Los Angeles, 3 shtator - Reperi T.I dhe bashkëshortja e tij, janë arrestuar të mërkurën mbrëma në Los Angeles, nën akuzën për drogë.

Makina e çiftit është ndaluar nga policia në Hollywoodin Perëndimor, ndërsa autoritetet filluan të dyshojnë kur kishin nuhatur kanabis, i cili sipas tyre dilte nga makina e reperit.

T.I dhe bashkëshortja e tij, Tameka Cottle, janë dënuar me 10 mijë dollarë, ndërsa nuk dihet nëse ata e kanë paguar këtë.

Superylli, T.I, ishte liruar nga burgu dhjetorin e kaluar pas gjashtë muajve të kaluar prapa hekurave, për shkak të mbajtjes të armëve dhe narkotikëve, ndërsa tani po kalon teste të rëndomta, për të dëshmuar se është gjithçka në rregull.