20 Shtator 2019

Mbahet konferenca ndërkombëtare e industrisë minerare Shqipëri - Kosovë

Tiranë, 12 maj - Ministria e Infrastrukturës dhe Energjisë,së Shqipërisë në bashkëpunim me Komisionin e Pavarur për Miniera dhe Minerale,MZHE-në e Kosovës dhe SHGJ-të e të dyja vendeve kanë organizuar në Tiranë Konferencën me temën “Zhvillimi integral i industrisë minerare me ndikim minimal në mjedis”.

Kjo është konferenca e dytë Ndërkombëtare, pasi që Konfereca e parë u organizua në Maj të vitit 2018 në Prishtinë nga  Komisioni i Pavarur për Miniera dhe Minerale në bashkëpunim me Shtetin Shqiptar.

Kryetari i Grupit Parlamentar të Partisë Socialiste, Taulant Balla tha se bashkëpunimi Qeveri-Kuvend është i rëndësishëm për sektorin minerar dhe ndikimin minimal në mjedis.

Duhet ndryshuar mynyrën e licencimit në sektorin minerar për ta për ta bërë atë më të lehtë,të inkurajohen investitorët në këtë sektor, u shpreh ndër të tjera Balla.

Ministri i MZHE-së Valdrin Lluka tha se në Ministria të cilën e drejton ai ka prioritet krijimin e një ambienti sa më konkurrues në sektorin minerar, si një parakusht për tërheqje të investimeve të huaja dhe zhvillimin e sektorit minerar.

Eliminimin e byrokracisë dhe krijimin e bazës të favorshme ligjore e nënvizoi si një ndër faktorët për tërheqjen e investitorëve vendor dhe të huaj.

Kryesuesi i Bordit të KPMM-së Musa Shabani foli për rëndësinë e këtij sektori, si dhe potencialin mineral të Kosovës.

Ai ndër të tjera prezantoi të arriturat e KPMM-së, rritjen e të hyrave nga renta minerare si tregues i investimeve në sektorin minerar, si dhe rritjen e numrit të punësuarve në këtë sektor.

Shabani ndër të tjera shprehu besimin se Konferenca do ta rrisë bashkëpunimin institucional dhe rajonal për të inkurajuar investitorë ndërkombëtar.

Kemal Zeqiri, anëtar i Bordit të KPMM-së në prezantimin e tij ndër të tjera u shpreh se sektori minerarë në Kosovë ka nevojë për reforma.

Ai shprehu rëndësinë e krijimit të një Zyre të vetme “One stop shop” në kuadër të KPMM-së, për të lehtësuar procedurat e licencimit. Kjo dhe reformat tjera progresive do të mundësoheshin me anë të miratimit të Ligjit për Miniera dhe Minerale i cili tani e dy vite gjendet në pricedura të miratimit në Kuvendin e Kosovës.

Drejtori i KPMM-së Ramiz Krasniqi prezantoi punimin me temën: “Resurset e Magnezit në Kosovë”.

Pjesmarrës në Konferencë ishin përfaqësues nga Kuvendi i RSH-së, Qeveria e RSH-së dhe Kosovës, KPMM-ja SHGJSH-ja, SHGJK-ja Fakultetet e Gjeologjisë nga Shqipëria dhe Kosova. Në fokus të kësaj konference kishin prezantimin e mundësive të shfrytëzimit dhe përpunimit të resurseve minerare të dy vendeve, si dhe zhvillimin i aktivitetit minerar me ndikim minimal në mjedis.

Përfaqësuesit e të dyja shteteve Shqipëri dhe Kosovë u pajtuan se duhet vazhduar me takime të kësaj natyre edhe në të ardhmen.

Në ditën e dytë të konferencës më 11 Maj u realizua  një vizitë në minierën e Spaçit, në mënyrë që pjesëmarrësit të shohin nga afër investimet bashkëkohore në industrinë minerare në Shqipëri.

