20 Nëntor 2019

Minatorët e Trepçës marshojnë drejt kryeqytetit

Prishtinë, 12 maj - Rreth pesëqind minatorë, pensionistë të parakohshëm të Trepçës, tashmë janë në udhë, në marshin e tyre protestues drejt kryeqytetit.

Këta 500 ish-minatorë, nga mbi 4200, sa morën statusin e pensionistëve të parakohshëm, aktualisht marrin nga 80-30 euro në muaj..

Ata sot, pas një proteste në oborrin e menaxhmentit, u nisën në këmbë drejtë Prishtinës, me kërkesat që të miratohet Ligji i Punës, t’u garantohet sigurimi shëndetësor e pensional dhe deri në hyrjen fuqi të Ligjit të Punës, t’u jepen nga 160 euro në muaj.

Kryetari i sindikatës së pavarur të pensionistëve të parakohshëm të Trepçës, Ramadan Ademi, ka thënë se nuk kishte “lënë derë pa trokitur e as guri pa rrotulluar për të mos ardhur puna deri këtu”.

Ademi ka thënë se dje e ka parë vetë draftligjin për pensionistët e parakohshëm të Trepçës, që, siç tha ai, e ka hartuar një amerikan dhe përfshinë mbi 4200 ish-punëtorë, tani pensionistë të parakohshëm të Trepçës.

 “Amerikani e ka kryer punën  të hënën. Kemi shtesë, sipas atij projektligji, prej 55 eurove. Ashtu shkruan aty”, tha Ademi, duke kërkuar që të vendosin së bashku për hapat e ardhshëm.
Ai ka thënë se nuk ka mundur të sigurojë autobus për Prishtinë.

“Kemi thënë të sigurojmë autobusat për Prishtinë, por nuk kemi mundur”, ka sqaruar ai para punëtorëve,  që manifestonin shenja revolte.

Kryesindikalisti ka thënë se pasi e kanë paraqitur  tubimin e  sotëm si protestë, mund të shkojnë për Prishtinë, por ka kërkuar që  t’i përmbahen kërkesave të paraqitura, pasi si tha, nuk shkojnë për të përmbysur shtetin.

“E kemi lanë shëndetin dhe rininë tonë këtu dhe na po kërkojmë  një kafshatë bukë, djersën tonë, nuk po kërkojmë përmbysjen e shtetit. Të gjithë ata që mendojnë të dalin jashtë këtyre çka i kemi aprovuar së bashku, nuk janë me neve”, tha Ademi, duke përjashtuar çdo motiv politik në protestën e tyre.

Ndërkaq kërkesat e këtyre ish-punëtorëve janë artikuluar në katër pikë: Të aprovohet Ligji i punës, të aprovohet Ligji për pensionet, të aprovohet Ligji për sigurimin shëndetësor dhe, deri në aprovimin e këtyre ligjeve, pensionet e pensionistëve të parakohshëm të Trepçës të caktohen në shumë prej 160 euro në muaj .

Kalendari

Ngjarjet e datës 20 nëntor 2019

- Ambasada e Finlandës, UBT dhe UNDP organizojnë bashkërisht konferencën “Towards Small Scale Innovative Ecosystems in Kosovo”. (Kampusi Inovativ i UBT-së në Lipjan, ora 9:00)

- Kryeministri në detyrë, Ramush Haradinaj, merr pjesë në konferencën “Small-Scale Innovative Ecosystems in Kosovo”, organizuar nga ambasada e Finlandës në Prishtinë në bashkëpunim me UBT. (Magjistralja Prishtinë - Lipjan, kampusi i UBT-së, ora 9:00)

- Me rastin e shënimit të 20 nëntorit - Ditës Ndërkombëtare të Konventës për të Drejtat e Fëmijëve, Komuna e Gjilanit organizon vizitë nga Asambleja e Fëmijëve në tri shkollat fillore: Selami Hallaqi, Thimi Mitko, Rexhep Elmazi për nder të Ditës Ndërkombëtare të Konventës për të Drejtat e Fëmijëve. (Objektete e shkollave, ora 10:00)

- Koalicioni i OJQ-ve për Mbrojtjen e Fëmijëve hap dyert për fëmijët, prindërit dhe të gjithë qytetarët që dëshirojnë të vizitojnë ambientet e KOMF për të biseduar bashkë për të drejtat e fëmijëve. (Zyret e KOMF, ora 10:00)

- Fillon punimet Kongresi i parë ndërkombëtarë për trajtimin e hershëm të infarktit të miokardit. (Hotel International Prishtina, ora 10:00)

- Mbahet mbledhja e rregullt e Komitetit për Politikë dhe Financa i Komunës së Mitrovicës. (Salla e mediave të Komunës së Mitrovicës, ora 10:00)

- Mbahet mbledhja e gjashtë e rregullt e Këshillit Komunal për Siguri në Bashkësi në komunën e Rahovecit. (Salla e Kuvendit Komunal në Rahovec, ora 10:00)

- Zyra e UNICEF-it në bashkëpunim me Ministrinë e Arsimit, Shkencës dhe Teknologjisë si dhe Shtëpinë e Evropës në Kosovë organizojn aktivitetin kryesor për shënimin e 30 vjetorit të Konventës për të Drejtat e Fëmijës. (Holli i Bibliotekës Kombëtare të Kosovës, ora 11:00) 

- OQJ Integra organizon publikimin e raportit “Instituti i Vetizoluar - Vlerësim i Shoqërisë Civile për Institutin Albanologjik të Prishtinës”. (Hotel Sirius, ora 11:00)

- Fëmijët e çerdhës "Dardania" në Gjilan dhurojnë 120 pako dhurata për fëmijët me nevoja të veçanta. (Gjilan, ora 11:00) 

- Mbahen aktivitete argëtuese për fëmijët e zgjedhur nga Handikos, Asambleja e Fëmijëve, fëmijët nga komunitetet si dhe nga shkollat SHFMU, Gjilan mbështetur nga 'Albanica' dhe 'Kimi'. (Gjilan, ora 12:00)

- Komuna e Gjilanit organizon program nga Qendra e Vallëzimit Modern “Dancing House” Vallëzim Modern, Balet dhe Popullore. (Teatri i Qytetit, Gjilan ora 15:00)

- Qendra Multimedia shfaq "Pesë stinet e armikut te popullit" me regji të Blerta Nezirajt. (Teatri "Bekim Fehmiu" në Prizren, ora 20:00)