18 Shtator 2019

Qeveria në mbështetje të industrisë së drurit

Prishtinë, 5 dhjetor - "Linjat e prodhimit në tërësi në Kosovë, jo vetëm të drurit, janë të liruara nga taksat dhe lirimi i doganës në importin e lëndës së parë dhe kjo ka ndodhë me kohë", kështu tha Kryeministri i Republikës së Kosovës, Ramush Haradinaj, në  hapjen Konventës së Tretë të Industrisë së Drurit, që u bë sot në Prishtinë.

Kryeministri Haradinaj bëri të ditur se politika fiskale është e qëndrueshme dhe është ofertë e mirë jo vetëm për rajonin, pasi që tatimi në fitim është 10 për qind, në paga 10 për qind, në dividentë është zero dhe  lirimi nga TVSh në eksport.

"Në Kosovë janë krijuar parametrat që prodhuesit vendorë të mund të prodhojnë, përpunojnë, nxjerrin produkte, me të cilat mund të garojnë jo vetëm në tregun e vendit të tyre, por edhe jashtë", tha Kryeministri Haradinaj, duke shtuar se vendimet për dhënien në shfrytëzim të pronave për Komunat kanë pas për qëllim ndihmën për zhvillimin e tyre.

“Elementi më i ri që është tani, është taksa e vendosur për produktet e dy vendeve, pra të Serbisë dhe të Bosnjës dhe Hercegovinës dhe dua të lidh vendimin e taksës për ju”, tha kryeministri Haradinaj, duke shtuar se taksa e  vendosur, është jo vetëm e drejtë, është e duhur dhe ka edhe një efekt, është Kosova e para, që domethënë se ata që jetojnë e punojnë në Kosovë, që paguajnë taksa në Kosovë, që marrin paga prej këtyre taksave, e kanë Kosovën të parën, do ta kenë dhe duhet ta bëjnë Kosovën të fortë, të zhvilluar, të mirë dhe këtë mund ta bëjnë, nëse secili nga perspektiva e vet, mbulon atë hapësirë në të cilën ndodhet.

Kryeministri Haradinaj, më tutje theksoi se prodhuesit e drurit, përpunuesit, duke zhvilluar kapacitetet e veta, garuar me çmim, ata ndihmojnë në hapjen e vendeve të punës dhe kontribuojnë në zhvillimin ekonomik.

Duke falënderuar USAID-in, ambasadën suedeze për angazhimin dhe përkrahjen që u kanë dhënë prodhuesve dhe përpunuesve të drurit, jo vetëm në proceset direkt në prodhim e përpunim, por edhe të gjitha ato veprime tjera që ia mundësojnë sipërmarrësve tanë organizimin, brendimin e produkteve, plasimin e tyre, jo vetëm në treg të brendshëm, por edhe në eksport, kryeministri Haradinaj u bëri thirrje prodhuesve që në kuadër të këtyre parametrave të krijuar, të jenë ambicioz, të rrisin prodhimin, cilësinë, vendet e punës, të punojnë për brendimin e produkteve të tyre si brenda, po ashtu edhe jashtë vendit.

Lisa Magno, drejtoreshë e Misionit të USAID-it në Kosovë, tha se industria e prodhimit dhe përpunimit të drurit, është ndër më të suksesshmet dhe ndër më entuziastet në vend dhe po zhvillohet me shpejtësi të madhe dhe me potenciale të jashtëzakonshme që të rritet edhe më tutje.

Nga ana e saj, Nasrin Pourghazian, kryesuese për bashkëpunim dhe zhvillim, në Ambasadën e Suedisë në Kosovë, tha se ngjarja e sotme, nuk është vetëm një rast që të promovohen përpunimi dhe prodhimi i drurit, por edhe që të ngriten çështje të rëndësishme që kanë të bëjnë me ambientin e biznesit dhe reformat, sukseset, mësimet e nxëna, si dhe sfidat me të cilat përballet kjo industri.

Kryeministri Haradinaj, më pas, pa nga afër prodhimet e ekspozuara të prodhuesve dhe përpunuesve të drurit.
 

