24 Maj 2019

MTI në përkrahje të prodhuesve vendor

Prishtinë, 15 maj - Ministri i Tregtisë dhe Industrisë, Endrit Shala, bashkë me zëvendëskryeministrin Fatmir Limaj, kanë vizituar kompaninë e prodhimit të mobileve “Elnor” për të parë nga afër impaktin e vendimit të fundit që ndalon eksportin e masës drusore.

Ministri Shala shprehu gatishmërinë për vazhdimin e mbështetjes për prodhuesit vendor, dhe bëri të ditur se vendimi i fundit për ndalimin e eskportit prodhuesit e mobileve i bënë më konkurrues.

“Bashkë me zëvendëskryeministrin e Fatmir Limaj ishim sot për vizitë në kompaninë e prodhimit të mobileve ‘Elnor’, ku 55 për qind e prodhimit është eksport. Arsyeja e vizitës është që t’i sigurojmë për përkushtimin tonë të vazhdueshëm në raport me prodhuesin vendor, dhe ta shohim impaktin e vendimit që ia kam propozuar qeverisë për ndalimin e eksportit të masës drusore,  e kjo do të ndihmon kompanitë e drurit që të jenë më konkurruese në treg dhe në eksport dhe do ta ruaj ambientin e vendit tonë nga prerjet ilegale që kanë ndodhur”, tha ministri Shala.

Shala i siguroi prodhuesit vendor për përkushtimin e vazhdueshëm, me me qëllim që ta kenë më të lehtë eksportin dhe kjo do ta ndihmojë edhe zhvillimin ekonomik të vendin dhe hapjen e vendeve të reja të punës.

Ndërsa zëvendëskryeministri Limaj tha se përmes vizitës në këtë kompani donin të përcjellin mesazhet për të gjitha kompanitë që merren më këtë lëmi.

“Para disa dite ministri Shala ka propozuar në Qeveri një vendim të rëndësishëm dhe donim të shihnim impaktin që ka pas ai vendim. Nga ajo që ne dëgjuam ka qenë një vendim i jashtëzakonshëm dhe për këtë kompanitë, por edhe kompanitë tjera”, ka thënë Limaj.

Më tutje, Limaj tha se me një përkushtim dhe një partneritet të ngushtë Qeveri biznes, atëherë rezultatet nuk do të mungojnë.

“Partneritet që nënkupton duke i ndihmuar biznesit,  duke krijuar mundësi dhe lehtësira e duke eliminuar procedurat burokratike e ardhmja e këtij vendi dhe ekonomisë është e sigurt dhe është e sigurt duke iu falënderuar duarve të vyera të njerëzve tanë që kanë guxim dhe iniciative”, ka shtuar Limaj.

Vjosa Ukaj menaxhere e kësaj kompanie tha se i janë gëzuar vendimit për ndalimin e eksportit të lëndës së parë, sepse, kjo sipas saj, ndikon në funksionimin dhe qëndrueshmërinë e kësaj kompanie, dhe po ashtu i bënë më të konkurrueshëm në treg.
 

Kalendari

Ngjarjet e datës 24 maj 2019 - Nisin punimet për rregullimin e rrugës kryesoret të qytetit të Deçanit Rrugës së  Qendrës konkretisht rrugës 'Luan Haradinaj' dhe 'Dëshmoret e Kombit'. (Në afërsi të pikës së karburantit Agonisi Gas në Carrabreg, ora 10:00)

- Mbahet mbledhja e komisionit për Mbikëqyrjen e Financave Publike në të cilën do të behët shqyrtimi i Raportit të Auditimit për raportet financiare dhe atyre të deklarimit financiar të subjekteve politike për vitin 2017. (Ndërtesa e Kuvendit, salla N 302, ora 10:00)

- Kryeministri Ramush Haradinaj merr pjesë në ceremoninë e fillimit të punimeve të rrugës së qytetit të Deçanit. (Sheshi i qytetit në Deçan, ora 10:00)

