25 Shkurt 2020

OAK kërkon që Projektligji për Miniera dhe Minerale të rikthehet në dëgjim publik

Prishtinë, 18 tetor - Oda e Afarizmit të Kosovës, njëherësh përfaqësuese e një numri të madhë të bizneseve të sektorit të Minierave dhe Mineraleve, me rekomandim të bizneseve anëtare, kërkon edhe një herë që Projektligji për Miniera dhe Minerale të largohet nga rendi i ditës në Kuvendin e Republikës së Kosovës.

Përveç mungesës së harmonizimit të këtij Projektligji me ligjet e tjera të Republikës së Kosovës, arsye shtesë për kthim prapa të tij është edhe mos përfshirja e kërkesave kryesore të bizneseve të sektorit të Minierave dhe Mineraleve në draftin final.

Oda e Afarizmit të Kosovës Ju përsërit dhe një herë disa nga rekomandimet e bëra dhe të mos përfshira në draftin final, e që konsiderohen esenciale nga bizneset e këtij sektori:

1. Të rikthehen distancat dhe të jenë specifike për çdo sektor.

2. Me miratimin e lejes minerare të shfrytëzimit , zona e lejuar e shfrytezimit hiqet nga fondi pyjor e kullosor, prone shtetërore dhe kalon si pasuri minerare.

3. Të krijohen procedura të veçanta të aplikimit për licencë për çdo sektor, sepse veprimtaria dhe kompleksiteti i çdonjërit dallon nga tjetri. Pra, të bëhet ndarja e procedurave të aplikimit për:

Metalore,
Jometalore,
Zhavor
Gurët dekorativ dhe
Thëngjill etj.

4. Të klasifikohen lumenjët dhe në bazë të llojit të caktohet distanca e punës në lumenjë.

5. Të specifikohet në licencë hapësira punuese në lum dhe i licencuari të mbetet përgjegjës për mirëmbajtjen e shtratit të lumit në mënyrë që të mos degradohet dhe të mos ketë vërshime.

6. Një licencë për shfrytëzimin e rërës dhe zhavorit që nuk gjendet në shtretërit e ujrave sipërfaqësorë duhet të jepet në bazë të kërkesës së pronarit të tokës ku gjenden.

7. Kërkesa për koncesion shfrytëzimi të dërgohet në komunë, pastaj të paraqitet në KPMM. KPMM do të marrë përgjegjësinë e bartjes së këtyre kërkesave në Ministritë përkatëse.

8. Kërkesës për dhënien e licencës i bashkëngjiten:

- të dhënat për subjektin që kërkon koncesion,
- një hartë topografike në një shkallë prej 1: 5.000 së bashku me koordinatat e pikës kufitare të vendndodhjes së një zone të përcaktuar,
- një raport për vëzhgimin e tokës për qëllime të veçanta me shënime kadastrale për zonën për të cilën kërkohet dhënia e koncesionit të shfrytëzimit, të përgatitur nga tregtarët e veçantë - gjeodete të autorizuara të tokës dhe shoqëritë tregtare për vrojtimin e tokës që plotësojnë kushtet sipas Ligjit mbi kadastrën e pronës së paluajtshme;
- një studim fizibiliteti të koncesionit.

9. Kontrollimi i zbatimit të projektit të bëhet nga Inspektorët Komunal të Komunës përkatëse, ndërsa KPMM të jetë në mbikqyrje të vazhdueshme duke qenë organi më i lartë për këtë sektor.

10. Garancia të bëhet në të gjitha institucionet e licencuar nga BQK-ja dhe të dorëzohen në KPMM.

Oda e Afarizmit të Kosovës Ju fton që Projektligji për Miniera dhe Minerale të rikthehet dhe një herë në dëgjim publik pasiqë konsideron se ky rikthim do të jetë mjaft frytëdhënës. Gjithashtu, Oda e Afarizmit të Kosovës Ju mirëpret në takime diskutuese me bizneset e sektorit të Minerave dhe Mineraleve duke pas parasysh që bizneset janë të interesuara t’i diskutojnë këto kërkesa me çdo palë që mund të ndikoj në këtë çështje.


 

 

Kalendari

Ngjarjet e datës 25 shkurt 2020 - Ministri i MPBAP-së, Agim Veliu do ta vizitojë Policinë i cili do të pritet nga drejtori i Përgjithshëm i PK-së, Rashit Qalaj. (Drejtoria e Përgjithshëm, ora 10:00)

- Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00)

- Ministri i MPBAP-së, Agim Veliu do ta vizitojë Kampinë e policisë “Vrella“ Sllatinë. (Kampi Vrella në Sllatinë, ora 10:45)

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Kryeministri Albin Kurti pret në takim delegatin Apostolik të Vatikanit për Kosovë, Jean Marie Speich. (Ndërtesa e Qeverisë, ora 12:30 - vetëm pamje)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)

- Kryeministri Albin Kurti pret në takim delegacionin e Fondit Monetar Ndërkombëtar. (Ndërtesa e Qeverisë, ora 15:00  - vetëm pamje)

- Ipeshkvia e Prizrenit organizon meshën e shenjtë kushtuar e Imzot Nikë Prelës në 24 vjetorin e kalimit në amshim. (Katedralja “Nëna Terezë”, nga ora 16:00)

- Ministrja e Arsimit, Shkencës, Teknologjisë dhe Inovacionit, Hykmete Bajrami, së bashku me kryetarin e Komunës së Kamenicës, Qëndron Kastrati, do të mbajnë konferencë të përbashkët për media, lidhur me çështjen e riorganizimit të procesit mësimor në komunën e Kamenicës.  (MAShTI, ora 16:00

- Fondacioni Shtatëmbëdhjetë organizon hapjen e ekspozitës Infrared: Additions. (Rr. Henrik Bariq, nr 5,  Shtatëmbëdhjetë, Prishtinë, ora 18:00)