05 Gusht 2020

Pas Tojotës dhe Hondes, probleme dhe me frenat e Fordit

SHBA, 11 shkurt - Pas Tojotës dhe Hondes edhe prodhuesi amerikan i automobilave Ford deklaroi se ka një problem me frenat në automjetet hibride.

Në një shpjegim të bërë në adresën e Fordit në internet u theksua se ka pasur disa ankesa nga disa klientë në lidhje me sistemin e frenave ,por në të vërtetë nuk ka asnjë lloj problemi në kapacitetin e frenave të automjeteve dhe se drejtuesit e makinave frikësohen nga këputja e frenave.

Në deklaratën e bërë në lidhje me problemin e hasur në modelet Fusion dhe Milan, theksohet se: “Le të flasim hapur; sado që drejtuesi i makinës ta dëgjojë këtë sinjal apo të ndizen shenjat, sistemi i frenave konvensional i modeleve Fusion dhe Milan ruan kapacitetin ABS”, duke shtuar në fund se “klientëve do t’u shërbehet falas në problemet që kanë.”

Ndërsa një nga inxhinierët e organizatës për mbrojtjen e të drejtave të konsumatorit theksoi se në modelin hibrid Ford para se pedali i frenave të ndalojë hyn më brenda se aty ku duhet të jetë dhe në këtë mënyrë automjeti e ka shumë të vështirë të ngadalësojë.

Në një deklaratë të Fordit, vendimi i Tojotës, prodhuesit japonez të automobilave, për të tërhequr 8 milionë modele me problemin në sistemin e frenave të modelit Prius është thjesht një rastësi. 

Kalendari

Ngjarjet e datës 5 Gusht 2020

- Oda Ekonomike e Kosovës, Ministria e Drejtësisë dhe USAID-Programi për Drejtësi Komerciale do të mbajë forum virtual me temë 'Ekonomia gjatë pandemisë COVID-19. Si do të ndihmojë Gjykata Komerciale?'. (Objekti i Odës Ekonomike të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit voton raportin vjetor të Akademisë së Drejtësisë, Agjencisë Kundër Korrupsionit dhe Komisionit Qendror të Zgjedhjeve si dhe diskuton lidhur me Raportin e Punës së Këshillit Gjyqësor dhe të Këshillit Prokurial të Kosovës. (Salla e seancave plenare, ora 10:00)

- Grupi i Aktorëve të Prishtinës mban konferencën për media e cila organizohet me rastin e adresimit të kërkesës se aktoreve në Drejtorinë e Kulturës në Komunën  e Prishtinës, për krijimin e trupës artistike të Teatrit të qytetit në Prishtinë. (Para Komunes te Prishtines, ora 10:00)

- Komisioni Hetimor Parlamentar lidhur me procesin e privatizimit në Kosovë miraton planin e punës së Komisionit. (Ndërtesa e Kuvendit, salla N10, ora 10:00)

- Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:30 - Nisja për media nga parkingu i Ministrisë së Infrastrukturës, ora 10:00)