15 Tetor 2018

Ujësjëllesi 'Prishtina' me 174 shkyçje individuale në muajin maj 2018

Prishtinë, 1 qershor - Kompania Rajonale e Ujësjëllesit 'Prishtina' ka bërë te ditur për të gjithë konsumatorët në zonën e shërbimit, se aksioni për shkyçjen individuale të konsumatorëve borxhlinj nga shërbimet e ujësjellësit dhe kanalizimit është duke vazhduar me intensitet të lartë në qytete e fshatra, por me theks të veçantë në Prishtinë.

Me shkyçje po përballet secili konsumatorë që ka, dy e më shumë fatura të papaguara ndaj shërbimeve të ujësjellësit dhe kanalizimit.

Vetëm në muajin maj 2018 janë realizuar 174 shkyçje individuale, ku 11 prej tyre janë shkyçë për shkak të zbulimit të kyçjeve ilegale të tyre nga ana e inspektorëve tanë, 163 janë shkyçje individuale për shkak të mospagesave të shërbimeve të ujësjellësit dhe kanalizimit, ndërsa nga gjithsej 174 shkyçje, 54 prej tyre janë rikyçë, pasi që kanë paguar obligimet e tyre ndaj shërbimeve tona.

Aksioni do të vazhdojë deri në fund të vitit 2018.

Gatishmëria dhe përkushtimi maksimal i ekipeve të shkyçjes, ka bërë që konsumatorët e deritanishëm borxhlinj, të vetëdijësohen për rëndësinë e shërbimeve të ujësjellësit dhe kanalizimit.

KRU ”Prishtina” sh.a. falënderon të gjithë konsumatorët për pagesa të shërbimeve të ujësjellësit dhe kanalizimit dhe fton secilin prej tyre që, të jenë sa më të rregullt në përmbushjen e obligimeve, sepse vetëm në këtë mënyrë mund ti shmangen ndëshkimeve të kompanisë, gjegjësisht ekipeve të shkyçjes.

Kompania Rajonale e Ujësjellësit “ Prishtina ” sh.a. njofton të gjithë konsumatorët  në zonën e shërbimit, ata të cilët jetojnë në ndërtesa kolektive, në rastet me ujëmatës të përbashkët se, faturimi i ujit të shpenzuar do të bëhet në bazë të Rregullorës Nr.02/2016 mbi Standardet Minimale të Shërbimeve të Ujit në Kosovë dhe atë në bazë të Nenit 37.
 

Kalendari

Ngjarjet e datës 15 tetor 2018

- Mbahet mbledhja e Kryesisë së Kuvendit, me kryetarët e grupeve parlamentare. (Ndertesa e Kuvendit, salla C-301, ora 9:00)

- Let’s Do It Kosova organizon aksion pastrimi në lagjen “Mati 1” në Prishtinë. (Rruga “Muharrem Fejza”, ora 10:00)
 
- Programi i Kombeve të Bashkuara për Zhvillim dhe Ambasada Gjermane në Prishtinë do të nënshkruajnë një marrëveshje për të mbështetur sektorin e sigurisë në Kosovë. (Ambientet e UNDP-së në Arbëri, ora 10:00)

- Bibloteka Kombëtare 'Pjeter Bogdani' organizon ceremoninë e hapjes së ekspozitës "Jeta dhe vepra e heroit kombëtar shqiptar Gjergj Kastrioti Skenderbeu'. (Bibloteka Kombëtare, ora 10:00)

- Vazhdimi i seancës plenare të Kuvendit të Republikës së Kosovës. (Salla e seancave plenare të Kuvendit, ora 10:00)

- Zyrja e UNICEF-it në Kosovë bën lancimin e aplikacionit “Shnet”. (Sheshi 21, ora 11:00)

- Kryeministri Haradinaj merr pjesë në promovimin e librit “Lindja e Vështirë e Shtetësisë së Kosovës”, të autorit Nexhat Daci. (Akademia e Shkencave dhe e Arteve të Kosovës, ora 11:00)

- Mbahet konferenca e drejtorit te Shëndetesisë dhe Mireqenies Sociale, Selami Xhemajli nga Komuna e Gjilanit. (Zyra e krytarit të komunës, ora 11:00)

- Mbahet mledhja e Komisionit për Administratë Publike, Qeverisje Lokale dhe Media në të cilin do të behët shqyrtimi i Raportit vjetor të Komisionit të Pavarur për Media, për vitin 2017. (Ndërtesa e Kuvendit, salla N 302, ora 13:00)

- Mbahet mledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilin do të behët shqyrtimi i Projektligjit për statusin e punëtorëve të arsimit shqip të Republikës së Kosovës nga viti shkollor 1990/91 deri në vitin shkollor 1998/99. (Ndërtesa e Kuvendit, salla N 303, ora 13:00)

- Ekipi i Kombeve të Bashkuara në Kosovë dhe Asociacioni i Gazetarëve të Kosovës do të mbajnë ceremoninë e 13-të të ndarjes së Çmimeve për arritjet më të mira në Gazetari për temën e Varfërisë 2018. (Kino Armata pranë Hotelit Grand, ora 16:00)

- Kryetari i LDK-së, Akademik Isa Mustafa mban mbledhje me kryetarët e degëve të LDK-së. (Hotel Sirius, ora 17:00)

- Instituti për Integrime Evropiane dhe Qendra Grotius organizojnë debat për Dhomat e Specializuara të Gjykatës Speciale. (Kolegji UBT,  ora17:00)

- Ambasada e Kroacisë shënon vitin e 5-të të integrimit të Kroacisë në Bashkimin Evropian. (Amfiteatri i Bibliotekës Qendrore të Universitetit në Prishtinë, ora 18:00)