24 Shtator 2018

Punëtorët e “Trepçës” paralajmërojnë protesta

Mitrovicë, 25 qershor - Punëtorët e minierës “Trepça” nga e hëna e ardhshme do të hyjnë në grevë për shkak se, sipas Sindikatës së Punëtorëve të “Trepçës”, kërkesat e tyre nuk janë përfshirë në draftstatutin e ndërmarrjes.

E kryesuesi i Bordit të Trepçës, Ardian Syla, thotë se kërkesat e punëtorëve nuk mund të përfshihen në statut, pasi kanë kosto të lartë dhe mund të jenë pengesë për zhvillimin e ndërmarrjes.

Më 18 dhe 19 qershor 2018, minatorët e Trepçës mbajtën grevë një orëshe të pakënaqur për përmbajtjen e draft statutit të Trepçës.

Por nëse kërkesat e tyrë e për këte ceshtje nuk merren parasysh, atëherë, ata thonë se do të vazhdijë me greva, e madje edhe kërcënojnë me eskalimin e tyre. Kështu tha për Radio Kosovën, kryetari i Sindikatës së Punëtorëve të Trepçës, Shyqyri Sadiku.

“Deri të hënën, nëse nuk ndërmerren masa, ose nuk futen kërkesat tona në statut, atëherë, nga e hëna e tutje besoj se do të eskaloj situata. Nuk e di si ka me rrjedhë më tutje, ne kemi paralajmëruar grevë të përgjithëshme ose protestë masive në rrugë”, tha ai.

Sipas Sadikut, draft statuti i propozuar, nuk është në të mirë të punëtoreve e as të ndërmarrjes Trepça. Ai përmend disa nga kërkesat të cilat punëtorët kërkojnë që të përfshihen në statut.

 “Kemi kërkuar që pensionet e minatorëve të jenë 70 përqind e pagës si dhe mosha e pensionimit të jetë 50-55 vjet. Sigurim shëndetësor dhe atë në punë. Njohjen e stazhit të punës për vitet 89-99. Kemi kërkuar po ashtu që familja të ketë trashëgëmi në pensionet e familjarëve”, u shpreh Sadiku.

Sipas tij, asnjëra nga kërkesat e punëtorëve nuk është marrë parasysh, përdederisa shprehet se draftstatuti i propozuar, nuk është punuar nga Bordi Drejtues i Ndërmarrjes Trepça. Por, kryesuesi i këtij bordi, Ardian Syla, i tha Radio Kosovës se dokumenti në fjalë, është punuar nga ata, përderisa për pakënaqësitë dhe kërkesat e sindikatës, shprehet kështu:

“Pakënaqësitë e punëtorëve janë kryesisht në lidhje me qështjet sociale,- të cilat ata mendojnë se duhet të futen në statut. Mirëpo, shumica e bordit dhe qeveria mandojmë se qështjet sociale nuk duhet të futen në statut, por të rregullohen përmes formave ligjore”, tha ai.

Syla, thotë se është për zgjidhjen e kërkesave të punëtorëve, por në këtë fazë, përmbushja e tyre nuk është në të mirë të Trepçës e as të punëtorëve, pasi që ka kosoto të lartë buxhetore. Nxjerrja e statutit dhe miratimi i tij, në Kuvendin e Kosovës, i hap rrugë regjistrimit të ndërmarrjes Trepça dhe fillimit të punës. Përderisa, në mungesë të tij, Ligji i Trepçës, edhe dy vite pas miratimit, nuk zbatohet.

Kalendari

Ngajrjet e datës 24 shtator 2018

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i Projektligjit për Transmetuesin Publik të Kosovës, shqyrtimi i Projektligjit për Pagat në Sektorin Publik, etj. (Ndërtesa e Kuvendit, salla N204, ora 10:00)


- Misioni i OSBE-së do të publikojë dy raporte që kanë të bëjnë me legjislacionin dygjuhësh dhe respektimin e të drejtave gjuhësore në Policinë e Kosovës, në kuadër të aktiviteteve të shumta për shënimin e Ditës Evropiane të Gjuhëve. (Swiss Diamond Hotel, ora 10:30)

- Grupi për Studime Juridike dhe Politike organizon tryezën e Diskutimit me temë "Monitorimi i Planit Strategjik të KPK-së: Ku po qëndron sistemi prokurorial në luftën kundër korrupsionit dhe krimit ekonomik?". (Hotelin Swiss Diamond, ora 10:30)

- Në kuadër të Javës së Sportit Evripian Federate e çiklizimit te Kosovës organizon garën e hapur çiklistike për të gjitha kategoritë dhe grupmoshat nga 20 deri 100 km. (Gjilan, ora 11:00)

- Ministri i Arsimit, Shkencës dhe Teknologjisë, Shyqiri Bytyqi do të shoqëroj Drejtoreshën e Korpusit të Paqës, Dr. Darlene Grant, gjatë vizitës ku ata do të përcjellin një Vullnetare të Korpusit të Paqës në punë në shkollën e saj në një fshat të Kosovës. (Shkolla fillore “Nëna Tereza”, fshati Vranidoll, ora 11:15)

- Organizata ETEA, në bashkëpunim me Komunën e Prishtinës, do ta organizojë “Ditën e Librit të Ndaluar” me temën “Librat digjen, (por) idetë jo”, si përgjigje ndaj cenzurës, me theks të veçantë te cenzurimi i librave. (Sheshi “Zahir Pajaziti”, ora 12:00)

- Mbahet mbledhja e Komisionit për Shëndetësi, Punë dhe Mirëqenie Sociale në të cilën do të behët shqyrtimi i Projektligjit për ratifikimin e Marrëveshjes për sigurime sociale ndërmjet Republikës së Kosovës dhe Konfederatës së Zvicrës, ndërmjet Republikës së Kosovës dhe Mbretërisë së Belgjikës. (Ndërtesa e Kuvendit, salla N 302, ora 13:00)

- Ministri i Financave Bedri Hamza dhe drejtoresha për Eksport në UniCredit Bank Austria AG Sabina Eder do të nënshkruajnë marrëveshjen për kredi në vlerë prej 5.349 milionë euro për financimin e projektit të trajtimit të ujërave të zeza në Komunën e Podujevës. (Ndërtesa e  Qeverisë, kati 11, ora 15:00)

- Mbahet diskutim i hapur me shkrimtarin dhe publicistin Veton Surroi mbi temën “Librat digjen, (por) idetë jo” me moderim nga Liridona Sijarina. (Lapidariumi i Muzeut Kombëtar të Kosovës, ora 15:00)

- Anëtarët e Komisionit për të Drejtat e Njeriut, Barazi Gjinore, për Persona të Pagjetur dhe Peticione takohen me Robert Gajda, Komisioner për Mbrojtjen nga Diskriminimi në Republikën e Shqipërisë.  (Ndërtesa e Kuvendit, salla N 302, ora 15:00)

- Organizohet shfaqja e filmit “Fahrenheit 451” në bashkëpunim me “Film n’park”. (Parku i Qytetit të Prishtinës, ora 19:00)