12 Nëntor 2019

Komuna dhe USAID ndërtojn parqe në Arbëri dhe Taukbahçe

Prishtinë, 6 korrik - Kryetari i Komunës së Prishtinës, prof. Dr. Isa Mustafa dhe drejtori i Iniciativës për Komuna Efektive (IKE)-program i USAID-it, Randy Repola, nënshkruan marrëveshjen për ndërtimin e dy parqeve në lagjet “Arbëria” dhe “Taukbahçe”, për të cilin projekt IKE ka ndarë fonde në vlerë prej 90 mijë dollarësh.

Kryetari Mustafa me këtë rast tha se “çdo ndihmë që na ofrohet nga programet e USAID janë të nevojshme dhe të pranueshme, dhe ne jemi ne partneritet edhe me zyrën ndërlidhëse të  Komisionit Evropian por edhe me organizata dhe vende të tjera për bashkëpunim dhe zbatimin e projekteve edhe në fushat tjera”.

Ndërkaq Randy Repola drejtori i programit  Iniciativa për Komuna Efektive tha se USAID-i do të vazhdojë të bashkëpunojë me Komunat e Kosovës në përgjithësi, për t’i ndihmuar ato që të funksionojnë në përputhje me ligjin për vetëqeverisjes lokale si dhe përmirësimin e ofrimit të shërbimeve.

“USAID-i po vazhdon me programe te qeverisjes lokale, në muajin tetor do të fillojmë me programe në të cilat ne gjithashtu do të jemi të gatshëm për avokim”, tha Repola.

Në bazë të marrëveshjes së nënshkruar, IKE-ja do të kryej të gjitha veprimet për implementimin e këtij projekti, kurse Komuna e Prishtinës do të sigurojë mirëmbajtjen dhe qëndrueshmërinë e projektit pas përfundimit të implementimit.

Ndërtimi i këtyre dy parqeve pritet të bëhet së shpejti, dhe  ato do të jenë në shërbim të një numri të kryeqytetasve të të gjitha komuniteteve.  

Kalendari

Ngjarjet e datës 12 nëntor 2019 - Mbahet takimi vjetor i ministrave të Bujqësisë së vendeve të Evropës Juglindore me c'rast  Ministria e Bujqësisë, Pylltarisë dhe Zhvillimit Rural e Republikës së Kosovës, do të marrë edhe presidencën për udhëheqjen e Grupit Drejtues të Punës për Zhvillimin Rural Rajonal në Evropën Juglindore për një vit. (Hotel Emerald, ora 9:00)

- Universiteti i Shkencave të Aplikuara në Ferizaj në bashkëpunim me Universitetin e Shkencave të Aplikuara në Salzburg, organizon Konferencën Ndërkombëtare “Bashkëpunimi Universitet – Industri në Inovacion”. (Lokalet e Universitetit  të Shkencave të Aplikuara në Ferizaj. ora 9:00)

- Mahet takimi i 174-të i Këshillit Prokurorial të Kosovës. (Ojekti i Prokurorisë së Shtetit, ora 10:00)

- Zyra Kombëtare e Auditimit bën prezantimin e raportit të auditimit të performancës “Sistemi i kontrollit dhe monitorimit të cilësisë së derivateve të naftës”. (Salla e konferencave “Orion”, ora 10:00)

- Oda e Afarizmit të Kosovës organizon konferencë për media lidhur me pProblemet e bizneseve me bankat komerciale. (Zyret e OAK-së, ora 11:00)

- Lansohet projekti 'Subvencionet për Efiçiencë të Energjisë në Kosovë' të mbështetur nga MCC dhe MFK i cili synon të ofrojë stimuj financiarë dhe teknik për sektorin residencial që mundësojnë investime në masat e efiçencës së energjisë, si dhe të mbështesë gratë ndërmarrëse në energji dhe sektorë të tjerë. (Hoteli Swiss Diamond, ora 11:00)

- Administratori i Agjencisë së ShBA-ve për Zhvillim Ndërkombëtar Mark Green i cili po  qëndron në Kosovë do të marrë pjesë në lançimin e pilot projektit Nxitjet e Efiçencës Energjetike i cili implementohet nga Fondacioni Milenium Kosova dhe financohet nga Korporata e Sfidave të Mijëvjeçarit në bazë të Marrëveshjes “Threshold” të MCC-së në Kosovë. (Hoteli Swiss Diamond, ora 11:00)

- Organizata për Rritjen e Cilësisë në Arsim publikon raportin “Borgjezia” e Akademisë, ku do të paraqitet hulumtimi mbi të ardhurat e stafit akademik menaxherial në universitetet publike të Kosovës. (Para objektit të Qeverisë së Kosovës, në sheshin Skënderbeu, ora 11:00)

- Administratori i Agjencisë së ShBA-ve për Zhvillim Ndërkombëtar Mark Green do të kalojë kohë edhe me të rinjtë me rastin e lançimit të platformës së internetit “Të Rinjtë Prijnë” për t’u krijuar mundësi bartësve të rinj të ndryshimeve të lidhen me rrjete të të rinjve me interesime të ngjashme, mentorë, resurse dhe ngjarje të ndryshme. (Qendra e Rinisë, salla atele, përballë Sallës së Kuqe, ora 15:00) 

- Zhvillohet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- OSBE organizon shfaqjen premierë të dokumentarit “Above the Fold” i cili ofron një tregim narrativ të vështirësive me të cilat përballen gazetarët në sjelljen e informacionit në publik. (Kino ABC, ora 19:00)