01 Qershor 2020

Vazhdon derdhja e naftës në Gjirin e Meksikës

Meksiko Siti, 7 maj - Një anije me një kupolë masive, e cila do të shërbejë si kapak për pusin e çarë të naftës në Gjirin e Meksikës, mbërriti sot në vendin e ngjarjes, me shpresën se do të ndihmojë për të ndalur rrjedhjen masive.

Një zëdhënës i Rojes Bregdetare i tha Zërit të Amerikës se kapaku arriti sot. Ai tha se kompania British Petrolium shpreson të fillojë ta vendosë kapakun gjatë 48 orëve të ardhshme.

Plani është vendosja e strukturës 98-tonëshe mbi pusin, më tepër se 1 mijë e 500 metra nën sipërfaqe dhe drejtimi i rrjedhjes së naftës për tek një anije në sipërfaqe.

British Petrolium shpreson që kupola të fillojë ta ndryshojë rrjedhjen e naftës deri të hënën, por kompania thotë se nuk mund të garantojë suksesin e përpjekjeve të jashtëzakonshme.

Kalendari

Ngjarjet e datës 1 Qershor 2020

- Për nder të Ditës Ndërkombëtare të Fëmijëve 1 qershorit, kompania ndërtimore “Qami Construction” do të dhurojë gjak në Qendrën e Transfuzionit të gjakut dhe bën shpërndarjen e dhuratave për fëmijët të cilat janë të shtrirë në Klinikën e Pediatrisë. (Qendra e Transfuzionit të gjakut në QKUK, ora 9:00)

- Në Ditën Ndërkombëtare të Fëmijëve, KOMF organizon konferencën për media për publikimin e Raportit të Monitorimit “Komuna Ime, e Drejta Ime Sociale”. (Hotel Sirius, ora 10:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve. (Kampusi Universitar të Universitetit të Prishitnë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Agjencisë Kosovare të Privatizimit – AKP për vitin 2019. (Ndërtesa e Kuvendit, salla N10, ora 11:00)
 
- Instituti për Zhvillimin e Politikave Sociale (IZHPS), me financimin nga FES, publikon hulumtimin “Qasja në mësimin online dhe kushtet e jetesës për familjet përfituese të Skemës së Asstencës Sociale gjatë Covid-19. (Hotel Sirius, ora 11:45)

- Qendra për Këshillim, Shërbime Sociale dhe Hulumtime prezanton hulumtimit “A po ndryshon koncepti i atësisë në Kosovë?”. (https://docs.google.com/forms/d/e/1FAIpQLSdlUfSJPvTqynWzbxg2lXiq2Csq7vFeKnBg_kVgfvyHCkfpkQ/viewform,  ora  16:00)