 

Kalendari

Ngjarjet e datës 20 shtator 2019 - Shoqata për Dëme të Luftës “Ngritja e Zërit“, dorëzon në Gjykatën Kushtetuese për herë të gjashtë dosjet e radhës për kompensimin e dëmeve të luftës, respektivisht kërkesat, për vlerësimin e kushtetutshmërisë së aktvendimeve të Gjykatës Supreme të Kosovës. (Gjykata Kushtetuese, ora 9:00)

- Mbahet konferenca e parë për shtyp nga Kryesuesja e Misionit e Bashkimit Europian per monitorimin e zgjedhjeve te parakohshme parlamentare në Kosovë, Viola von Cramon-Taubadel. (Hotel Swis Diamond, ora 10:00)

- Instituti për Politika Zhvillimore organizon ngjarjen “Pesë fjalimet për Qëndrueshmëri – Lokalizimi i Agjendës 2030 në Kosovë”. (Amfiteatri i Biblotekës Kombëtare “Pjetër Bogdani”, ora 10:00)

- Caritasi Zvicerran organizon ceremoninë zyrtare me rastin e shënimit të 20 vjetorit në Kosovë. (Hotel Sirius, ora 10:00)

- Ministri i Kulturës, Rinisë dhe Sportit, Kujtim Gashi merr pjesë në Panairin e punësimit në Prizren. (Palestra sportive në Prizren, ora 11:00)

- Let's Do It Kosova organizon konferencë për media, ku do të prezentohen aktivitetet e planifikuara të cilat do të zhvillohen për Ditën e Pastrimit të Botës. (Zyret e Let's Do It në Pejton, rruga "Pashko Vasa", ora 11:00)

- Komuna e Prishtinës në bashkëpunim me Zyren e Bashkimint Evropian në Kosovë organizon zhvillon aktivitetin "Ngasja e çiklizmit - knaqesi dhe shendet". (Amfitetari sheshi "Zahri Pajaziti", ora 12:00)

- Lëvizja FOL organizon diskutimin e pestë në kuadër të Forumit FOL Hapur me Fatmir Limaj, Kandidat për Kryeministër nga Koalicioni NISMA-AKR-PD. (Lëvizjes FOL, ora 12:30)

- Kryeministri në detyrë, Ramush Haradinaj, merr pjesë në 20-vjetorin e themelimit të RTV Mitrovica. (Restorant Skandinavia, Koshtovë - Mitrovicë, ora 13:00)

- Filmi ZANA me regji te Antoneta Kastrati, nominimi i Kosoves për Oscars, pas premieres boterore ne festivalin e madh te Torontos shfaqet per gazetar në Cineplexx Kosove. (Cineplexx, Albi Mall,  ora 13:00)

- Kryetari i Lëvizjes Vetëvendosje!, Albin Kurti merr pjesë në përvjetorin e TV Mitrovica. (Mitrovicë, ora 13:00)

- Ministri i Kulturës, Rinisë dhe Sportit, Kujtim Gashi merr pjesë në venien e gurthemelit te palestrës sportive në Dragash. (Dragash, ora 14:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me rininë e LDK-së në Gjilan. (Shtëpia e Rinisë, Gjilan, ora 16:30)

- Kryetari i Lëvizjes Vetëvendosje!, Albin Kurti mbanë tubim në Gushavc. (fshati Gushavc, Mitrovicë, ora 17:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me gratë e Gjilanit. (Teatri e qytetit, ora 17:30)

- Zhvillohet defileu u grupeve që marrin pjesë në Festivalin Ballkanik të Folklorit. (Nisja nga shkollfa fillore “Selman Riza” përgjatë rrugës “Dardania”, ora 18:00)

-  Kryetari i Lëvizjes Vetëvendosje!, Albin Kurti mbanë tubim në Zhabar. (fshati Zhabar, Mitrovicë, ora 18:00)

-  Kryetari i Lëvizjes Vetëvendosje!, Albin Kurti mbanë tubim mobilizues. (Mitrovicë, ora 19:00)

- Fillon edicioni i III-të i Festivali Ballkanik të Folklorit në të cilin do të marrin pjesë Ansamble dhe grupe nga: Shqipëria, Kroacia, Bullgaria, Turqia, Maqedonia e Veriut, Mali i Zi dhe Kosova. (Ambientet e Shkollen fillore “Mihal Grameno” në Fushë-Kosovë, ora 19:00)

- Kryetari i Lëvizjes Vetëvendosje!, Albin Kurti mbanë tubim në Vushtrri. (Vushtrri, ora 21:00)