24 Maj 2019

Kompanitë e drurit nga Kosova me mision në Belgjikë

Prishtinë, 13 maj - Kompanitë e përpunimit të drurit nga Kosova do të marrin pjesë në Mision në Bruksel, Belgjikë më 15, 16 dhe 17 maj 2019. Ky mision në Belgjikë do të shërbejë si urë lidhëse për bizneset kosovare me tregun e huaj në Belgjikë dhe rajon, dhe me bizneset e Diasporës në identifikimin e mundësive investuese dhe eksportuese të produkteve dhe shërbimeve nga Kosova.

Produktet dhe shërbimet e bizneseve kosovare kanë pasur një rritje të bujshme në vitet e fundit. Sektorë të shumtë të industrive në Kosovë kanë përmirësuar ndjeshëm kapacitetet e tyre të prodhimit dhe cilësinë e produkteve, dhe shumë kompani tani eksportojnë në vende të ndryshme të botës. Prodhuesit e mobiljeve të Kosovës kanë bërë hapa të mëdhenj në vitet e fundit, me avancimin e fabrikave të tyre si dhe në kualifikimin e punëtorëve, të cilët kan rol kyç në cilësinë e produkteve. Cilësia e produkteve dhe llojëllojshmëria e tyre janë rritur, duke çuar këto kompani në zgjerimin e tregjeve dhe eksportit. Prodhuesit e mobiljeve të Kosovës tani eksportojnë në shumë vende të botës si në Gjermani, Holandë, Zvicër, shtete të rajonit dhe më gjerë.

Kjo vizitë do të ndihmojë pesë kompani përpunuese të drurit që janë Ciao Berto, Candeo, Albed, Elnor dhe Shehu për t'u lidhur me tregjet e huaja dhe për të identifikuar mundësitë e investimeve dhe eksportit për produktet e tyre me cilësi të lartë. Krijimi i rrjeteve në mes të Kosovës dhe kompanive të Diasporës do të ndihmojë në qëndrueshmërinë e ekonomisë së Kosovës, të mbështesë zgjerimin e bizneseve kosovare nëpërmjet lidhjeve të tregut me tregjet e huaja, duke përfshirë edhe bizneset e Diasporës.

Ky mision është organizuar nga USAID EMPOWER Sektori Privat në partneritet me Sida dhe Ambasadën e Kosovës në Belgjikë, në bashkëpunim me Shoqatën e Përpunuesëve të Drurit të Kosovës.

Projekti pesëvjeçar i USAID-it, EMPOWER Sektori Privat, i cili financohet edhe nga Agjencia Suedeze për Bashkëpunim dhe Zhvillim Ndërkombëtar, është angazhuar që nga korriku i vitit 2014 për ta stimuluar krijimin e vendeve të punës në shkallë të lartë, duke e ngritur aftësinë konkurruese të firmave kosovare në sektorët e gatshëm për zhvillim të veshmbathjeve, përpunimit të drurit, TIK-ut, energjisë së ripërtëritshme, turizmit dhe përpunimit të metaleve. Deri më sot, ky projekt ka krijuar mbi 4239 vende të reja të punës në mbarë Kosovën, me plane për t’i krijuar gjithsej 5000 vende të reja të punës deri në janar të vitit 2020.
 

Kalendari

Ngjarjet e datës 24 maj 2019

- Nisin punimet për rregullimin e rrugës kryesoret të qytetit të Deçanit Rrugës së  Qendrës konkretisht rrugës 'Luan Haradinaj' dhe 'Dëshmoret e Kombit'. (Në afërsi të pikës së karburantit Agonisi Gas në Carrabreg, ora 10:00)

- Mbahet mbledhja e komisionit për Mbikëqyrjen e Financave Publike në të cilën do të behët shqyrtimi i Raportit të Auditimit për raportet financiare dhe atyre të deklarimit financiar të subjekteve politike për vitin 2017. (Ndërtesa e Kuvendit, salla N 302, ora 10:00)

