20 Shtator 2020

Prodhimi industrial në Turqi shënon rritje prej 6,4 për qind

Ankara, 18 korrik - Prodhimi industrial gjatë muajit maj u rrit 6,4 për qind në krahasim me të njëjtën periudhë të vitit të kaluar.

Instituti i Statistikave të Turqisë (TUIK) publikoi të enjten rezultatet e indeksit të prodhimit industrial për muajin maj.

Sipas kësaj prodhimi industrial për muajin maj, që pritej të rritej 5,2 për qind, në bazë vjetore u rrit me 6,4 për qind.

Indeksi i sektorit të mineraleve dhe guroreve, në krahasim me vitin e mëparshëm u rrit me 12 për qind kurse sektori i industrisë së prodhimit u rrit 6,5 për qind.  

Kurse rritja e indeksit të sektorit të elektricitetit, gazit natyror, avullit, klimatizimit dhe shpërndarjes u rrit 1,9 për qind.

Ministri i Industrisë dhe Teknologjisë, Mustafa Varank bëri një deklaratë në lidhje me temën.

“Prodhimi industrial gjatë muajit maj ka kaluar pritshmëritë dhe ka vazhduar rritjen e lartë” u shpreh ministri Varank.

“Të dhënat tregojnë se edhe në çerekun e dytë të vitit ekonomia është rritur nën pararojën e prodhimit industrial. Eliminimi i paqartësive me zgjedhjet e 24 qershorit, në një kohë të shkurtër, do të hapë rrugën për rritjen me shpejtësi të investimeve” u shpreh Varank.

Kalendari

Ngjarjet e datës 20 Shtator 2020

- Forumi Ballkanik në emër të Platformës së Shoqërisë Civile për Demokraci dhe të Drejtat e Njeriut mban konferencë për shtyp në të cilën publikon raportin hulumtues, që është një vështrim mbi progresin e bërë nga 6 vendet e Ballkanit Perëndimor drejt zbatimit të zotimeve të tyre që nga Samiti i Ballkanit Perëndimor në Londër (2018) dhe Poznań (2019), të zhvilluara në kuadër të Procesit të Berlinit të nisur në vitin 2014. (Zyret e Forumit Ballkanik Rr. Tirana, C4/2 LAM B-N2 11-1, banesat e bardha të Prime Group, afër Euro Printy, ora 13:00)
 
- Lëvizja Vetëvendosje mban konferencë për media. (Zyret e LV-së në Arbëri, ora 14:00)