Moskë, 4 mars - Prodhuesi francez i automobilave Renault do të ndërtojë një repart prodhues në lindjen e largët ruse, transmeton RIA Novosti.

Një delegacion i kësaj kompanie, i kryesuar nga drejtori ekzekutiv për Rusi, Igor Titov, tashmë gjendet në terren dhe është duke shqyrtuar disa lokalitete të mundshme.

“Ekspertët e Renaultit janë duke i shqyrtuar repartet prodhuese në Daldizel dhe në Gorki, si dhe në disa vende në Kabarovsk. Delegacioni, po ashtu, vizitoi qytetin Sovetskaja Gavan, ku i shqyrtonte repartet e ish-kompanisë Northern Shipyard”, thuhet në kumtesën e kompanisë.

Guvernatori i rajonit Kabarovski u ka premtuar përfaqësuesve të Renaultit se autoritetet lokale do t’i sigurojnë të gjithë kushtet që kompania të mund të fillojë prodhimtarinë e automobilave.