Vjenë, 10 qershor - Organizata për Eksportin e Naftës OPEK, vendosi të ruajë nivelin aktual të prodhimit të naftës. Vendimi u mor në konferencën e 159-të në rang ministrash të OPEK-ut të zhvilluar më 8 qershor në Vjenë.

Ky vendim ndikoi menjëherë në rritjen e çmimit të naftës në tregjet ndërkombëtare. Në bursën e New York-ut, çmimi i naftës u rrit me 1%, duke arritur në 100.74 dollarë për fuçi.