25 Shkurt 2020

12 studentëve do të ju ofrohet punë praktike përmes projektit të ANIBAR

Pejë, 13 janar - Anibar ka njoftuar për nënshkrimin e tre memorandumeve me kryetarët e komunave të Pejës, Gjakovës dhe Deçanit, me qëllim të bashkëpunimit në projektin “Të rinjtë për Ndryshim” që është projekt me qëllim të përkrahjës së të rinjve ne rajonin e Dukagjinit.

Bashkëpunimi mes organizatës “Anibar” dhe këtyrë tri komunave ka qëllim krijimin e hapësirave për punë praktike për studentët në komunat përkatëse, ndërsa një prej synimeve është edhe zhvillimi i platformës online për pjesëmarrje aktive të të rinjve në proceset vendimmarrëse.

Përveç këtyre tri komunave, gjatë muajit janar pritet që projektit t’i bashkohen edhe komuna e Klinës, Istogut dhe Junikut.

Nga këto marrëveshje, 12 studentë do të përfitojnë punë praktike me pagesë në gjashtë komunat (Pejë, Deçan, Klinë, Istog, Junik dhe Gjakovë) për një periudhë 3 mujore, kështu duke ua mundësuar atyre rritjen e kapaciteteve profesionale.

Për më tepër, ky bashkëpunim do të krijojë kushte për zhvillimin e platformës onllajn si rrugë alternative që të rinjtë të paraqesin kërkesat e tyre rreth ndryshimeve që kanë nevojë në komunitetin ku jetojnë, njëkohësisht duke u anagazhuar edhe në proceset vendimmarrëse.

Këto aktivitete po implementohen në kuadër të projektit “Të Rinjtë për Ndryshim” në kuadër të programit Angazhimi për Barazi - E4E i financuar nga Agjencia e Shteteve të Bashkuara për Zhvillim Ndërkombëtar - USAID Kosovo dhe zbatuar nga Advocacy Training and Resource Center – ATRC.

Kalendari

Ngjarjet e datës 25 shkurt 2020 - Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00) 

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)