20 Janar 2020

“Ditët e Mërgatës” këtë vit në Gjilan nisin me alpinizëm në bjeshkët e Karadakut

Gjilan, 29 korrik - Organizuar nga Klubi Alpin Gjilan dhe Komuna e Gjilanit gjatë vikendit është realizuar ecja tradicionale “Ditët e Mërgatës 2019”, ku kanë marrë pjesë një numër i konsiderueshëm i alpinistëve të përcjellur edhe një një numër i qytetarëve kurreshtarë, të cilët pëlqejnë natyrën dhe ecjen nëpër te.

Në këtë ecje e cila në mënyrë simbolike është shënuar këtë vit në malet e Karadakut, është përshkruar një shteg prej rreth 6 kilometrash, ku përpos bukurive natyrore, pjesëmarrësit kanë vizituar edhe kishën e “Shën Anës”, e cila është në mesin e objekteve të trashëgimisë kulturore e fetare me një histori shumë të gjatë.

Karvanit të alpinistëve dhe vargut të gjatë të qytetarëve pjesëmarrës-bashkëatdhetarëve iu kanë bashkangjitur edhe ekipet e Ushtrisë së Kosovës dhe përfaqësuesve të Komunës, konkretisht atyre të sportit. 

Kalendari

Ngjarjet e datës 20 janar 2020

- Zyra e BE-së/Përfaqësuesi Special i BE-së në bashkëpunim me Qendrën për Arsim të Kosovës dhe organizatat e tjera joqeveritare, anëtare e “Rrjetit të Kosovës për punësim dhe arsim” do të organizojnë konferencën përfundimtare e cila do të përqendrohet në arsim dhe punësim. (Hoteli Swiss Diamond, ora 9:30)

- Kryetari i Komunës së Prizrenit, Mytaher Haskuka do të mbajë takim me qytetarë, ku do të njoftojë për punën e Komunës së Prizrenit gjatë vitit 2019. (Salla e Kuvendit Komunal në Shtëpinë e Bardhë, ora 10:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Prishtinës. (Shkollën Model në Prishtinë, ora 11:00)

- Kryetari i Kuvendit të Republikës së Kosovës, Glauk Konjufca, ka thirrur mledhjen e parë të Kryesisë së Kuvendit të Republikës së Kosovës, të Legjislaturës VII. (Ndërtesa e Kuvendit, Salla C 301, ora 11:00)

- Ministri i Drejtësisë, Abelard Tahiri, do të marrë pjesë në Akademinë Përkujtimore, në dy vjetorin e vdekjes së veprimtarit të Çështjes Kombëtare, Jonuz Musliu. (Shtëpia e Kulturës në Bujanoc, ora 13:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Obiliqit. (Shkolla "Ismail Dumoshi" në Obiliq, ora 14:00)

- Hapet ekzposita "Cikël me Peizash" nga piktori Anton Krasniqi. (Kafe Atelie +S, rruga 'Avdyl Frasheri' nr. 42, Prishtinë, ora 19:00)