Kalendari

Ngjarjet e datës 18 shtator 2019

- Kryetari i Lëvizjes Vetëvendosje Albin Kurti viziton Xhaminë e Çarshisë në Prishtinë. (Xhamia e Çarshisë në Prishtinë, ora 9:10)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Komunën e Kaçanikut ku do të takoj kryetarin e kësaj komune, Besim Ilazin, për të diskutuar rreth përgaditjes së Garës Nacionale të Sportit. (Objekti i komunës, ora 9:30)

- Specialistët stomatologë të papunë do të protestojnë para Ministrisë së Shëndetësisë. (Para Ministrisë së Shëndetësisë, ora 10:00)

- Instituti Demokratik i Kosovës organizon tryezën e diskutimit ndërmjet qytetarëve dhe kandidatëve për deputetë nga subjektet politike lidhur me temën “Qasja e subjekteve politike rreth çështjes së gjinekologut në nivel komunal”. (Hotel Sirius, ora 10:00)

- Kryetari i Lëvizjes Vetëvendosje Albin Kurti viziton Kalanë e Artanës. (Kalaja e Artanës, ora 10:30)

- Ministri në detyrë i Inovacionit dhe Ndërmarrësisë, Muzafer Shala, mbanë konferencë për media, ku do të lansojë Fondin për Mbështetjen e Ndërmarrjeve Mikro të Vogla dhe të Mesme në vlerë prej 4 milionë euro. (ndërtesa e Ministrisë së Punëve të Jashtme, kati i 3-të,  përballë New Born-it, ora 10:30)

- Oda e Afarzimit të Kosovës në bashkëpunim me Dhomën e Tregtisë në Tiranë dhe Odën Ekonomike të Maqedonisë Veri-Perëndimore organizojnë ngjarjen “Regional B2B Event”. (Holiday Inn në Shkup, 11:00)

- Ministri i Kulturës, Rinisë dhe Sportit, Kujtim Gashi, mirëpret fituesit e medaljeve të Taekwandos. (Kabineti i Ministrit në MKRS, ora 11:00)

- Lëvizja FOL organizon diskutimin e tretë në kuadër të Forumit FOL Hapur me kandidatët për Kryeministër ku i ftuari i radhës do të jetë Nenad Rašić, Kandidat për Kryeministër nga koalicioni Slloboda. (Zyrat e Lëvizjes FOL, ora 11:00)

- Kryetari i Komunës së Gjianit, Lutfi Haziri, nënshkruan kontratat me tetë përfituesit e nën-granteve, në kuadër të projektit "Te rinjtë në Agrobiznes- Regjioni Ekonomik Lindje". (Zyra e Kryetarit Haziri, ora 11:00)

- Punëtorët teknik te qendrës studentore do të protestojnë para drejtorisë së qendrës studentore. (Para drejtorisë së qendrës studentore, ora 11:00)

- Kryetari i Lëvizjes Vetëvendosje Albin Kurti viziton Ulpianën. (Ulpianë, ora 11:40)

- Komuna e Prishtinës në bashkëpunim me Zyren e Bashkimint Evropian në Kosovë organizon promovimi i shtegut për çiklistë, si fazë testuese. (Rruga Zagrebi në Prishtinë, ora 12:00)

- Kryetari i Lëvizjes Vetëvendosje Albin Kurti viziton Janjevën. (Janjevë, ora 12:20)

- Komuna e Prishtinës në bashkëpunim me Zyren e Bashkimint Evropian në Kosovë organizon tryezë diskutimi “Ecja, çiklizmi dhe transporti urban”. (Kolegji Tempulli, rr. Eduard Lir 156, ora 14:00)

- Fondacioni i Kosovës për Shoqëri të Hapur bën promovimin e publikimeve dhe organizon panel diskutimin “ Njohja e Kosovës bashkëkohore”. (Swiss Diamond Hotel, ora 14:00)

- Komisioni Qendror i Zgjedhjeve mban mbledhjen e radhës. (Ndërtesa e KQZ-së, ora 15:30)

- Iniciativa për Histori Gojore organizon lansimin e aplikacionit mobil Prishtina Ecë. (Kafe—librarinë dit’ e nat’, ora 17:00)

- Kandidati i PDK-së për Kryeministër të ardhshëm të Kosovës, Kadri Veseli, merr pjesë në takimin e organizuar nga Gruaja Demokratike. (Hotel Venus, Magjistralja Prishtinë-Lipjan, ora 17:00)

- Lëvizja Vetëvendosje! shpalos prioritetet qeverisëse. (Atelja e Sallës së Kuqe, ora 17:00)

- Federata e Piingpongut e Kosoves, organizon ndeshjet e ligës së parë, e ndeshja derbi pritet të jetë ajo ndërmjet Shkollës dhe Hasan Prishtinës. (Prishtinë, ora 18:00)

- Kryetari i Lëvizjes Vetëvendosje Albin Kurti mban tubim më banorë të fshatit Rufc. (Rufc, ora 19:30)

- Kryetari i Lëvizjes Vetëvendosje Albin Kurti mban tubim më banor në fshatin Gadime. (Gadime, ora 21:00)