14 Gusht 2020

OAK i dorëzon projektin Komunës së Fushë Kosovës

Prishtinë, 11 mars - Dorëzimi i projektit të financuar nga OAK dhe biznesi Kosmonte Foods për rregullimin e infrastrukturës për bizneset që operojnë në Zonën e Harilaqit, ishte qëllimi i takimit të përfaqësuesve të Odës së Afarizmit të Kosovës me Kryetarin e Komunës së Fushë Kosovës Burim Berisha.

OAK, me kërkesën e bizneseve të kësaj zone është angazhuar për këtë projekt që një kohë dhe ka pasur takime me të gjithë faktorët, nga Komuna, Ministria dhe Ujësjellësi.

Lidhur me këtë projekt, OAK ka marrë edhe mbështetje kohë më parë nga Ministri i Infrastrukturës Pal Lekaj, i cili është shprehur i gatshëm për përkrahjen e projektit për asfaltimin e kësaj rruge, dhe ka kërkuar që Komuna e Fushë Kosovës që të bëjnë një memorandum bashkëpunimi meqenëse është rrugë lokale.

Kryetari Berisha theksoi se ky projekt ka rëndësi shumë të madhe për zhvillimin e biznesit dhe është një bashkëpunim shumë i mirë mes OAK-së dhe Komunës, andaj edhe nga ana e Komunës përkrahja do të jetë maksimale.

Kryetari Berisha premtoi përpjekje maksimale që ky projekt të realizohet gjatë këtij viti.

Në këtë takim OAK u përfaqësua nga Kryetari i bordit Skënder Krasniqi, anëtari i bordit Lulzim Begaj dhe Koordinatorja Qendresa Ibrahimi.

 

Kalendari

Ngjarjet e datës 14 Gusht 2020

 - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raportin me amendamente në Projektligjin nr.07/L-006 për parandalimin dhe luftimin e pandemisë COVID-19 në territorin e Republikës së Kosovës. (Ndërtesa e Kuvendit, salla N303, ora 9:00)

- Ministri i Shëndetësisë, Armend Zemaj, raporton në Komisionin për Shëndetësi dhe Mirëqenie Sociale lidhur me menaxhimin e situatës me Covid-19. (Ndërtesa e Kuvendit, salla N10, ora 9:00)  
    
- Kuvendi i Kosovës mban seancën e radhës ku në rend dite është shqyrtimi i dytë i Projektligjit për parandalimin dhe luftimin e Pandemisë COVID-19 në territorin e Republikës së Kosovës: shqyrtimi i parë i Projektligjit për Rimëkëmbjen Ekonomike etj. (Salla e seancave plenare, ora 10:00)   

- Organizata ETEA dhe Biblioteka “Hivzi Sulejmani” bëjnë publikimin e raportit hulumtues “Efekti i të lexuarit në mirëqenien psikologjike dhe inteligjencën emocionale të fëmijëve të Kosovës”. (Biblioteka “Hivzi Sulejmani”, ora 10:00)    

- Ministri i Punëve të Brendshme, Agim Veliu, viziton komunën e Pejës ku do të pritet nga kryetari i kësaj komune, Gazmend Muhaxheri. (Ndërtesa e Komunës, Pejë, ora 10:00)    

- Kryetari i komunës së Mitrovicës, Agim Bahtiri, së bashku me zhongluesin e mirënjohur nga Vitia, Agim Agushin, do të mbajnë konferencë për media. (Objekti i Komunës, Mitrovicë, ora 11:00)

- Kryetari i Komunës së Gjilanit, Lutfi Haziri, ‘ka diçka me thanë’. (Zyra e kryetarit te Gjilanit, ora 12:00)

 

- Organizata e Veteranëve të Luftës së UÇK-së do t'i bëjë dorëzimin e kërkesës për ndryshimin e ligjit për dhomat e specializuara të Gjykatës Speciale me seli në Hagë. (Kuvendi i Kosovës, ora 15:00)