22 Tetor 2020

Nevojiten programe të reja në gjeoshkencë për zhvillimin e resurseve minerale

Mitrovicë, 9 tetor - Për zhvillim të qëndrueshëm nga resurset minerale që i posedon Kosova, nevojitet hapja e programeve të reja në fushën e gjeoshkencave.

Kështu u konkludua të premten në përmbyllje të  Konferencës së Dytë Ndërkombëtare Multidiciplinare “Gjeoshkencat dhe zhvillimi i qëndrueshëm” IMGC 2020, e cila u mbajt online në Universitetin e Mitrovicës “Isa Boletini” (UMIB).

Rektori i UMIB-it, Alush Musaj, ka përgëzuar Këshillin Organizativ për mbajtjen e edicionit të dytë të kësaj konference, përkundër  sfidave që janë paraqitur nga pandemia me Covid-19. “Kjo konferencë është një ngjarje e shënuar jo vetëm për UMIB-in, mirëpo edhe për vetë kalendarin e ngjarjeve shkencore në Kosovë”, tha ai.

Dekani i Fakultetit të Gjeoshkencave, Naser Peci, tha se nga konferenca, por edhe takimet që janë zhvilluar me ekspertë të fushës nëpër universitete të ndryshme evropiane, është vërejtur nevoja për hapjen e programeve të reja në gjeoshkencë për t’u përshtatur me nevojat e tregut. “Kosova posedon resurse të mëdha minerale, ndërsa mbetet që të punohet për zhvillimin e ekspertëve të kësaj fushe”, tha ai.

Avdi Konjuhi, nga Këshilli i Pavarur për Miniera dhe Minerale (KPMM), propozoi që në kuadër të konferencës herëve tjera të futet në program edhe një ekspeditë shkencore, ndërsa Skënder Sallahi nga Ministria e Ekonomisë dhe Ambientit, potencoi rëndësinë e identifikimit të nevojave dhe hapave që duhet të ndërmerren për zhvillimin e sektorit minerar.

Kryetari i Këshillit Organizativ, Sabri Avdullahi, tha se në kuadër të kësaj konference, me punimet e tyre janë prezantuar 31 studiues  nga vende të ndryshme. “Përveç nga Kosova dhe Shqipëria, në konferencë kanë marrë pjesë edhe studiues nga Finlanda, Sllovenia, Kanadaja dhe Hungaria”, tha ai.

Konferenca është organizuar nga Fakulteti i Gjeoshkencave në Universitetin e Mitrovicës “Isa Boletini”, kurse bashkëorganizator kanë qenë Komisioni i Pavarur për Miniera dhe Minerale dhe Ministria e Ekonomisë dhe Ambientit.

Kalendari

Ngjarjet e datës 23 Tetor 2020

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviziton ministrin e Ekonomisë dhe Ambientit; Blerim Kuçi. (Ndërtesa e Kuvendit, salla N204, ora 11:00)

- Në kuadër të përmbylljes së “Javës  Evropiane për Siguri dhe Shëndet në Punë”, ministri i MPMS-së, Skender Reçica viziton fabrikën “NewCo Ferronikeli”. (Drenas, ora 11:00)

- Kryetari i Komunës së Prizrenit, Mytaher Haskuka do të merr pjesë në përurimin e “Memorialit të Komandant Drinit - Ekrem Rexha. (Tek parku përballë Shtëpisë së Bardhë, ora 11:00)

-  Komisioni Hetimor Parlamentar lidhur me procesin e privatizimit në Kosovë interviston ish- Zëvendës kryesuesin e Bordit të Agjencisë së Privatizimit, Naser Osmani. (Ndërtesa e Kuvendit, salla N10, ora 12:00)

-  Komisioni për Integrim Evropian takohet me Shefin e Zyrës dhe Përfaqësuesin Special të BE-së në Kosovës, Tomáš Szunyog në lidhje me Raportin për Kosovën 2020 të publikuar nga Komisioni Evropian. (Ndërtesa e Kuvendit, salla C301, ora 12:00)

-  Komisioni Hetimor Parlamentar lidhur me procesin e privatizimit në Kosovë ish Ministër i Ekonomisë dhe Financave, Haki Shatri. (Ndërtesa e Kuvendit, salla N10, ora 13:00)

- Kryeministri i Qeverisë së Republikës së Kosovës, Avdullah Hoti pritet me një ceremoni zyrtare kryeministri i Maqedonisë së Veriut Zoran Zaev. (Para Qeverisë së Republikës së Maqedonisë së Veriut në Shkup, ora 14:00)

- Kryeministri i Qeverisë së Republikës së Kosovës, Avdullah Hoti dhe kryeministri i Maqedonisë së Veriut Zoran Zaev mbajnë konferencë për media. (Konferenca do të përcillet online, ora 15:05)

- Fondacioni Shtatëmbëdhjetë organizon bisedën “Off the record: Gjendja e hapësirave të braktisura”. (Kino Armata, ora 15:00)

- Kryeministri i Qeverisë së Republikës së Kosovës, Avdullah Hoti takohet me Presidentin e Maqedonisë së Veriut, Stevo Pendarovski. (Ndërtesa e Presidencës në Shkup, ora 15:35)

- Kryeministri i Qeverisë së Republikës së Kosovës, Avdullah Hoti takohet me Kryetarin e Kuvendit të Maqedonisë së Veriut, Talat Xhaferi. (Kabineti i Kryetarit të Kuvendit në Shkup, ora 16:10)

- Kryeministri i Qeverisë së Republikës së Kosovës, Avdullah Hoti takohet me Artan Grubi, Zëvendës Kryeministër i parë i shoqëruar edhe Ali Ahmeti, Kryetar i BDI-së. (Ndërtesa e Kuvendit në Shkup, ora 16:35)

- Nënshkruhet MoU për krijimin e rrjeteve të pastra 5G në mes të Qeverisë së Republikës së Kosovës dhe Departamentit të SHBA-ve. (Ambasada e Republikës së Kosovës në Shkup, ora 17:15)

- Kryeministri i Qeverisë së Republikës së Kosovës, Avdullah Hoti takohet me Udhëheqësit e partive politike si Ziadin Sela nga Aleanca për Shqiptarët, Bilall Kasami nga Lëvizja Besa,  Afrim Gashi nga Alternativa dhe Menduh Thaqi nga PDSH. (Ambasada e Republikës së Kosovës në Shkup, ora 17:40)