12 Nëntor 2019

Komisioni miratoi projektligjin për Miniera dhe Minerale

Prishtinë, 11 maj - Komisioni për Ekonomi, Tregti, Industri, Energjetikë, Transport dhe Telekomunikacion i Kuvendit të Kosovës, i kryesuar nga Myzejene Selmani, kryetare, në mbledhjen e sotme shqyrtoi Raportin vjetor të Komisionit Kosovar të Konkurrencës për vitin 2009 dhe shqyrtoi Projektligjin Nr. 03/L-163 për Miniera dhe Minerale.

Në takim ishte i pranishëm edhe kryetari i Komisionit Kosovar të Konkurrencës, Osman Ejupi i cili ofroi një pasqyrë të punës së deritashme, sfidat dhe të arriturat e këtij komisioni.

Në vazhdim të fjalës së tij ai tha se, ndër të arriturat që duhet përmendur janë se ky komision ka arritur të anëtarësohet në Rrjetin Ndërkombëtarë  të Konkurrencës me seli në Budapest, si shteti i 107-të me të drejta të barabarta, kemi bërë nënshkrimin e memorandumit të mirëkuptimit me autoritetin e konkurrencës së Shqipërisë dhe Maqedonisë dhe realizuar vizita të shumta studimore në shtetet e rajonit, me qëllim të aftësimit të stafit.

Ndër sfidat që ai paraqiti ishin mangësitë ligjore që rregullojnë këtë fushë, duke potencuar se komisioni që ai udhëheqë në bashkëpunim me Ministrin e Transportit dhe Post-telekomit, kanë draftuar projektligjin dhe i’a kanë dorëzuar komisionit përkatës të Kuvendit të Kosovës.

Ejupi, me theks të veçantë foli për kushtet e vështira teknike, duke theksuar se ato nuk i plotësojnë as kushtet minimale për punën e komisionit të cilin udhëheq.  

Gjatë  debatit, anëtarët e komisionit ngritën një varg çështjesh, veçanërisht atë të konkurrencës bankare, shërbimeve të post-telekomit dhe shërbimeve energjetike.

Pas diskutimeve, anëtarët e komisionit për Ekonomi, Tregti, Industri, Energjetikë, Transport dhe Telekomunikacion, e miratuan raportin të cilin do t’ia propozojnë Kryesisë së Kuvendit për procedim të mëtutjeshëm.  

Komisioni shqyrtoi edhe projektligjin për Miniera dhe Minerale. Pas shqyrtimeve që iu bënë amendamenteve të paraqitura nga grupi punues, komisioni i përkrahu ato unanimisht dhe vendosi që këtë projektligj ta procedojë në seancë plenare sipas Rregullores së Kuvendit të Republikës së Kosovës.
 

Kalendari

Ngjarjet e datës 12 nëntor 2019 - Mbahet takimi vjetor i ministrave të Bujqësisë së vendeve të Evropës Juglindore me c'rast  Ministria e Bujqësisë, Pylltarisë dhe Zhvillimit Rural e Republikës së Kosovës, do të marrë edhe presidencën për udhëheqjen e Grupit Drejtues të Punës për Zhvillimin Rural Rajonal në Evropën Juglindore për një vit. (Hotel Emerald, ora 9:00)

- Universiteti i Shkencave të Aplikuara në Ferizaj në bashkëpunim me Universitetin e Shkencave të Aplikuara në Salzburg, organizon Konferencën Ndërkombëtare “Bashkëpunimi Universitet – Industri në Inovacion”. (Lokalet e Universitetit  të Shkencave të Aplikuara në Ferizaj. ora 9:00)

- Mahet takimi i 174-të i Këshillit Prokurorial të Kosovës. (Ojekti i Prokurorisë së Shtetit, ora 10:00)

- Zyra Kombëtare e Auditimit bën prezantimin e raportit të auditimit të performancës “Sistemi i kontrollit dhe monitorimit të cilësisë së derivateve të naftës”. (Salla e konferencave “Orion”, ora 10:00)

- Oda e Afarizmit të Kosovës organizon konferencë për media lidhur me pProblemet e bizneseve me bankat komerciale. (Zyret e OAK-së, ora 11:00)

- Lansohet projekti 'Subvencionet për Efiçiencë të Energjisë në Kosovë' të mbështetur nga MCC dhe MFK i cili synon të ofrojë stimuj financiarë dhe teknik për sektorin residencial që mundësojnë investime në masat e efiçencës së energjisë, si dhe të mbështesë gratë ndërmarrëse në energji dhe sektorë të tjerë. (Hoteli Swiss Diamond, ora 11:00)

- Administratori i Agjencisë së ShBA-ve për Zhvillim Ndërkombëtar Mark Green i cili po  qëndron në Kosovë do të marrë pjesë në lançimin e pilot projektit Nxitjet e Efiçencës Energjetike i cili implementohet nga Fondacioni Milenium Kosova dhe financohet nga Korporata e Sfidave të Mijëvjeçarit në bazë të Marrëveshjes “Threshold” të MCC-së në Kosovë. (Hoteli Swiss Diamond, ora 11:00)

- Organizata për Rritjen e Cilësisë në Arsim publikon raportin “Borgjezia” e Akademisë, ku do të paraqitet hulumtimi mbi të ardhurat e stafit akademik menaxherial në universitetet publike të Kosovës. (Para objektit të Qeverisë së Kosovës, në sheshin Skënderbeu, ora 11:00)

- Administratori i Agjencisë së ShBA-ve për Zhvillim Ndërkombëtar Mark Green do të kalojë kohë edhe me të rinjtë me rastin e lançimit të platformës së internetit “Të Rinjtë Prijnë” për t’u krijuar mundësi bartësve të rinj të ndryshimeve të lidhen me rrjete të të rinjve me interesime të ngjashme, mentorë, resurse dhe ngjarje të ndryshme. (Qendra e Rinisë, salla atele, përballë Sallës së Kuqe, ora 15:00) 

- Zhvillohet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- OSBE organizon shfaqjen premierë të dokumentarit “Above the Fold” i cili ofron një tregim narrativ të vështirësive me të cilat përballen gazetarët në sjelljen e informacionit në publik. (Kino ABC, ora 19:00)