11 Dhjetor 2018

Shqetësime për mungesën e ujit në Gjermani

Berlin, 15 nëntor - Ngjarjet ekstreme të motit të shkaktuara nga ndryshimet klimatike, nuk sjellin vetëm stuhi të forta, por nganjëherë ato nënkuptojnë të kundërtën.

Në Gjermani, një verë e nxehtë dhe e thatë ka bërë që uji i lumenjve të bjerë në nivele të ulta dhe ky problem po shqetëson gjithë ekonominë e vendit.

Rrugët e brendshme ujore të Gjermanisë shërbejnë si arterie të rëndësishme ekonomike. Përmes tyre, shpërndahen brenda vendit mallra me vlerë prej miliona dollarësh që mbërrijnë në portet e Gjermanisë.

Por këtë vit, nivelet e ujrave të lumenjve kanë rënë jashtzakonisht shumë në disa pjesë thellësia është vetëm 20 centimetra.

Kjo e bën më të vështirë për të sjellë mallrat në breg, sepse anijet e ngarkuara nuk mund të afrohen për t’u ankoruar.

"Të gjitha varkat që janë aktualisht në lundrim në lumin e Rinit po punojnë papushim për të transportuar mallra që normalisht transportohen me pak anije. Tani për tani gjithçka që mund të qëndrojë mbi ujë po ngarkohet". Dhe jo vetëm që do të thotë mungesa mallrash, por gjithashtu do të thotë që çmimet do të rriten sepse kërkohen më shumë anije dhe më shumë karburant për të lëvizur mallrat.

"Për shembull, stacionet e karburantit rreth Këlnit nuk kanë më karburant të mjaftueshëm për të gjitha llojet e automjeteve, prandaj ekziston një mungesë".

Një pjesë e problemit është viti pa shira, por studimet sugjerojnë se ndryshimi i klimës gjithashtu po luan rol, duke parashikuar se thatësira mund të bëhet gjë e zakonshme. Në Berlin, Derk Ehlert i Departamentit të Mjedisit shpjegon:

"Në lindje të Gjermanisë zakonisht bien pak rreshje dhe këtë vit, gjatë verës, pothuajse nuk pati fare shi, gjë që shkaktoi rënien e nivelit të ujit. Edhe këtu në Berlin, niveli i ujit të lumit Spree, ku po qëndrojmë tani, është i ulët ".

Dhe nuk është vetëm tregtia, nivelet e ulëta të lumenjve po i shtyjnë disa pjesë të rajonit afër mungesës së ujit.

"Parashikimet, të paktën deri në nëntor, janë se niveli i ujrave në Berlin do të jetë në nivele të pranueshme. Megjithatë, nëse rreshjet nuk do të jenë në kuota normale, do të kemi mungesë uji dhe do të na duhet ta kursejmë. " Fermerët gjermanë po ndjejnë gjithashtu mungesën e shiut dhe mijëra ferma janë duke u përballur me mundësinë e falimentimit.

Kalendari

Ngjarjet e datës 11 dhjetor 2018 - Organi Shqyrtues i Prokurimit fillon me transmetim të drejtpërdrejtë “live stream” të sesioneve të tij, një hap ky në drejtim të një qasjeje më transparente nga ana e këtij institucioni. (Zyra e Organit Shqyrtues të Prokurimit, ish-Banka e Lubjanës, kati i 5-të, ora 10:00)

- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin legjislativ”. (Hotel Sirius, ora 10:00)

- Shoqata “Miqtë e Amerikës” dhe Komuna e Gjakoves hapin Librin e Zisë, në nderim të Presidentit George H.W. BUSH. (Pallati i Kulturës "Asim Vokshi" në Gjakovë, ora 10:00)

- Në kuadër të Fushatës “Ta Pastrojmë Kosovën” do të organizohet aksion pastrimi në Komunën e Rahovecit. (Rruga kryesore në fshatin Zaqisht të Rahovecit, ora 10:00)

- Shefi i Zyrës së BE-së, Nataliya Apostolova, do të diskutojë me nxënësit e shkollave të mesme me temë "Të mbështesë ndryshimin kulturor: roli i gjeneratave të reja për formësimin e vlerave të së nesërmes".  (Kafiteria Dit' e Nat', ora 10:00)

- Kompania vendore 'Produktet Natyrale të Kosovës' organizon ceremoninë e inaugurimit të linjës së re me teknologji të avancuar për përpunimin e farave të kungullit. (Fabrika 'Produktet Natyrale të Kosovës' në fshatin Loxhë në Pejë, ora 11:00)

- Sindikata e Pavarur e Sektorit Privat të Kosovës të mbajë konferencë për shtyp lidhur me gjendjen e punëtorëve të sektorit privat. (Zyret te BSPK, së ora 11:00)

- Instituti Demokraci për Zhvillim organizon ngjarjen vjetore të shpërblimeve në kuadër të projektit “Leja prindërore për barazi gjinore” që financohet nga Qendra Ndërkombëtare Olof Palme dhe mbështetet nga Qeveria Suedeze. (Libraria Dukagjini, ora 11:00)

- Mbahet tryeza në të cilën do të diskutohet për pakon ligjore kundër korrupsionit, si dhe për punën e institucioneve të drejtësisë në luftën ndaj krimit të organizuar dhe korrupsionit. (Ndërtesa e Kuvendit, salla C-405, ora 11:00)

- Asociacioni i Arkitektektëve të Kosovës dhe Komunës së Gjilanit bën prezantimin e “Bienales së Arkitekturës 2018”, ku do të marrin pjesë edhe përfaqësuesit e Komunës së Gjilanit dhe arkitektët në nivel Kosove dhe ata regjional. (Gjilan, ora 13:00)

- Instituti për Politika Zhvillimore organizon konferencën për shtyp me temë “Standardizimi i produkteve vendore: Shpërndarja dhe shitja e standardeve. (Resource Center Kosovo, në lagjen Pejton, në zyre të Forumit për Iniciativa Qytetare, ora 13:00)

- Koalicioni i OJQ-ve “Java Kundër Korrupsionit 2018” do të organizoj tryezen e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin ekzekutiv”. (Hotel Sirius, ora 14:00)

- Partia Socialdemokrate mban konferencë për media lidhur me çështjen e dialogut me Serbinë, për të cilën do të flasin nënkryetarët Visar Ymeri dhe Dukagjin Gorani. (Zyrat e PSD-së, në lagjen "Arbëria", ora 14:00)

- Ministria e Administrimit të Pushtetit Lokal në prag të përfundimit të vitit 2018, organizon ngjarjen vjetore për shënimin e të arriturave në vetëqeverisjen lokale në Kosovë si dhe të prezantojë orientimet për vitin e ardhshëm. (Sheshi 21, ora 18:00)