02 Qershor 2020

SHBA: Njolla e naftës mund të shkaktojë katastrofë ekologjike

Washington, 1 maj - Njolla e naftës e shkaktuar pas shpërthimit dhe platformës së fundosur “British Petrol” të javës së kaluar në Gjirin Meksikan, arriti deri te bregu i Luzianës dhe filloi t\'i kërcënojë rajonet më të mira për peshkim në SHBA.

Njolla e naftës është pesë herë më e madhe se parashikimet e para dhe nëse nuk ndalet derdhja e mëtejshme e naftës, rajonit të kërcënuar i kanoset katastrofë ekologjike më e madhe se ajo që goditi Alaskën dëmtimit të supertankerit “Ekson Valdez” në vitin 1989, prej të cilës u derdhën 50 mijë tonë naftë, lajmërojnë mediat amerikane.

Ekspertët parashikojnë se nafta e cila derdhet prej “vrimës” së “British Petrol” me ritmin e tanishëm prej rreth 23 tonë në ditë do të duhej të derdhë dy muaj rresht që të arrijë sasinë e “Ekson Valdez”, dhe se bëhet fjalë për naftë të lehtë e cila shumë shpejtë shpërndahet për dallim nga nafta e rëndë në Alaskë.

Megjithatë, ekspertët parashikojnë se zhvillimi i situatës vështirë të parashikohet, meqë janë shkatërruar instalimet prej të cilave derdhet nafta në thellësi prej 1.500 metrave, gjë që vështirëson përpjekjet për të ndalur derdhjen.

“Unë janë i tmerruar. Kjo është punë e madhe, shumë e madhe. Përpjekjet të cilat do të nevojiten që të bëhet diçka, veçanarisht nëse derdhja vazhdon do ta tejkalojë potencialin njerëzor për mbrojtje, “tha Dejvid Kenedi nga Drejtoria Nacionale për Oqeane dhe Atmosferë.

Kalendari

Ngjarjet e datës 2 Qershor 2020 - Mbahet mbledhja e Kryesisë së Kuvendit në të cilën do të shqyrtohet kërkesa e 61 deputetëve për thirrjen e seancës së jashtëzakonshme të Kuvendit. (Ndërtesa e Kuvendit, salla  C-301, ora 10:00 - mbledhja do të mbahet pa prezencën e mediave)

- Lëvizja Vetëvendosje nisë mbledhjen e nënshkrimeve për peticion “Duam Zgjedhje” (Sheshi “Nënë Tereza”, ora 10:00)

- Mbahet seanca e tretë e Kuvendit të Komunës së Gjilanit. (Holli i Gjimnazit Natyror “Xhavit Ahmeti” në Gjilan, ora 10:00) 

- Në kuadër të Javës së Gjelbër, Komuna e Prishtinës do të organizojë mbjelljen e drunjëve në lagjen Dardania. (Lagja Dardania, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Komisionit të Pavarur për Miniera dhe Minerale për vitin 2019. (Ndërtesa e Kuvendit, C203, ora 11:00)

- Mbahet mbledhja e Kryesisë së Lidhjes Demokratike të Kosovës ku pas mbledhjes, kryetari i LDK-së, Isa Mustafa mban konferencë për medie. (Selia e LDK-së, ora 16:30)