30 Tetor 2020

Rifillon prodhimi ne fabriken e NewCo Ferronikelit

Prishtinë, 20 gusht - NewCo Ferronikeli, një ndër kompanitë më të mëdha eksportuese të Kosovës ka rinisur me sukses prodhimin. E gjithë teknologjia që kompania zotëron është në gjendje funksionale dhe prodhimi u realizua me sukses pas disa javë përgatitjesh.

Sikurse dihet, "NewCo Ferronikeli Complex LLC", një nga operatorët më të mëdhenj në fushën minerare dhe metalurgjike në Ballkan së fundi është blerë nga Grupi Balfin.

Përveç likuidimit të pagave të papaguara për mbi 800 punëtorët e fabrikës, NewCo Ferronikeli ka edhe 200 bashkëpunëtorë përmes kontraktorëve të saj të cilëve iu siguron të ardhura të rregullta, gjë që e rrit në mbi 1,000 persona numrin të bashkëpunëtorëve të kompanisë.

Pas investimit të fondeve të mjaftueshme nga ana e Grupit Balfin, prodhimi në fabrikë rifilloi me sukses, dhe kompania ka planifikuar që të ndërmarrë hapa strategjik dhe afatgjatë, për të siguruar zhvillimin dhe stabilitetin e mëtejshëm të kompanisë. Në këtë mënyrë, garantohet një rrugë e sigurt për ta kthyer NewCo Ferronikelin si prodhues strategjik në Kosovë dhe si lider në industrinë e ferronikelit në nivel global.

Qindra kontraktorë të kompanisë janë në procesin e likuidimit të detyrimeve të papaguara financiare, të nënshkrimit të marrëveshjeve, dhe tashmë janë bërë pagesat e para, ndërkohë që kreditorët e fundit të mbetur janë në procesin e negocimit të kërkesave të tyre.

Pas rinisjes së prodhimit, synimi është të rritet kapaciteti prodhues, të zgjerohet tregu dhe të rriten eksportet, gjë që do të ndikojë pozitivisht në ekonominë e rajonit të Drenasit dhe në ekonominë e Kosovës në përgjithësi.

 

Kalendari

Ngjarjet e datës 30 Tetor 2020  - Mbahet mbledhja e Qeverisë së Kosovës së Republikës së Kosovës. (Ndërtesa e Qeverisë, ora 8:30)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë së Shëndetësisë, Narqize Arënliu Hoxhaj, do të bëjnë vënien e gurthemelit të Qendrës së Mjekësisë Familjare në Arbanë. (Arbanë, ora 9:00 - nisja nga Shtëpia e Bardhë, ora 8:30)

- Aksioni për Nëna dhe Fëmijë organizon ceremoninë e dorëzimit të pajisjeve mjekësore për Klinikën e Gjinekologjisë dhe Neonatologjisë në QKUK, pajisje këto të siguruara nga bashkepunimi i AMC dhe kompanisë Bucaj. (Klinika e Gjinekologjisë dhe Neonatologjisë në QKUK, ora 9:30)

- Rrjeti i Grave të Kosovës organizon hapjen e ekspozitës “Dhuna nuk fshehet mrena mureve”. (Sheshi Skënderbeu, para Teatrit Kombëtar, ora 10:00)

- Ministri i Punës dhe Mirëqenies Sociale, Skender Reçica, bashkë me ministrin e Tregtisë dhe Industrisë, Vesel Krasniqi, do ta vizitojnë kompaninë “Agribau” në Prishtinë. (Rr. Lidhja e Pejës, Prishtinë, ora 10:00)

- Kuvendi i Komunës së Prizrenit do të mbajë mbledhjen e jashtëzakonshme të thirrur nga kryesuesi i Kuvendit, Sulltan Badalli. (Salla për mbledhjet e Kuvendit të Komunës, në Shtëpinë e Bardhë, ora 10:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të bëjnë vënien e gurthemelit të aneksit të objektit shkollor në SHFMU “Hasim Maliqaj” në fshatin Poslisht. (Fshati Poslisht, ora 13:00 - nisja nga nga Shtëpia e Bardhë, ora 12:30)

- Komisioni Hetimor Parlamentar lidhur me procesin e privatizimit në Kosovë interviston Sekretarin e Bordit të Agjencisë Kosovare për Privatizim Arben Limani dhe zëvendës Drejtorin Menaxhues në Agjencinë Kosovare për Privatizim Avni Jashari. (Ndërtesa e Kuvendit, salla N204, ora 12:00)

- Komuna e Prishtinës në bashkëpunim me Sport Marketing do të nënshkruajnë kontratë për Parkun e Aventurave. (Ndërtesa e re e Komunës, ora 14:00)
 
- Lideri i Aleancës për Ardhmërinë e Kosovës Ramush Haradinaj do të vizitojë shoqatën ESNAF në Prizren. (Prizren, ora 18:30)