18 Shkurt 2020

Volvo kufizon shpejtësinë, Jo më mbi 180 km/h

Stokholm, 4 mars - Volvo do të kufizojë shpejtësinë e makinave të saj në 180 km në orë duke filluar nga 2020 në një përpjekje për të reduktuar numrin e aksidenteve. Kufizimi do ti pengojë shoferët të arrijnë shpejtësinë maksimale prej 250 km në orë që shumë “Volvo” mund të arrijnë aktualisht.

Marka suedeze, që u ble në 2010 nga kompania kineze nga Zhejiangu Geely, prej kohësh gëzon reputacion për dhënien prioritet të sigurisë në rrugë dhe përpjekjet për të eliminuar aksidentet vdekjeprurëse ku shpejtësia është faktor.

Kompania ka thënë se kufizimi elektronik është fokusuar tek sjellja e shoferit sepse zgjidhjet mekanike, nuk mund të garantojnë të vetme sigurinë. Kufizimi do të aplikohet tek të gjitha makinat që do të prodhohen nga mesi i vitit 2020 e më tej.

Volvo besohet se është e para shtëpi prodhimi automobilësh që instalon këtë kufizim sidoqoftë, automjetet e policisë do të jenë të përjashtuara. Teknologji e ngjashme është instaluar në disa makina me performancë të lartë në gjermani, por me një kufizim që shkon mbi 180 km në orë.

Shpejtësia mesatare në autostradat e vendeve anëtare të BE është 120=130 km në orë, por disa vende nuk kanë kufizime pavarësisht rekomandimeve. Shpejtësia, përkrah ngarjes së makinës në gjendje të dehur dhe përdorimit të telefonave, janë shkaqe kryesore të aksidenteve rrugore.

Kalendari

Ngjarjet e datës 18 shkurt 2020 - Oda Ekonomike e Kosovës do të mbajë konferencë për media lidhur me rezultatet e anketës të klimës në biznes. (Objekti i Odës Ekonomike të Kosovës, ora 9:30)

- Forumi për Udhëheqje dhe Diplomaci organizon debatin publik me temë “Si duhet ta adresojnë institucionet barazinë gjinore në pozicionet vendimmarrëse?”. (Kafiteri “Dit e Nat” ora 10:00)

- Instituti Demokratik i Kosovës organizon tryezën e diskutimit “Dialogu Kosovë-Serbi: Çfarë pas formimit të Qeverisë së re dhe përfshirjes amerikane?”, në një diskutim rreth të ardhmes së dialogut Kosovë - Serbi. (Hotel Sirius, ora 10:00)

- Zyra Kombëtare e Auditimit prezanton raportin e auditimit të performancës “Sistemi i Përcaktimit të Tarifave të Energjisë Elektrike, Termike dhe atyre të Ujësjellësit”. (Zyra Kombëtare e Auditimit, lagja “Arbëria”, ora 10:00)

- Mbahet mbledhja e parë e rregullt e Komiteti për Politik dhe Financa në Komunën e Rahovecit. (Salla e mbledhjeve të Kuvendit Komunal të Rahovecit, ora 10:00)

- Mbahet mbledhja e Kryesisë së Kuvendit të Republikës së Kosovës në të cilën do të behët propozimi për formimin e grupeve të miqësisë, dhe propozimi i anëtarëve në delegacione për përfaqësim të Kuvendit më organizata ndërkombëtare. (Ndertesa e Kuvendit, salla C 301, ora 11:00)
 
- Korabi Corporation organizon ceremoninë e hapjes së “Qendrës Inovative Korabi”, një qendër unike arsimore në fushën e kulinarisë si dhe do të mbahet “Nata e çokollatës belge”, një spektakël me çokollatën më të mirë në botë, që do të prezantohet nga çokollatrier me famë ndërkombëtare. (Zyrat e Korabi Corporation në Çagllavicë, ora 18:00)