07 Korrik 2020

Mbetjet e azbestit në Hanin e Elezit me pasoja të mëdha

Prishtinë, 26 nëntor - Kryetari i komunës së Hanit të Elezit Rufki Suma sot në takim me gazetarët prezantoi fakte konkrete për pasojat e drejtpërdrejta të mbetjeve të azbestit në qytetin e Hanit të Elezit dhe rrethinës.

Duke iu referuar raportit të Institutit të Mjekësisë së punës në Kastriot mbi rezultatet nga kontrollimet preventive të punëtorëve të Kompanisë ,,Sharr-Salloniti” në Han të Elezit rezulton se nga një mostër prej 167 punëtorëve të vizituar konstatohet se shkalla e çrregullimeve apo sëmundjeve të punëtorëve të ekzaminuar është evidente.

Në po këtë raport, vazhdoi më tej Suma ky institut ka konstatuar se 42% e punëtorëve të ekzaminuar rezultojnë me sëmundje të rënda të organeve respiratorë si pasojë e ndikimit të faktorëve të dëmshëm në rendë të parë nga pluhuri i Azbestit.

Z.Suma me këtë rastë theksoi se kjo është vetëm një pasqyrë e një situate të përgjithshme shëndetësore të qytetarëve të Hanit të Elezit tëcilët për shumë vite kanë qenë edhe fatkeqësisht janë ende të ekspozuar nga mbetjet e azbestit që për vite janë deponuar nëpër tërë hapësirën e qytetit e veçanërisht ne brigjet e Lumit Lepenc .

Ai me këtë rast shtoi se  Komuna e Hanit të Elezit edhe pse  ka buxhet tejet të vogël  për të ndërmarrë ndonjë veprim më konkret në këtë drejtim ka ndarë 20.000 euro për të filluar së paku hulumtimet mbi shkallën e ndotjes ,por se kërkon ndihmën  si të institucioneve vendore por edhe atyre ndërkombëtare pasi që një aksion i mirëfilltë i pastrimit do të kishte kosto të larte dhe për komunën i papërballueshëm

Kalendari

Ngjarjet e datës 7 Korrik 2020

- Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)