19 Nëntor 2019

SHBA: Një njollë gjigante nafte në det rrezikon bregdetin

SHBA, 29 prill - Një njollë gjigante nafte që rezultoi pas shpërthimit në një platformë shpimesh në det rrezikon të arrijë këtë fundjavë në brigjet amerikane të Gjirit të Meksikës.

Zyrtarët pritet të përdorin metodën e djegies së kontrolluar të naftës për eliminimin qoftë edhe të pjesshëm të saj. Ky është incidenti më i rëndë i këtij lloji që prej një dekade në Shtetet e Bashkuara.

Njolla e naftës mund të dëmtojë rëndë ekuilibrin delikat ekolgjik të zonës prandaj Shtëpia e Bardhë dhe Kongresi amerikan po ndërmarrin një hetim të hollësishëm.

Njolla e naftës ka filluar të lëvizë drejt bregut dhe tani ndodhet rreth 33 kilometra larg tij. Një ndryshim në drejtimin e erës mund ta shtyjë atë drejt brigjeve të Luizianës këtë fundjavë, sipas parashikuesve të motit.

\"Njolla e naftës ka arritur distancën më të shkurtër gjatë kohës që vazhdojnë përpjekjet për frenimin e saj. Ne po i kushtojmë vemendje shumë të madhe kësaj,” thotë kundëradmiralja e Rojes Bregdetare  Mary Landry.

Njolla e naftës vjen nga një pus 1,525 metra nën sipërfaqen e oqeanit dhe ka një shtrirje prej  74 mijë kilometrash katrore, diçka më shumë se sa shteti i Virxhinias Perëndimore.

Platforma e firmës zvicerane Deepwater Horizon u zhyt më 22 prill, dy ditë pas shpërthimit dhe zjarrit që e përfshiu ndërsa ishte duke përfunduar shpimin e një pusi për kompaninë e naftës BP rreth 64 kilometra në juglindje të grykëderdhjes së lumit Misisipi.

Roja Bregdetare amerikane po përpiqet me ndihmën e 8 robotëve të nënujshëm të aktivizojë një valvul  që do të ndërpriste rrjedhjen e naftës. Zyrtarët pritet t’i vënë zjarr njollës së naftës në vendin ku ajo gurgullon mbi sipërfaqe në përpjekje për të frenuar përhapjen.

Roja Bregdetare thotë se nëse gjendja nuk vihet nën kontroll, kjo mund të rezultojë në njërën prej rrjedhjeve më të mëdha të naftës në historinë amerikane.

Nga pusi në fund të oqeanit rrjedh një sasi nafte e barabartë me rreth 1 mijë fuçi në ditë.

Brigjet e shteteve Teksas, Misisipi, Florida dhe Luiziana janë në gjendje alarmi për një ndotje të mundshme.

Njëmbëdhjetë punëtorë të platformës rezulsojnë të zhdukur dhe mendohet se kanë humbur jetën nga shpërthimi.

Departamenti amerikan i Sigurisë së Vendit si dhe departamentet që merren me mbrojtjen e mjedisit kanë nisur një hetim të përbashkët. Një hetim të tillë po ndërmerr edhe Kongresi amerikan.

Kalendari

Ngjarjet e datës 19 nëntor 2019 - Banka Qendrore e Republikës së Kosovës organizon konferencën ndërkombëtare të nivelit të lartë me titull: “Rreziqet dhe mundësitë në një sektor financiar dinamik-rruga zhvillimore”, që do të mbahet në kuadër të shënimit të 20 vjetorit të themelimit të BQK-së. (Hotel Swiss Diamond, ora 8:30)

- Presidenti i Republikës së Kosovës, Hashim Thaçi, merr pjesë në shënimin e 20 vjetorit të themelimit të BQK-së. (Hoteli Swiss Diamond, ora 9:00)

- Punëtorët teknik të qendrës studentore, punëtorët teknik të disa shkollave që menaxhohen nga komuna e Prishtinës, punëtorë teknik të Universitetit të Prishtinës, punëtorë të sigurimit fizik të UP-së dhe QMF-ve, punëtorët teknik të disa shkollave në Gjilan do të ndalin punën e tyre në shenjë pakënaqësie për pagën e tyre të ulët. (Protesta mbahet ne vendete e tyre te punës, ora 10:00)

- Komuna e Rahovecit mban mbledhjen e njëmbëdhjetë e rregullt e Komiteti për Politik dhe Financa. (Objekti i Komunës së Rahovecit, ora 10:00)

- Zyra e BE-së në bashkëpunim me Këshillin Gjyqësor të Kosovës do të organizojë një vizitë në Gjykatën Themelore në Prishtinë në të cilën do të diskutojë për zhvillimet dhe arritjet në operacionalizimin dhe digjitalizimin e bazës kombëtare të të dhënave të evidencës penale, e zbatuar nga Sistemi qendror kombëtar i evidencës penale. (Gjykata Themelore e Prishtinës, ora 10:15)

- Mbahet ceremonia e ndërrimit të komandës në mes të Komandantit në largim të KFOR-it, gjeneralmajor Lorenzo D’addario dhe Komandantit në ardhje të KFOR-it, gjeneralmajor Michele Risi. (Kampi i Shtabit të Përgjithshëm të KFOR-it Film City, ora 10:30 - mediet duhet të arrijnë tek Porta kryesore e Kampit Film City jo më vonë se ora 9:30)

- Presidenti Thaçi dhe Kryeministri në detyrë, Ramush Haradinaj, merr pjesë në ceremoninë e ndërrimit të Komandës së KFOR-it. (Film City, ora 10:25)

- Guvernatori i Bankës Qendrore të Republikës së Kosovës, Fehmi Mehmeti dhe Zëvendësdrejtori i Fondi Monetar Ndërkombëtar, Tao Zhang mbajnë konferencë për media. (Swis Diamand Hotel, ora 10:45)

- Zyra e UNICEF-it në Kosovë do të mbajë aktivitet me fëmijët në kuadër të shënimit te 30 vjetorit të Konventës për të Drejtat e Fëmijës. (Sheshin “Zahir Pajaziti”, ora 14:00)

- Kryeministri në detyrë, Ramush Haradinaj, pret në takim ministrin e Mbrojtjes të Italisë, Lorenzo Guerini. (Ndërtesa e Qeverisë, ora 14:00)

- Forumi për Iniciativa Qytetare FIQ organizon publikimin e analizës së Legjislacionit të Kosovës lidhur me Filantropinë dhe OJQ-të, me autor Qerkin Berisha. (Zyret e FIQ, Resource Center në Pejton, ora 14:00)

- Ambasadorja e Francës, Marie-Christine organizon pritje ku do të dekorojë znj.Blerta Zeqiri, ''Kalorëse në Urdhrin e Artit dhe Letërsisë''. (Rezidenca e Francës, ora 18:30)

- HANDIKOS organizon ceremoninë e hapjes së  ekspozitës me fotografi  “EmbraceMe-Kosovo”, me portrete nga jeta e nëntë personave nga Kosova, të punuara nga fotografja holandeze Karin Brongers. (Shtëpia e Evropës, ora 19:00)