19 Prill 2019

Certifikohet për herë të parë puna vullnetare në Kosovë

Prishtinë, 11 korrik - Ministria e Kulturës, Rinisë dhe Sportit në bashkëpunim me UNICEF kanë certifikuar 30 "Mentorët Vullnetar Rinor" bazuar në Udhëzimin Administrativ për Punë Vullnetare 01/2016.

Me këtë rast, Ministri Gashi tha se “sot kemi një ditë të rëndësishme për të gjithë të rinjtë e Kosovës e veçanërisht për të rinjtë të cilët për herë të parë certifikohen si punëtor vullnetarë natyrisht që ky proces rrjedh nga ligji për fuqizimin e rinisë përkatësisht nga udhëzimi administrativ për vullnetarë”.

Gashi tha se “Kur të rinjtë aplikojnë për punë, u kërkohet përvoja e punës. Prandaj, është mundësi e mirë që ta shfrytëzoni platformën e Ministrisë. Certifikata ua njeh një vit përvojë pune. Është një përmbushje e synimeve tona që të gjithë të rinjtë e Kosovës te mos kenë pengesa gjatë aplikimit për punësim”. Besoj që ky proces do të jetë inkurajues për të gjithë të rinjtë e Republikës së Kosovës që të bëjnë punë vullnetare në komunitet në të gjitha komunat, nëpër organizata, nëpër institucione dhe të jenë pjesë e te gjitha përpjekjeve për ta rregulluar çështjen e të rinjve brengat, dhe problemet e tyre”.

Ministri ka vlerësuar dhe bashkëpunimin e ngushtë me UNICEF si një partner të rëndësishëm të MKRS-së, duke e vënë në theks se bashkërisht janë të vendosur të shtynë përpara promovimin e konceptit të vullnetarizmit rinor me qëllimi të motivimit të të rinjve për shërbim në komunitet në të mirë të shoqërisë.

“Sot falë punës së përbashkët dhe mbështetjes së madhe të kolegeve tanë në UNICEF po certifikojmë 30 të rinjtë për Mentor Vullnetar. Siç e dini ky certifikim është me rëndësi të madhe dhe shtytës që të monitorohet i tërë procesi i punës vullnetare për të gjithë ofruesit e punës vullnetare dhe vullnetarëve të angazhuar”, u shpreh ministri.

Shefi i zyrës së UNICEF-it, Brandao Co u shpreh i kënaqur për bashkëpunimin me Ministrinë dhe ministrin Gashi. “Është një ndër shembujt më të mirë për bashkëpunim”, tha Co.

“Puna vullnetare është një punë që i ndihmon komunitetit. E di që ka shumë vullnetarë në Kosovë që shpëtojnë jetë dhe dëshirojnë t’ju ndihmojnë të tjerëve. Me punë vullnetare ata bëjnë edhe eksperiencë pune”.

“Jemi të kënaqur që puna vullnetare është globalisht e njohur. Bashkëpunimi nuk ka mbetur vetëm në Kosovë, UNICEF është munduar që këtë eksperiencë ta shpërndaje në botë”. “Kemi mbi 3000 vullnetarë dhe 200 organizata që janë interesuar ne Kosovë”, tha ai.

Kalendari

Ngjarjet e datës 19 prill 2019 - Klinika e Kirurgjisë së Fëmijëve në Qendren Klinike Universitare i fillon punimet Simpoziumi mbarëshqiptarë i kirurgëve të fëmijëve. (Hotel Internacional Prishtina, ora 8:40)

- Kryeparlamentari Kadri Veseli merr pjesë në festivalin olimpik për fëmijët parafillor. ))(Stadiumi “Fadil Vokrri”, Prishtinë, ora 9:30)

- Programi i Kombeve të Bashkuara për Zhvillim në bashkëpunim me Agjencinë për Menaxhimin e Emergjencave dhe partneri implementues, Kryqi i Kuq i Kosovës, do të organizojnë një ushtrim fushor në fshatin Maxhunaj në komunën e Vushtrrisë. (Fshati Maxhunaj, ora 10:00)

