SHBA, 16 mars - Nafta bie nën 81 dollarëve të hënën, duke shtuar humbjet e së premtes. Ajo u ndodh nën presionin e forcimit të dollarit dhe dobësimit të besimit konsumator në SHBA, gjë që ngjalli shqetësime mbi natyrën e kërkesës në vendin më të madh konsumator të energjisë në botë.

Humori konsumator ra lehtë në fillim të marsit, treguan rezultatet e një sondazhi, të publikuara të premten. Sipas sondazhit, amerikanët ishin më pak optimistë rreth panoramës së punësimit në vend.

Por shitjet me pakicë u rritën ndjeshëm në këtë vend, jashtë parashikimeve, pavarësisht stuhive të mëdha të dëborës që mendohej se do t’i mbanin konsumatorët të mbyllur në shtëpi.

Dollari u forcua ndjeshëm të hënën, pasi investitorët iu drejtuan atij si vendstrehim i sigurt investimi, pasi frika se shtrëngimi i politikave monetare nga banka qendrore e Kinës shkaktoi një rrëzim të stoqeve aziatike.

Nafta bruto amerikane për prillin ra sot në mëngjes 51 centë në kuotën 80,73 dollarë për fuçi. Ajo e mbylli ditën e premte në kuotën 81,24 dollarë për fuçi. Nafta Brent e Londrës ra 49 centë në 78,90 dollarë për fuçi.

Sot pasdite Rezerva Federale amerikane do të shpalosë të dhënat e prodhimit industrial, si dhe shifrat e përdorimit të përdorimit të kapacitetit industrial për muajin shkurt.

Ekonomistët presin një rënie prej 0,1 përqind të prodhimit industrial dhe një përdorim të kapaciteteve në nivelin 72,6 përqind, krahasuar me rritjen përkatësisht 0,9 përqind të prodhimit dhe nivelin ruajtjen e nivelit prej 72,6 përqind të përdorimit të kapacitetit prodhues.

Rezerva pritet t’i ruajë pranë zeros normat e interesit, si dhe të rishprehë angazhimin e vet për t’i mbajtur ato të ulëta “për një periudhë të zgjatur,” falë dobësisë luhatëse të tregut amerikan të punës dhe  dyshimeve të rënduara mbi qëndrueshmërinë e ringritjes ekonomike.