- Kryeministri Ramush Haradinaj merr pjesë në ceremoninë e fillimit të punimeve të rrugës së qytetit të Deçanit. (Sheshi i qytetit në Deçan, ora 10:00)

- Drejtori i Zyrës për Rritje Ekonomike i USAID-it në Kosovë, Brian Martalus, do të mbajë një fjalim në hapjen e Konferencës Ekonomike të Diasporës Shqiptare nga Evropa - B2B. (Hotel Emerald, ora 10:00)

- “Let’s Do It” mban aksion pastrimi në disa fshatra të Hasit, me moton “Për një Has të pastër”. (Fshati Gjonaj tek Ura e Drinit të Bardhë, ora 10:00)

- Drejtoresha e misionit të USAID-it Lisa Magno do të flasë me rastin e prezantimit të gjashtë video udhëzuesve për e-prokurim. (Hoteli Swiss Diamond, ora 10:00)

- Mbledhja e komisionit Ad-hoc për përmirësimin dhe forcimin e procesit zgjedhor në të cilën do të behët shqyrtimi i kërkesës së Grupit për Studime Juridike dhe Politike për pjesëmarrje në Grupin Këshillëdhënës. (Ndërtesa e Kuvendit, salla N 303, ora 10:00)

- Kryeministri Ramush Haradinaj me rastin e përvjetorit të rënies së 16 dëshmorëve të Batalionit Gardist “Shkëlzen Haradinaj” bën homazhe në Kompleksin Memorial “Dëshmorët e Kombit” në Gllogjan. (Kompleksi Memorial “Dëshmorët e Kombit” në Gllogjan, ora 11:00)

- Programi i Kombeve të Bashkuara për Zhvillim, Ministria e Punëve të Brendshme dhe Policia e Kosovës do të shënojnë së bashku Ditën Ndërkombëtare të Grave për Paqe dhe Çarmatim me një konferencë shtypi. (Ambientet e UNDP-së, ora 11:00)

- Kryeministri Ramush Haradinaj me rastin e përvjetorit të rënies së 16 dëshmorëve të Batalionit Gardist “Shkëlzen Haradinaj” bën homazhe në Fshatin Kodrali. (Fshati Kodrali, ora 11:30)

- Presidenti i Republikës së Kosovës, Hashim Thaçi, merr pjesë në Akademinë Përkujtimore për heroin Abdullah Tahiri. (Teatri Kombëtar i Kosovës, ora 12:00)

- Prokuroria Themelore e Pejës organizon konferencën për media ku temë diskutimi do jetë ngritja e dhjetëra aktakuzave për rastin e njohur në opinionin publik si “veteranët e rrejshëm”. (Objekti i Prokurorisë Themelore të Pejës, rruga “Hasan Cermaxhija”. ora 12:00)

- 44 nxënës nga klasa 7 deri në klasën 9, nga të gjitha regjionet e Kosovës do të takohen për të garuar në finalen e garës së tretë vjetore të gërmëzimit.  (Biblioteka kombëtare, ora 13:15)

- Ministria e Kulturës, Rinisë dhe Sportit organizon ceremoninë e ndarjes  së çmimeve “Nikete Dardani”. (Kabineti i Ministrit të Kulturës, ora 13:30)

 - Shënohet 19 vjetori i themelimit të Aleancës për Ardhmërinë e Kosovës në Gjakovë. (Pallati i Kulturës” Asim Vokshi” , Gjakovë, ora 18:00)

- Organizuar nga Ministria e Diaspores dhe Investimeve Strategjike dhe Rrjeti i Bizneseve të Diasporës Shqiptare mbahet konferenca ekonomike e diasporës shqiptare nga Evropa më B2B. (Hotel Emerald, ora 20:00)

- Kryeministri Ramush Haradinaj merr pjesë në Konferencën Ekonomike të Diasporës Shqiptare nga Evropa, organizuar nga Ministria e Diasporës dhe Investimeve Strategjike dhe Rrjeti i Bizneseve të Diasporës Shqiptare. (Hotel Emerald, ora 20:00)