- Drejtori i Zyrës për Rritje Ekonomike i USAID-it në Kosovë, Brian Martalus, do të mbajë një fjalim në hapjen e Konferencës Ekonomike të Diasporës Shqiptare nga Evropa - B2B. (Hotel Emerald, ora 10:00)

- “Let’s Do It” mban aksion pastrimi në disa fshatra të Hasit, me moton “Për një Has të pastër”. (Fshati Gjonaj tek Ura e Drinit të Bardhë, ora 10:00)

- Drejtoresha e misionit të USAID-it Lisa Magno do të flasë me rastin e prezantimit të gjashtë video udhëzuesve për e-prokurim. (Hoteli Swiss Diamond, ora 10:00)

- Mbledhja e komisionit Ad-hoc për përmirësimin dhe forcimin e procesit zgjedhor në të cilën do të behët shqyrtimi i kërkesës së Grupit për Studime Juridike dhe Politike për pjesëmarrje në Grupin Këshillëdhënës. (Ndërtesa e Kuvendit, salla N 303, ora 10:00)

- Kryeministri Ramush Haradinaj me rastin e përvjetorit të rënies së 16 dëshmorëve të Batalionit Gardist “Shkëlzen Haradinaj” bën homazhe në Kompleksin Memorial “Dëshmorët e Kombit” në Gllogjan. (Kompleksi Memorial “Dëshmorët e Kombit” në Gllogjan, ora 11:00)

- Programi i Kombeve të Bashkuara për Zhvillim, Ministria e Punëve të Brendshme dhe Policia e Kosovës do të shënojnë së bashku Ditën Ndërkombëtare të Grave për Paqe dhe Çarmatim me një konferencë shtypi. (Ambientet e UNDP-së, ora 11:00)

- Kryeministri Ramush Haradinaj me rastin e përvjetorit të rënies së 16 dëshmorëve të Batalionit Gardist “Shkëlzen Haradinaj” bën homazhe në Fshatin Kodrali. (Fshati Kodrali, ora 11:30)

- Presidenti i Republikës së Kosovës, Hashim Thaçi, merr pjesë në Akademinë Përkujtimore për heroin Abdullah Tahiri. (Teatri Kombëtar i Kosovës, ora 12:00)

- Prokuroria Themelore e Pejës organizon konferencën për media ku temë diskutimi do jetë ngritja e dhjetëra aktakuzave për rastin e njohur në opinionin publik si “veteranët e rrejshëm”. (Objekti i Prokurorisë Themelore të Pejës, rruga “Hasan Cermaxhija”. ora 12:00)

- 44 nxënës nga klasa 7 deri në klasën 9, nga të gjitha regjionet e Kosovës do të takohen për të garuar në finalen e garës së tretë vjetore të gërmëzimit.  (Biblioteka kombëtare, ora 13:15)

- Ministria e Kulturës, Rinisë dhe Sportit organizon ceremoninë e ndarjes  së çmimeve “Nikete Dardani”. (Kabineti i Ministrit të Kulturës, ora 13:30)

- Rinia Demokratike e Kosovës, mban aktivitet në Prizren, te Komuna, lidhur me qeverisjen lokale në Prizren dhe kundër korrupsionit si dukuri negative. (Te Komuna, Prizren, ora 14:00)

 - Shënohet 19 vjetori i themelimit të Aleancës për Ardhmërinë e Kosovës në Gjakovë. (Pallati i Kulturës” Asim Vokshi” , Gjakovë, ora 18:00)

- Organizuar nga Ministria e Diaspores dhe Investimeve Strategjike dhe Rrjeti i Bizneseve të Diasporës Shqiptare mbahet konferenca ekonomike e diasporës shqiptare nga Evropa më B2B. (Hotel Emerald, ora 20:00)

- Kryeministri Ramush Haradinaj merr pjesë në Konferencën Ekonomike të Diasporës Shqiptare nga Evropa, organizuar nga Ministria e Diasporës dhe Investimeve Strategjike dhe Rrjeti i Bizneseve të Diasporës Shqiptare. (Hotel Emerald, ora 20:00)