- Shtëpia Botuese “Faik Konica” organizon promovimin e librit të Dr. Islam Lauka, “Kosova e kërcënuar nga gjarpri i shtëpisë”. (Bibliotekën Kombëtare, ora 11:00)

- Ministri i Kulturës, Rinisë dhe Sportit, Kujtim Gashi, bashkë me kryetarin e Kuvendit të Kosovës, Kadri Veseli, do të bëjnë shpërndarjen e kontratave për 21 përfituesit e granteve nga Fondi Rinor që për qëllim kanë rritjen e punësimit për të rinjtë e vendit tonë përmes zhvillimit të ndërmarrësisë. (Hotel Sirius, ora 11:00)

- Kryeparlamentari Kadri Veseli merr pjesë në ceremoninë e nënshkrimit të projekteve për ndërmarrësit e rinj. (Hotel Sirius, ora 11:00)

- Kryeministri Ramush Haradinaj merr pjesë Akademinë Përkujtimore me rastin e Ditës së Veteranëve të Koshares dhe rënies së Heroit të Kosovës, Sali Çekaj, në kuadër të Manifestimit Tradicional "Ditët e Shqipes 2019", që organizohet nën patronatin e kryeministrit. (Teatri Kombëtar, ora 12:00)

- Zëvendëskryeministri i Republikës se Kosovës, Enver Hoxhaj mban konferencë të përbashkët për media me Ministrin e Drejtësisë, Abelard Tahiri. (Ndërtesa e Qeverisë, salla P32, ora 13:00)

- Koordinatori Nacional për Kulturë, Rini dhe Sport, Rexhep Hoti së bashku me Kryetarin e Komunës së Gjilanit, Lutfi Haziri, do të përcjellin garën komunale në Kreativitet Kulturor dhe Mendim Kritik. (Objekti i Gjimnazit Natyror "Xhavit Ahmeti" në Gjilan, ora 13:30)

- Drejtoresha e misionit të USAID-it Lisa Magno do të flasë me rastin e lançimit të faqes së re të internetit të Këshillit Gjyqësor të Kosovës. (Sheshi 21, ora 15:00)

- Federata e Atletike të Kosovës do të mbaj konferencë për media në të cilën do të jepen informatat kryesore rreth organizimit të gjysmë maratonës së këtij viti. (Salla e shtëpisë së sporteve në Prishtinë, ora 15:00)

- Kryeministri Ramush Haradinaj merr pjesë në Akademinë Përkujtimore me rastin e 20 vjetorit të themelimit të Batalionit “Atlantiku”, që organizohet nën patronatin e kryeministrit. (Salla e Kuqe, Pallati i Rinisë, ora 16:00)

- Në kuadër të tubimeve Kundër PANhajnisë dhe për zgjedhje të reja Lëvizja Vetëvendosje  mban tubim në Drenas. (Shtëpia e Kulturës në Drenas, ora 16:30)

- Galeria e Qytetit të Gjilanit hap ekspozitën e veçantë të fotografive “Arti i Rrudhave”, të autorit Muhamed Sadriu, e cila do të shpalos fotorgafitë e 21 personave të cilët i kanë mbi 100 vjet, e që e simbolizon shekullin XXI. (Galeria e Qytetit të Gjilanit, ora 17:30)

- Në kuadër të tubimeve Kundër PANhajnisë dhe për zgjedhje të reja Lëvizja Vetëvendosje  mban tubim në Prizren. (Shtëpia e Kulturës "Xhemajli Berisha" në Prizren, ora 19:00)

- Galeria Kombëtare e Kosovës hap ekspoziten "Grouping - Moving - Spreading" Metaxym e cila është kuruar dhe organizuar nga The Activists dhe World Anonimous Society. (Galeria Kombëtare e Kosovës, ora 20:00)

- Lumbardhi do të prezantojë paraqitjen e parë të këngëtares dhe kompozitores amerikane Chrysta Bell në Kosovë në kuadër të turneut Feels Like Love 2019 dhe epizodit të dytë të Lumbardhi n’Behar. (Lumbardhi në Prizre, ora 21:00)