10 Korrik 2020

Ansamblet e Gjilanit, Kumanovës e Preshevës, performuan për nder të 12-vjetorit të pavarësisë

Gjilan, 16 shkurt -Në vazhdën e aktiviteteve në shënim të 12-vjetorit të shpalljes së pavarësisë së Kosovës, në Gjilan është mbajtur Festivali i këngëve dhe valleve “Gjilani Fest 2020”, aktivitet ky i organizuar nën përkujdesjen e kryetarit të Komunës së Gjilanit, Lutfi Haziri.

Para publikut gjilanas, të dielën kanë performuar, Ansambli Gjilani, Ansambli Bajram Shabani nga Kumanova dhe Ansambli Presheva, nga ky qytet i Kosovës Lindore.

Deniza Limani, drejtoreshë e Kutlturës në Gjilan, në emër të Lutfi Hazirit, e ka shpall të hapur këtë Festival, duke thënë se kjo komunë ka qenë gjithmonë qendër e kulturës, por që ky epitet është vulosur në vitet e fundit.

“Faleminderit Anasambleve për vlerat kulturore që po na japin në vigjilje të 12-vjetorit të shpalljes së Deklaratës së Pavarësisë së Kosovës, datë kjo, ndër më të rëndësishmet historikisht për shqiptarët. Në këtë ditë i kujtojmë dhe kurrë nuk i harrojmë ata që me gjakun e tyre e njomën lirinë e pavarësinë e Kosovës, dëshmorët, heronjtë e martirët e kombit, të cilëve u takon lavdia”, ka thënë Limani.
 

Kalendari

Ngjarjet e datës 10 Korrik 2020

- Drejtoria e Turizmit dhe Zhvillimit Ekonomik do të bëjë hapjen e Qendrës Artizanale në Prizren, ku do të mbahen pesë kurse të ndryshme si: Djegie ne Dru, Reliev në letër, Rrobaqepje, Punim të Shajakut si dhe Dizajnimi i Veshjeve Moderne. (ish objektin e Megasportit në qendër të Prizrenit, ora 11:00)

- Ministri i Ekonomisë dhe Ambientit, Blerim Kuçi do të vizitojë Komunën e Gjakovës ku do të takohet me Kryetarin e Komunës së Gjakovës Ardian Gjini. (Komuna e Gjakovës, ora 11:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora 11:00)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Ndërmarrjen publike ‘’KRU Gjakova’’. (Gjakovë, ora 11:30)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Impiantin e Trajtimit të Ujërave të Ndotura projekt që është duke u realizuar në Komunën e Gjakovës. (Gjakovë, ora 11:50)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë ndërmarrjen publike Ngrohtorja e Qytetit – ndërtimi i Ngrohtores së re të qytetit Impianti I koogjenerimit me biomasë, projekt që është duke u realizuar në Komunën e Gjakovës. (Gjakovë, ora 12:20)

- Mbahet seanca plenare e Kuvendit të Republikës së Kosovës në të cilën raporton Kryeministri lidhur me menaxhimin e pandemisë COVID-19. (Salla e Kuvendit, ora 16:00)