19 Gusht 2019

Publikohet hulumtimi mbi degradimin e mjedisit nga industria nxjerrëse

Prishtinë, 12 korrik - Qendra Kosovare për Gazetari Hulumtuese Preportr, e cila funksionon në kuadër të Organizatës Çohu! organizon konferencë në të cilën do të publikohet hulumtimi “Industria e shkatërrimit”.

Në konferencë do të prezantohen gjetjet e hulumtimit të cilat tregojnë për dëmet që po shkaktojnë kompanitë të cilat nxjerrin rërë, zhavorr dhe gur të fortë në Kosovë.

Përveç shifrave të licencave që janë lëshuar për të ushtruar këtë aktivitet, ÇOHU ka gjetur edhe të dhëna për veprimtaritë ilegale të cilat janë evidentuar ndër vite.

Në konferencë do të publikohen edhe emrat e kompanive që kryejnë këtë veprimtari e që kanë lidhje me partitë politike.

Në fund do të shfaqet edhe videoja e realizuar rreth këtij hulumtimi si dhe platforma online e cila pasqyron vizuelisht licencat dhe rastet ilegale të nxjerrjes së rërës, zhavorrit dhe gurit të fortë.

 

Kalendari

Ngjarjet e datës 19 gusht 2019 - Mbahet mbledhja e Komiteti për Politik dhe Financa e Komunës së Rahovecit. (Komuna e Rahovecit, ora 10:00)

- Shoqata "Miqtë e Amerikës" festojnë ditëlindjen e mikut të madh të shqiptarve e mbar njerëzimit ish Presidentit të SHBA, Billi Clinton . (Zyret e shoqatës "Miqtë e Amerikës", që gjendet afë Agjencisë së Statistikave të Kosovës përball Parlamentit, ora 11:00)

- Mbahet ceremonia solemne e hapjes së punimeve të Seminarit XXXVIII Ndërkombëtar për Gjuhën, Letërsinë dhe Kulturën Shqiptare. (Biblioteka Universitare, ora 11:00)

- Kryeministri në detyrë, Ramush Haradinaj, merr pjesë në ceremoninë solemne të hapjes së punimeve të Seminarit XXXVIII Ndërkombëtar për Gjuhën, Letërsinë dhe Kulturën Shqiptare. (Salla e kuqe, Fakulteti i Filologjisë, ora 11:00)

- Komuna e Prizrenit dhe Ministria e Kulturës, Rinisë dhe Sportit bëjn përurimin e Stadiumit Ndihmës në lokacionin Boka Boka. (Fshati Korishë në Prizren, ora 11:00)

- Bëhet shfaqja për media e filmit "Shpia e Agës" i Lendita Zeqirit (Kinema Cineplexx, ora 13:00)

-  Komuna e Prizrenit në kuadër të hartimit të buxhetit për vitin 2020 do të organizojë dëgjime publike me banorët e rajonit të Hasit dhe Anadrinit, me qëllim të angazhimit të tyre në procesin e hartimit të buxhetit, transparencës, gjithëpërfshirjes dhe llogaridhënies ndaj qytetarëve. (Shtëpia e Kulturës në Gjonaj, ora 19:00)