21 Shkurt 2020

OPEC-u do të ulë prodhimin e naftës

Hanoi, 6 dhjetor - Ministrat e naftës nga eksportuesit kryesorë botërorë do të diskutojnë për uljen e prodhimit për të mbështetur çmimin aktual dhe frenimin e ofertës së tepërt.

Para takimit në Vietnam, ministri i Naftës dhe i Gazit i Omanit Mohammed bin Hamad Al Rumhy konfirmoi se prodhimi i naftës do të ulet, por ende nuk është diskutuar vëllimi i saktë.

Kryesuesja "de facto" e OPEC-ut, Arabia Saudite, ka treguar për një ulje të mprehtë nga janari i vitit të ardhshëm, pavarësisht presioneve nga presidenti amerikan Donald Trump për uljen e çmimit të naftës.

Rijadi shprehu pak kohë më parë dëshirën që OPEC-u dhe aleatët e tij të ulin të paktën 1.3 milion fuçi prodhim në ditë ose 1.3% e prodhimit global.

Kalendari

Ngjarjet e datës 21 shkurt 2020  - Mbahet takimi i 178-të i Këshillit Prokurorial të Kosovës. (Objekti i Prokurorisë së Shtetit, ora 10:00)

- Grupi për Ballkan dhe anëtarët e tjerë të Grupit për Politika dhe Avokim Kosovë – Serbi mbajnë tryezën e diskutimit për të arriturat e dialogut teknik Kosovë – Serbi. (Hotel Swiss Diamond, ora 10:00)

- Kryetari i Komunës së Gjilanit, Lutfi Haziri pret në takim ministren e Kulturës, Rinisë dhe Sportit, Vlora Dumoshi (zyra e kryetarit, ora 10:30)

- Presidenti i Republikës së Kosovës, Hashim Thaçi, merr pjesë në akademinë përkujtimore për heroin Shaban Polluzha, me rastin e 75 vjetorit të rënies së tij. (Biblioteka Kombëtare, ora 12:00)

- Kryetari i Komunës së Gjilanit, Lutfi Haziri pret në takim kryetaren e Kuvendit të Republikës, Vjosa Osmani (zyra e kryetarit, ora 15:00)

- Kryeparlamentarja Osmani mban fjalim para kuvendarëve të Gjilanit e më pas viziton shkollën fillore “Thimi Mitko”. (Salla e Kuvendit te Komunës së Gjilanit, ora 15:30)

- Kryeparlamentarja, Vjosa Osmani dhe Kryetari i Komunës së Gjilanit, Lutfi Haziri do të shkojnë për vizitë ngushëlluese në familjen Bllaca. (Gjilan, ora 17:00)

Festivali Nderkombetar i Animacionit Anibar organizon natën e shfaqjes së filmit Please Vote for Me" dhe dhurimit të librit nga truAktiv. (Kinema "Jusuf Gërvalla" në Pejë, ora 19:00)