14 Korrik 2020

Toyota paguan 10 milion dollarë dëmshpërblime

New York, 24 dhjetor - Toyota i pagoi 10 milion dollarë familjeve të katër persona të vrarë në një autostradë në SHBA në 2009-n, si pasojë e problemeve të gazit të modelit Lexus, lajmëroi në mëngjes “CNN”.

Shtëpia japoneze e automobilëve, që më parë nuk kishte pranuar dhe as mohuar vendimin për pagimin e dëmshpërblimit, shprehu keqardhjen që lajmi u bë publik.

Vërtetimi i problemeve të gazit në atë aksident detyroi Toyota-n që të tërhiqte me miliona makina, për të riparuar sistemin në fabrikat e saj. Në një deklarë të lëshuar prej kompanisë, lexohej:

”Siç është e zakonshme në raste të tilla, palët duhet të mbajnë marrëveshjet konfidenciale, pjesërisht edhe për publicitetin e padëshiruar dhe mbrojtjen e familjeve në këtë periudhë të vështirë për ta”.

Aksidenti i kushtoi jetën një familjeje prej tre presonash dhe kunatit të tyre, kur pedali i gazit mbeti i shkelur, deri sa makina u përplas pas një mjeti tjetër me shpejtësinë e 190 kilometrave në orë. Toyota i ka paguar më parë gjatë vitit një gjobë prej 32,4 milion dollarësh shtetit amerikan.

Kalendari

Ngjarjet e datës 14 Korrik 2020 - Vazhdimi i seancës plenare të Kuvendit në të cilën raporton Kryeministri lidhur me menaxhimin e pandemisë COVID-19. (Salla e Kuvendit, ora 10:00)

- Ministria e Infrastrukturës mban konferencë për media, në të cilën do të prezantohet raporti "Dekada e sigurisë 2010-2019" si dhe do të bëhet edhe prezantimi i përgatitur nga Policia e Kosovës, të ashtuquajtur:" Gjendja e sigurisë në trafikun rrugor". (Ndërtesa e Ministrisë sē Infrastrukturës, ora 10:00)

- Fondi për të Drejtën Humanitare Kosovë organizon konferencën online me temën “Sfidat në procedimin e krimeve të luftës në Kosovë-cila është rrugëdalja?” (zoom.us/j/93560389814, ora 10:30)

- Mbahet mbledhja e Qeverisë së Kosovës. (Ndërtesa e Qeverisë, ora 11:00)

 - Mbahet dëgjimi publik për përgatitjen e buxhetit për vitin 2021 dhe kornizës afatmesme 2021-2023 me grupin e Grave-Buxhetimi gjinor dhe të gjithë OJQ-të (Salla e mbledhjeve të Kuvendit Komunal të Rahovecit, ora 15:00)

- Në prani të Ambasadorit Gjerman, Christian Heldt dhe drejtori të GIZ, David Oberhuber do të nënshkruhet një partneritet publik-privat midis GIZ dhe Kolegjit Heimerer me qëllimi zbatimin e masave të menaxhimit të higjienës sipas hulumtimit më të fundit të Covid-19 që do të rrisë në mënyrë të konsiderueshme sigurinë e pacientëve dhe stafit në spitalet publike në Kosovë dhe do të parandalojë përhapjen e koronavirusit brenda këtyre institucioneve. (Tek Kolegji Heimerer, ora 15:00)

- Mbahet dëgjimi publik me Biznese të komunës së Rahovecit. (Salla e mbledhjeve të Kuvendit Komunal të Rahovecit, ora 16:00)

-  Demokraci për Zhvillim organizon  sallonin e radhës me temën “Ndikimi i pandemisë në punësimin e grave”. (Përmes platformës Google Meet, ora 17:00)

-  Ambasada e Francës permes rrjeteve sociale kremton Festën kombëtare franceze. (https://www.facebook.com/FranceauKosovo/,  ora 18:00)