   

 - Mbahet mbledhja e Kryesisë së Kuvendit në të cilën shqyrtohet propozimi i deputetit Haxhi Avdyli, mbështetur edhe nga 41 deputetë tjerë nënshkrues, për formimin e Komisionit Hetimor Parlamentar mbi procesin e licencimit, operimit,  mbikëqyrjes dhe aplikimit për lejet të hidrocentraleve në Republikën e Kosovës dhe Çeshtje tjera . (Në platformën ZOOM 5.0. ora 14:00)