01 Tetor 2020

Prodhuesi vendor lanson linjën e re të përpunimit të farave të kungullit

Pejë, 11 dhjetor - Produktet Natyrale të Kosovës (PNK) është kompani vendore që ka si aktivitet kryesor mbjelljen e kungujve dhe përpunimin e farave të kungujve.

Sot PNK-ja organizon ceremoninë e inaugurimit të linjës së re me teknologji të avancuar për përpunimin e farave të kungullit.

Kompania PNK është themeluar në vitin 2015. Këtë vit, kjo kompani ka mbjellë më shumë se 700 hektarë me kunguj.

PNK-ja përpunon rreth 200 tonë fara kungulli në vit kryesisht për eksport. Kohëve të fundit PNK-ja ka filluar përpunimin e farave të pjekura me shije që në tregun vendor shiten me brendin “Troi”.

Përmes bashkëpunimit me projektin Promovimi i Punësimit në Sektorin Privat (PPSE) që financohet nga Agjencia Zvicerane për Zhvillim dhe Bashkëpunim, PNK ka investuar për rritjen e kapaciteteve përpunuese dhe sjell një linjë të re të përpunimit të farave të kungullit, që jo vetëm rrit sasinë, por edhe cilësinë.

 Me këtë investim, krijohen së paku 8 vende të reja pune me orar të plotë në fabrikë dhe së paku 11 vende pune në fermë.

Ky aktivitet fuqizon sistemin e bujqësisë së kontraktuar, gjë që ka ndikim të drejtpërdrejtë tek rritja e të ardhurave në nivele të ndryshme, tek zëvendësimi i produkteve të importuara dhe sjell më shumë potencial për tregun e eksportit.

Ceremonia e inaugurimit mbahet në fabrikën e Produktet Natyrale të Kosovës në fshatin Loxhë në Pejë.

Në ceremoni marrin pjesë Kryetari i Komunës së Pejës Gazmend Muhaxhiri dhe Argjentina Grazhdani, Drejtoreshë e projektit Promovimi I Punësimit në Sektorin Privat (PPSE).

Kalendari

Ngjarjet e datës 1 Tetor 2020 - Me rastin e Ditës Botërore për të Moshuarit, ministri i Punës dhe Mirëqenies Sociale, Skender Reçica do të bëjë një vizitë në Shtëpinë për Persona të Moshuar pa Përkujdesje Familjare në Prishtinë. (Shtëpia për Persona të Moshuar pa Përkujdesje Familjare, ora 9:00)

- Mbahet seanca gjyqësore kundër Faik Grainca për keqpërdorim të pozitës apo i autoritetit zyrtar nga neni 422 paragrafi 1 të KPRK. (Gjykata Themelore në Ferizaj, salla nr.3, ora 9:30)

- Ministri i Punës dhe Mirëqenies Sociale, Skender Reçica do të bëjë një vizitë në zyrat e Lidhjes së Pensionistëve të Kosovës në Prishtinë. (Zyrat e Lidhjes së Pensionistëve të Kosovës, ora 9:30)

- Ministrja e Kulturës, Rinisë dhe Sportit, Vlora Dumoshi do të ndajë çmimet vjetore për kinematografi. (Kabineti i ministres Dumoshi, ora 10:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës voton për ekspertin e shëndetit publik si dhe diskuton me ekspertët rreth angazhimit të tyre. (Ndërtesa e Kuvendit, salla N302, ora 11:00)

- Universiteti “Kadri Zeka” në Gjilan nis vitin e ri akademik 2020/2021. (Universiteti “Kadri Zeka” në Gjilan, ora 11:30)

- Nënkryetari i Komunës së Prizrenit, Visar Shehu do të merr pjesë në aktivitetin sensibilizues të organizuar nga Drejtoria e Shëndetisë dhe QKMF me rastin e shënimit të muajit të Kancerit të Gjirit. (Sheshi “Shatërvan” në Prizren, ora 11:30)

- Lëvizja Vetëvendosje mban konferencë për media. (Zyret e LV-së në Arbëri, ora 12:00)

- Kryetari i Komunës së Prizrenit, Mytaher Haskuka, do të merr pjesë në përurimin e klasave parashkollore të SHFMU “Mati Logoreci”, të renovuara nga KFOR-it Turk në Kosovë. (Shkolla “Mati Logoreci” në Prizren, ora 12:00)

- Kryetari i Komunës së Prizrenit, Mytaher Haskuka do të merr pjesë edhe në fillimin e punimeve të rrugës Arbanë - Landovicë në Prizren. (Në afërsi të varrezave të dëshmorëve në Landovicë, ora 12:30)

- Kryeministri Avdullah Hoti merr pjesë në fillimin e punimeve të rrugës Arbanë-Landovicë. (Landovicë, Varrezat e Dëshmorëve, ora 12:30)  

- Kryeministri Avdullah Hoti viziton komunitetin boshnjak në Reçan. (Reçan, ora 13:30)

- Në sallën e gjyqit të Dhomave të Specializuara të Kosovës në Hagë do të mbahet paraqitja e parë e Hysni Gucatit. (https://www.scp-ks.org/sq/transmetim, ora 15:00)

- Kryeshefi Ekzekutiv i Korporates Financiare te Zhvillimit Ndërkombëtar të ShBA-ve, Adam Boehler mban një konferencë telefonike për shtyp në të cilën do të diskutojë sesi delegacioni i fundit i qeverisë amerikane në Greqi, Kosovë, Serbi, Izrael dhe Marok avancoi marrëveshjet ekonomike dhe investimet e sektorit privat për të mbështetur zhvillimin global dhe politikën e jashtme të SHBA. (https://www.eventbrite.com/e/telephonic-press-briefing-with-us-international-development-finance-tickets-123158497381, ora 17:00)