30 Mars 2020

Volkswagen përkohësisht ndërpret prodhimin në Evropë për shkak koroanavirusit

Frankfurt, 18 mars - Gjigandi automobilistik gjerman Volkswagen ka mbyllur prodhimin në fabrikat e saj në Evropë për shkak të përhapjes së koronavirusit potencialisht vdekjeprurës.

Kompania tha se kanë ndaluar prodhimin në Evropë për dy javë. Masat e marra nga autoritetet në vendet evropiane për të luftuar përhapjen e koronavirusit parandalojnë shpërndarjen e pjesëve të automjeteve, që është një faktor tjetër pse Volkswagen ka vendosur të ndërpresë përkohësisht prodhimin.

Deklarata tha se fabrikat e Volkswagen në Bratislavë, Pamplona, Palmela, Wolfsburg, Emden, Dresden, Osnabruck, Zwicka, Brunswick, Chemnitz, Hanover, Kassel, Salzgitter dhe kompleksi Sitech janë mbyllur përkohësisht.

Nga nesër fabrikat e prodhimit të VW do të ndërpresin punë dhe kjo është kompania e parë e madhe gjermane që mori një vendim të tillë në kulmin e pandemisë globale të koroanvirusit.

Kompania Vokswagen ka 275,000 punëtorë në 72 fabrika në Evropë, dhe numëron 670,000 të punësuar në të gjithë botën.

Koronavirusi u shfaq në qytetin kinez Wuhan në fund të vitit të kaluar dhe më pas u përhap në të paktën 163 vende dhe territore në botë. Organizata Botërore e Shëndetësisë (OBSH), Covid-19 e ka shpallur pandemi.

Më shumë se 198,000 njerëz janë të infektuar nga virusi në të gjithë botën. Të paktën 7.990 njerëz kanë vdekur nga sëmundja dhe 82.779 njerëz janë shëruar.

Pasi përhapja e virusit në Kinë filloi të bjerë dhe jeta filloi të kthehej normalitetit, OBSH e shpalli Evropën epiqendrën e re të koronavirusit.

Kalendari

Ngjarjet e datës 30 mars 2020

- Oda Ekonomike e Kosovës do të mbajë konferencë për media lidhur me propozimin për mbështetjen e sektorit privat pas përhapjes së pandemisë COVID-19. (Objekti i Odës Ekonomike të Kosovës, ora 10:00)

- Komuna e Rahovecit mban mbledhjen e rregullt të Kuvendit Komunal. (Salla e mbledhjeve të Kuvendit Komunal, Rahovecit, ora 10:00)

- Aleanca Kosovare e Bizneseve mban konferencën për media me temë "AKB reagon ndaj Propozimit të Pakos së Qeverisë për mbështetjen e bizneseve". (Zyret e AKB-ës, ora 12:00)

 

- Kryetari i Komunës së Prizrenit, Mytaher Haskuka, drejtori i Drejtorisë së Shëndetësisë dhe njëkohësisht koordinator i shtabit emergjent, Visar Shehu, dhe drejtori i Drejtorisë së Administratës, Osman Hajdari mbajn konferencë për media lidhur me masat e ndërmarra nga Komuna e Prizrenit kundër pandemisë COVID-19. (Shtëpinë e Bardhë ora 14:00)

 

- Nataliya Apostolova, Shefja e Zyrës së BE-së në Kosovë në prani të Kryeministrit në detyrë, Albin Kurti dhe Ministrit në detyrë të Shëndetësisë, Arben Vitia do të nënshkruajë sot një kontratë me vlerë 5 milionë euro për nevoja të menjëhershme të Kosovës për luftimin e pandemisë COVID-19. (Ceremonia e sotshme e nënshkrimit do të transmetohet drejtpërdrejt në Facebook përmes faqes së BE-së në Kosovë @EuropeanUnionInKosovo, ora 17:00)